我要寫出一個好好好好甜既好故事: 第二十章 命運能選擇
我望住個鐘,晚上九點,距離聽日剩返三個小時,電視播緊柴九,咩係柴九?
日本柴狗?(其實係柴犬)我唔知點答你好,我諗都係唔答好,我拎起個電話,
抖震既手指提醒我,係啊其實我真係好很驚,唔好見我上次拎住把刀兇人,
之後我拎起刀都會有少少手震,真係早知唔扮四條,
四條?邊個黎架,咪就係冇料唔好扮四條囉......
我迷糊中㩒左幾個數字,之後聽到電話接通既聲音,
「嘟...嘟...嘟...」
原來同一件事,係可以帶黎完全唔同既感受。
仲記得細細個,由於阿媽要返工,因此日頭都好少機會見到佢,
往往都係透過電話連絡,阿妹呢,佢就好黐阿媽既,所以每一日返學返到黎,
都係咁叫我打比阿媽,問下佢依家做緊乜野,
「阿哥啊,你幫我打比媽咪啦......」
「你等陣先啊,我做埋呢題就幫你架喇!」
而由於我生性比較單純既關係(其實係蠢)
往往都要花費好多時間先至可以做完一道數學題,
好似聽過阿媽講我係好細嗰陣發過一場高燒,
本身喺幼稚園科科攞A,燒完之後各方面都退步左好多,
最終只能入讀一般既小學,我仲記得阿媽當時好傷心,
雖然我對幼稚園冇乜太多記憶,但印象中我係成日上台領獎定唔知點,
不過當時其實我覺得乜嘢小學都唔重要,或者中學,甚至係大學,
最緊要係自己想做一個點既人 ,但無可否認既係,交友會影響好多人既方向,
我身邊有人入到名校,但係之後去左吸毒,最後仲參與販毒,俾人拉左,我又唔會話咁就一生既,
不過之後可能要努力返「啲」咁姐,不過話時話,
我終於做哂啲數學題,
於是我就一如以往咁拎起個電話,按下熟悉既電話號碼,
「喂,做咩事啊?」話筒另一邊傳來溫柔既聲音,
「哦...無啊,你依家做緊野?」我望一望身邊的阿妹,
她亟欲接過電話,於是我就將電話遞過去,
阿妹好緊張咁握住個電話,
「喂,媽咪啊,你幾時返啊?」然後佢地又會談天說地,時不時又會傳來陣陣笑聲,
真係陣陣笑聲飄送樹林......
而我,就繼續做功課,
窗外的微風悄悄溜進來,夕陽的餘光也不甘示弱,整個客廳一片橘紅,
這場景,不禁令人緬懷著......
但係依家迎接我既,並唔係溫柔既阿媽,
而係殺人唔眨眼既人,
「邊位?」
「喂,你好,請問係咪威哥?」
「哦得架啦,聽日6點旺角地鐵站A出口,係咁。」
我雖然唔知點解佢知我想講乜,不過都好既,夠哂乾淨利落,
費時我講講下口疾疾咁就仲慘,不過聽佢把聲都幾斯文,同我想像中既聲音有好大出入,
其實諗返起,仲有少少陰陽叉既感覺(出自九品芝麻官)
可惜我笑唔出,都係早啲訓覺好過,免得聽日一見面就輸哂氣勢,
咁樣既話喺談判中絕對冇優勢,
於是乎我就唔小心咁訓著左......
窗外的陽光照射進來,舒服得令人不想起床,
懶洋洋咁訓喺到,享受片刻既幸福,
「起身啦!!」身邊的一聲獅吼嚇到我成個人彈起左,
我下意識咁望望個鐘,哇咁快4點?我究竟訓左幾耐?
不過我亦都唔太驚訝,因為仲有成兩個鐘,等我刷完牙洗個臉先,
我望一望個鐘,超,先至過左五分鐘,老老實實,打場LOL都仲得啦,
於是我就進入了召喚峽谷
雖然最後我一個神走位送頭,但好彩因為對面出哂所有技喺我身上,
短短幾秒技能冷卻之間,我既隊友就好似洪水猛獸咁,一下子將對方吞噬,
最後直拆中路兵營,Victory~~~!
雖然成場比賽用左1小時零10分鐘,大家都戰鬥得精疲力盡,
但完場後聊天室仍然牽起一場風卷雲涌:
殺氣b屁孩:「隊友gg」
foreverxlove:「收皮啦,台仔,雷到喊」
......
殺氣b屁孩:「幹林北老師有種單挑」
foreverxlove:「黎lo」
殺氣b屁孩已離開房間
foreverxlove已離開房間
睇完咁精采既對罵之後,我去返個人頁面,
睇住我今天既成果,嗯...銅2 95分,升左15分,今日返黎再打多場,
就可以升銅1,之後再升...哈哈!遲早有一日,
我會升上金牌,證明比大家睇,我既實力絕對唔止銅牌,而係媲美鑽石!
「阿哥?!!!!點解你咁喺到既?我仲以為你已經出左去!!」
阿妹做咩咁大驚小怪?咦,等陣先,弊,衝啊!!!!!
我隨手汁起件白T,著都未著好就沖左出去,
係係係,仲有銀包,紙巾,手機......仲有咩呢?
唉唔理啦,其他野第日先算,
於是我就急急腳咁衝左落去的士站,
希望可以趕得切,
趕唔切,
應該要切,哈哈哈。
_____________________________________________________________________________________________
(利申本人非銅牌)
第二十章啦~嘻嘻呃下字數咁就達成了,無論係新睇,定係一直有追開既讀者,依家開放十條問題,
每人只可問一次,先到先得,太過私人唔答XD(你玩哂啦)
拿如果你地唔問咁我慳返架啦 (慳啲啦無人想問你囉~)