[有沙入眼]是咁的，我嘅職業係幫想自殺嘅人寫遺書: 372.寧願粉身碎骨
嗰一日，我見住阿文老豆嘅捨身撲救，我好似忽然明白左最愛你嘅人，原來真係會同其他人有分別
阿文老豆喺地下見倒自己個女企喺天台邊緣，就即刻衝上黎，而佢跳出去救阿文嘅時候，根本就無諗過自保
如果唔係最重視你嗰個人，又點會做得出？
我必須承認，我做唔出，就算明知成個身跳哂出去就捉得倒阿文，我都唔會做得到
因為我好清楚成個人跳出去，就算捉倒佢隻手，都唔會救倒佢，只會兩個一齊跌落街
但係阿文老豆嘅潛意識，完全排除哂所有理性嘅推論
「我會死」同「捉倒手都救唔倒」，佢連諗都無諗過，就飛左出去捉住阿文
或者佢係諗緊，就算救唔倒，都寧願同個女一齊粉身碎骨