[有沙入眼]是咁的，我嘅職業係幫想自殺嘅人寫遺書: 335.受傷嘅人

其實要搵人上床，前度都係一個選擇，基本上除左買套之外就唔洗用錢，但係阿志無咁做

「界線模糊左，就好難分真假。」

同自己愛過嘅人上床，又有邊個可以保證過程之中，愛意完全無死灰復燃？

男人叫一隻陌生雞都尚且會沉船，咁同翻曾經嘅最愛上床，就更加容易分唔清自己嘅感情

所以阿志先選擇叫雞同搵援交





佢好清楚，自己唔會沉船，同外面嘅人只係交易關係

廚師煮大餐比客人食，客人比錢，就係咁簡單

只係，阿志分得清楚，唔代表其他人都做得到

阿may，就係分唔清楚嗰個

「糾纏落去，受傷嗰個係阿may，所以我無再搵佢，佢搵我我亦無覆機。」