[有沙入眼]是咁的，我嘅職業係幫想自殺嘅人寫遺書: 227.曾經無
一個咩人先會係咁哂自己有錢？
唔係窮人，因為根本無錢
唔係大富豪，因為有錢係理所當然，富貴已經滲入生活每個細節
反而有啲錢，又未到真係富豪級數嘅人，或者暴發户，就會慌死你唔知咁狂話你知佢有錢
因為佢唔想你知，佢曾經好窮
咁咩人先會哂自己多女？
唔係毒撚，因為無女
唔係天生嘅浪子同食女高手，因為有女係理所當然，佢唔洗講你知，你只會見倒佢日日都有新女
所以係後天嘅player，先哂得最行
話你知佢而家好多女，係因為唔想你知，佢曾經無女