一個轉校生, 竟改變了我一生: 第五章
星期二
原本我今日心情好靚, 但係被一件事破壞左
"歐陽哲同學, 請你出黎" 學生會會長陳一朗不爽咁望住我
"係, 請問有咩事" 雖然我天不怕, 地不怕, 但係人地係學生會會長, 少少禮貌都係要既
"衣到人多, 上天台講"
到左天台......
"你星期五晚係咪拖住阿玲由淺水灣沙灘走"
"嗯 點解你會知"
"我住嗰到"
"以後, 唔準同阿玲做朋友 唔準有任何接觸" 陳一朗啤住我
"唔得, 仲有 我同咩人做朋友你無權管囉, 會長!"
"你應該知道我鐘意佢, 你試下再同佢有接觸丫, 我唔會俾你有好日子過, 衣個係學生會會長既命令!!!!"
你條契弟, 仆你個街, 用會長身分大我, 我成世人最Q憎人地大我
"咩料啊會長, 你家陣大曬啊? 我係要同阿玲做朋友, 吹咩? 唔妥我呀 單挑籃球囉, 星期五一點 操場 1 on 1 十一分定輸贏, 我輸左, 跟你講既嘢做 你輸左, 收番你講既嘢, 同埋 唔好係我同阿玲面前出現!!"
陳一朗雖然係籃球隊隊長, 實力超班 但我D技術係打街場練返黎, 一定唔比佢差
"好啊, 你講架 唔準反口"
星期五一點, 我地既籃球單挑正式開始
打左十幾分鐘, 我地比分係9 比 9
下一球係勝負球
衣個時候陳一朗開似有D攰, 開始跟唔上我既速度
於是我極速衝去籃底, 上籃, 輕鬆囉兩分
"咇! 歐陽哲十一分, 佢贏"
觀戰既人係到歡呼 陳一朗就淨係可以死死地氣咁啤住我
阿玲突然行左入黎, 我仲以為佢係黎恭喜我贏左, 點知......