(爸爸no.1)我老豆係口靚妹: 阿政no.54
阿政no.54 塘福的晚上(2)
「係呀,琴晚落完雨所以個天特別清!」我
「我見到幾粒星星!」噹噹
「係呀,今晚咁嘅天氣,去到一兩點可以見到好多星星架!」我
「真架?」噹噹
「.....................」我好似講錯嘢
「唔洗驚我冇你諗得咁癲,其實我都好凍,坐多兩三個字走囉!」
「好呀!」
「嘩!終於有覺好瞓啦!」
「咔!」開門
「....................」我哋
「政仔你訂房嗰陣冇講話要兩張床咩?」噹噹
「我哋兩個人,我以為佢知道添!」
「你以為?佢以為我哋嚟開房呀!」噹噹
「咁我去問佢可唔可以換啦!」
「夜媽媽啋你都傻,入房啦!」噹噹
「咁我瞓地下!」我
「扮乜嘢吖!得一張被咋凍死你都似,而且依d地方應該有曱甴,你仲瞓地下?」噹噹
「曱甴?」佢點知我驚曱甴架
「政仔問你一個問題,老實答我!」噹噹
「問乜呀?入咗去先講!」
「你同阿嘉有冇做過?即係咩咩呢?」噹噹
「梗係冇啦!」講咗去邊呀
「梗係冇?佢成日走入你間房走上你張床,依家仲同埋居,孤男寡女四下無人做乜都得啦,你唔好話比我知阿嘉
真係走上你張床瞓覺吓!」噹噹
「真係冇呀!」
當然冇啦,因為阿嘉嘅真正身份係我老豆,試問做仔嘅同阿爸阿媽瞓埋一張床會搞得乜嘢出嚟吖?諗都唔會諗啦(雖然有諗過)
「人小小唔怕喎,我絕對唔會爆出去!」噹噹
「絕對冇!」肯定
「呵~~呵~~同我估計一模一樣,你性格同樹熊一樣完全冇攻擊性,同熊貓一樣完全失去晒生殖能力,就算依家拉你去叫雞你都
只會嚇到喊出嚟,冇事嘅哈哈~~~~」我覺得我好似比人侮辱緊
「哇!張床好大!」雙人床嚟架嘛
「喂!上嚟瞓啦!」噹噹
點都覺得怪怪地,同阿嘉的確冇問題,家人吖嘛,但噹噹係一個普通女仔,應該講今日係我有生以嚟第一次(唔計阿嘉)同一個女仔
響一間房瞓埋同一張床過夜,真係冇問題?
9:50
我哋依家真係坐埋同一張床,冚埋被響度睇電視,咁早當然未瞓啦,瞓咗成晚街嘅噹噹又好似一d都唔倦咁,仲響張床度彈吓彈吓,
睇佢咁興奮真係當咗去camp,不過依個camp只係得我哋兩個人!
「電視節目都唔好睇嘅,有冇其他嘢睇呀?」噹噹
「睇youtube囉,嗱!」比部電話佢
「夠唔夠電呀?」噹噹
「我仲有舊後備電池!」
「未來戰士?」噹噹
「冇錯!就算比人打爆舊電池都仲有一舊可以保護你!」我
「聽講嗰舊電池最後會爆炸炸死敵人啵!」電池爆炸?
「係呀!陣間我會塞舊電池入你個日度炸死你,第三集完!」我
「你去死啦,砰砰............」我哋響張床度打架
「好!睇吓你部電話有乜唔見得光嘅嘢先!」
「嘟、嘟.......」係咁襟我部電話
「冇嘢睇架,冇AV冇甜相乜都冇架!」d珍藏響晒我部PC度
「咦?有好多game,全部都係d美少女game,姬戰公主魔女女神惡魔連LL都有!」噹噹
「唔覺意單撈咗啫!」
「嘟嘟,你都幾唔覺意吓,去到62Lv!」唔好再搞我部電話啦
「無聊玩吓咁啦!」我
「嘟嘟,點玩架?」噹噹
「好易啫,基本上襟個掣就自動波,有d就做啲簡單嘢就升Lv喇!」我
「咁有乜好玩呀?」噹噹
「玩就冇乜嘢玩,最大樂趣其實係升Lv,攞到d稀有卡!」我
「真嗰句其實係收集女仔卡,d卡同袁澤守屋企figure差唔多樣(阿嘉之前影晒阿澤屋企d公仔比佢哋睇)!」噹噹
「唔好誤會我同佢唔同,我唔係d咩二次元狂人!」
「唔係話你二次元,不過係咪所有男仔都一樣只要有錢有條件,就會好似集郵咁去識唔同嘅女仔?連政仔你都一樣............」
做乜望住我?
「如果政仔你第日好有錢又或者返咗去古代做皇帝,你會唔會整個後宮出嚟,晚晚要十幾個女仔服侍你?」噹噹
「梗係唔會啦,諗都冇諗過!」雖然依個係所有男人嘅夢想
「講大話!男人就係咁冇可能對一個女仔一心一意,見一個愛一個,只要有女仔對你好小小就會胡思亂想!」噹噹
弊!噹噹爸爸有外遇令到佢對男人冇晒信心,本來諗住做個正面教材比噹噹睇,點知部電話出賣咗我!
「噹噹其實依個世界都有好多專一嘅男仔!」
「講乜呀你?我又冇話乜嘢,其實依d係男仔天性,如果有個靚女響你面前出現你望都唔望我先驚呀,唔洗驚我冇話你唔啱!」你咁講我先驚
「不過男人真係全部都一樣樣!」噹噹
「...............」我都唔知講乜好
「政仔,如果將來你遇到一個好鍾意嘅女仔,你會唔會放棄阿嘉!」噹噹
「做乜講埋依d嘢?」誤會晒啦但又唔可以講我哋係兩父子
「政仔你依家先得18歲,到第日你讀大學出嚟社會做嘢你圈子裡面可能有好多女仔,可能比阿嘉更好更適合你,如果你眼中只
有阿嘉可能你會錯失好多機會!」噹噹
「今日佢係你女朋友所以你唔會考慮其他女仔,但到你哋出嚟社會接觸嘅人多咗,發覺大家唔係咁夾,就算你對佢幾專一,以佢嘅
性格佢都會一腳踢開你,所以做人要為自己打算!」噹噹
「如果發覺身邊有一個好女仔.........諗諗佢!」
「估唔到你思想又幾成熟,應該叫現實先啱,不過依d說話如果比阿嘉聽到佢殺咗你都似!」我
「嘩!你唔好同佢講呀佢真係殺咗我架,當你係朋友先同你講咋,理性討論理性討論!」好激動
「知喇打唔打機呀?」我
「打!不過唔要依d!」
「嗱!依隻啱你簡單益智又刺激!」我
「乜嘢game?」噹噹
「飛行棋!」
「咚!」
「做乜打我?」
「我唔係小學生呀!」噹噹
唔係小學生!最後咪又係玩咗成個鐘,乜嘢生果鑽石game全部玩齊,其實佢d興趣同其他女仔完全冇分別,只不過外表硬朗啫,
過多幾年可能係一個亭亭玉立嘅女仔都唔定!
「唔玩喇!第二舊電得返65％咋!」噹噹
「為免聽朝起身冇晒電熄咗佢先,嘟!」
「熄咗?」噹噹
「係呀乜嘢事呀?」我
「咁即係依一刻唔會有人搵到我哋,依家係我哋兩個人嘅世界?」噹噹
「點解你今日講D嘢咁怪?」
「我去沖涼!」噹噹
「沙.....沙.......」
依家響門後面有個女仔除晒衫響度沖涼,而我就瞓咗響張床度等佢,有種怪怪地嘅感覺!
就算幾光明正大都好今晚嘅事都唔能夠講出去,唔係真係水洗都唔清,不過我有個預感,今晚唔會係一個平靜嘅晚上!
「我沖完到你啦!」噹噹
「哦!」
「快D啦我好倦呀,沖完涼一齊瞓啦!」噹噹
「哦!」
「沙~~~沙~~~」
我響度諗緊乜?瞓覺啫有乜好驚呀,合埋眼一陣就天光啦,噹噹就係信得我過先同我一齊瞓,千祈唔好做衰嘢、手多多、抽水............
不過身體係最誠實嘅,依家我扯到行晒,如果陣間唔小心頂到佢真係講乜都冇用,冷靜,好--------縮!
「我沖完喇!」
「咁耐架?」噹噹
「我想沖乾淨d嘛!」我講乜嘢
「快d熄燈瞓啦!」噹噹
「咦!點解床頭有條褲嘅?」我
「我個囉!」噹噹
「你條褲..........」
「條褲太硬好唔舒服(我慣咗著睡衣瞓覺),咁咪除咗佢囉!」噹噹
「好似唔係咁好........」
「怕乜啫,冚埋張被熄埋燈乜都睇唔到啦,你條褲都好似好硬洗唔洗除埋佢呀?」噹噹
「唔洗喇!」最硬嘅唔係條褲
「叮!」
「.................」
點好呢?孤男寡女共處一室,大家仲飲咗酒噹噹依家又心靈空虛,瞓埋同一張床連褲都除埋,依照劇情發展真係會乜嘢乜嘢個喎!
係囉!去到依個地步做男仔一d反應都冇又真係好似好唔比面咁.........我傻咗呀?噹噹未夠秤架!
新聞都有講啦,MK仔同MK妹扑完嘢之後d靚妹好似有鋪引咁一定同社工講,又或者post上Fb呃like,如果佢講咗比阿茵知四月我
就唔係考DSE而係入冊!
「喂!唔好搵個背脊得住人啦,擰過嚟傾吓計啦!」噹噹
「哦!」
「比隻手我吖!」噹噹
「嘩!好似做返小朋友咁同爸爸媽媽瞓覺,好舒服!」
佢枕咗落我隻手度,我哋面貼面幾乎咀對咀,噹噹今日好唔同,好溫柔好嗲好可愛,同平時嘅感覺完全唔同,定還是依一刻先係真正嘅佢?
「政仔,你爸爸係一個點樣嘅人嚟架?」噹噹
「惡囉!做嘢叻搵錢多做乜都要第一,不過好難頂!」我
「聽阿嘉講你爸爸好叻(佢梗係咁講啦),原來真係咁犀利,阿嘉爸爸係大有錢佬,阿茵爸爸又係top sale,你哋d爸爸個個都咁叻!」噹噹
「你爸爸呢?」我好似問咗d唔應該問嘅嘢
「冇用囉!又細膽又搵唔到錢,響公司做咗十幾年仲要比人的上大陸,媽媽叫佢響香港搵過份佢又搵唔返咁高人工,最後硬食上咗去!」噹噹
「所以就響大陸識咗個女人?」我又講錯嘢喇
「你識佢嗰陣都知佢冇本事架啦,點解成日響度單單打打比說話佢聽,爸爸根本唔識同人鬧交唔識反抗,但我知佢好辛苦,我都好辛苦,如果
有一個關心我嘅人出現我或者同佢一樣乜都唔理「鍾」個頭埋去!」噹噹
「佢哋已經分咗手啦點解仲唔放過佢仲要追殺落去?所有人都當正佢係衰人,佢響香港已經冇晒親戚連爺爺嫲嫲屋企都唔敢返,佢唔會再返嚟
我唔會再見到佢,我以後都見唔到爸爸嗚...........」
「噹噹.......唔好喊啦!」
「唔好再講喇唔想聽呀,唔好再響我面前講爸爸壞話,唔好再鬧爸爸,唔好蝦爸爸.........」
我明白你感受,每一個父母同我哋一樣都只係普通人,唔係完美一樣都會犯錯,好多方面都達唔到我哋嘅要求!
當我哋日漸成長,以往完美no.1嘅爸爸會越嚟越多缺點,越嚟越難相處,甚至會憎恨佢哋!
但即使係咁,我相信冇一個子女會想聽到自己父母壞話,如果我哋父母當眾比人鬧比人侮辱,就算關係再差當聽到依d說話都會好難受,尤其係
依d說話係出自另一個至親!
我完全明白你嘅感受,因為我同你都一樣,當父母離異成為敵人,做子女只會成為磨心,我哋根本無能為力,我哋只能眼白白睇住依個家支離破碎!
我依家攬住噹噹,之前嘅邪念已經煙消雲散,我口才唔好,動聽嘅安慰說話我一句都講唔出,我只可以攬實佢,緊緊攬實依個需要保護嘅女仔!
我依稀記得我唔係第一次離家出走,響我好細個嘅時候我好似同一個女仔響公園,同而家一樣,緊緊攬實佢!