(爸爸no.1)我老豆係口靚妹: 爸爸no27

爸爸no.27     

1月21號下午三時

好悶呀!早咗半個鐘做完,份卷都交埋都唔比走,瞓又唔比瞓,痾篤尿都話唔得,
正變態女人!
咦?噹噹氣色唔係咁好喎,都比晒貼士精讀佢都搞唔掂?

「蔣泳嘉!唔好兩頭望!」變態miss
「哦!」我





死八婆!揸住雞毛當領箭,不過我依家只係一個十幾歲嘅學生,唯有硬食,過多幾年
當我成為百滔ceo,日日屌班員工都得,由其係嗰d成頭家等佢養嗰d,真係屌到佢
哋反皮,揸鳩埋佢哋春袋都得呀!呵~~~~呵!

「蔣泳嘉!唔準傻笑!」濕鳩miss
「....................」








放學


「呀!終於考完晒試啦!」茵
「完啦,乜都完啦!」噹噹
「你唔好話比我聽你完全唔識吓!」我

「咁又唔係,好過上年好多啦,不過有三四科冇信心合格!」噹噹
「七科有三四科冇信心合格..............」我哋三個




「不過都好過上年啦,上年你有6科唔合.........」詩

「細聲d啦,阿政響前面呀!」掩住阿詩個口
「你哋考成點呀?」政

「OK啦,噹噹慘d,有三四科唔合格!」茵
「砰!」阿茵一拳倒地
「我話冇信心咋,唔係唔合格呀!」

「有三四科有危險?咁怕唔怕你哋miss.........」
「唔怕!佢上年有6科唔...........」倒地嘅阿茵
「砰!呀~~~~~~~」踩多腳

「咁又唔洗太擔心,中期考啫,仲有時間,大考考好d咪得囉!」政
「到我考完DSE,6月我陪你哋一齊溫吖！」





「哇！政仔有你響度我就唔洗驚啦！「」噹噹攬住阿政
「掌門師兄！咁關心ｄ女弟子有乜企圖呀！」我
「乜呀！我主要嚟睇你架，考成點呀？」

「天下第一的誕生！」高舉雙手
「串撚到佢！」噹噹
「自大狂！」茵
「自戀狂！」詩

「喂!乜嘢自大自戀呀?依d叫事實,我攞硬第一!」我
「攞唔到第一又點呀?」三個
「我笠住條底褲響個頭度跑操場三個圈!」大聲

「喂,你始終係d乜乜女神,顧吓儀態好唔好!」噹噹




「講嘢成個麻甩佬咁!」茵
「嘩嘩~~~~~嘩嘩~~~」




「你哋走先啦,我要排戲呀!」噹噹
「頭先成隻死狗咁,一講後日表演就情緒高脹!」茵
「到派成績表嗰陣咪又係低落返!」詩

「頭腦簡單嘅人真係幸福,要到死嗰刻先識流眼淚!」我
「哈~~~哈~~~哈~~~」我哋三個
一大班人響條八婆背後講佢壞話真係一件賞心樂事嚟架!

「我哋去買camp d日用品同埋行吓街,去唔去呀?」茵




「唔去啦,阿政放完假要考mock,我要爭取時間同佢溫習!」我

「其實我哋25-27號去camp,會唔會影響到你溫書架?」詩
「放心!要溫嘅我都溫晒,而且我會帶埋d書去camp!」政

「同埋有我響度冇問題嘅,不過夜晚可能有兩粒鐘時間我會同佢溫習,你哋
自己玩啦!」我
「哥哥加油!」詩

「不過阿原佢哋幾個都話要考試唔嚟!」茵
「始終都要考mock,邊有父母會比自己個仔去三日兩夜camp唔返屋企架?」政
「咁即係你話我依個老豆淨係顧住玩,死拉你去camp,好唔滿意啦!」我(細聲)

「我邊有呀,唔好搣痛呀!」政
「打情駡悄!」茵、詩




「byebye!」



********************************************************************


蔣家大它

「喂得未呀,著好未呀砰!」踢開度門
「嘩,我條褲都未著好呀!」政
「唓!你碌嘢我由細睇到大啦,怕羞!」

「睇睇,著咗禮服真係成個唔同晒,我敢講你行返入學校,所有女同學一定望到你
實一實!」
「邊有咁誇張呀!」

「比d信心自己,其實你一d都唔差,只要你放膽去做,你會做得好過所有人!」
「係咪覺得我依個做爸爸好亂嚟,考mock前都要帶你去camp?」
「嗯........」政

「因為你同其他人唔同,你比佢哋叻,比佢哋更勤力,只要你努力去做一定冇問題,
小兩三日時間跟本唔係問題!」
「而且無論係mock定係最後嘅DSE,我都會響你身邊,我會同你一齊殺上大學!」
自信目光

「好!」政
「始終都要去玩三幾日,今晚我哋就努力d,做返兩份paper啦!」