(無甜)上天給我的一個玩笑 (新增外傳): (7)

「鈴鈴鈴鈴鈴鈴鈴」鬧鐘不停嘅跳動
 
我亦都緩緩起身梳洗，準備好哂所有野後去左買早餐，當我等早餐個陣我亦順手打比啊螢，等啊螢準備定開門比我，唔洗我禁門鐘騷擾到啊螢嘅屋企人
 
「喂」好肯定係一把岩岩比我用電話嘈醒嘅語氣「搵邊位」
 
「啊螢?，你仲未起身呀?就七點啦」我一面無奈
 
「呀…係WOR，唔好意思呀」啊螢極度緊張「你唔好行咁快呀，比少少時間我梳洗」
 




好彩打定個電話上去，唔係既話企係佢門口到等佢就好似一個痴漢咁企係佢屋企門口，而我見啊螢岩岩起身，我亦買多份早餐比啊螢
 
「嘟嘟」我再一次打比啊螢
 
「喂」
 
「我係你屋企門口啦，開門啦，我費事禁門鐘嘈到你屋企人」
 
「入黎啦」啊螢慢慢咁打開門
 




「外賣到，活力早餐一份，多謝XX元」我扮哂外賣仔個語氣
 
「入黎啦仲玩」啊螢拍一拍我
 
「拿，呢份你嘅，聽你岩岩把聲都知你比我打電話嘈醒架啦」
 
「多謝你呀，我比返錢你啦」啊螢準備拎出銀包
 
「唔洗啦，一個早餐啫」
 




「咁…下次我請返你食啦」
 
「隨便你啦」我有時都覺得禮讓呢種美德係呢啲情況係幾煩
 
我地兩個嘆完份早餐之後亦都開始炸好我地負責嘅炸蝦多士
當我將啲多士落鍋炸嘅時候…
 
「呀…」啊螢縮左係我後面
 
「做咩呀又」我望住佢
 
「我怕啲油彈到我囉」佢一路望住隻鍋一路閃閃縮縮
 
「…咁你出返去啦」我推佢出廳「我炸好哂你先入黎幫手放入食物盆啦」
 




比左推左出廳嘅啊螢就係到睇電視留意下有啲咩新聞，而我就一條友係到炸多士…明明樣野食係佢諗嘅點解又好似我一個做哂咁呢…
 
「搞店啦」我抹一抹手「入黎幫手啦」
 
「哦…黎啦」
 
包好哂啲野食之後，我著返件外套之後，我地兩個都向住學校進發
 
係路途一直有好多人都望住我地兩個，雖然個個都係著住便服但我都認得係我地學校嘅學生
 
我同啊螢打開門入班房之際，突然傳出一陣嗚嗚聲