(無甜)上天給我的一個玩笑 (新增外傳): (1)
個天落著傾盆大雨
「哈哈哈!哈哈哈!」我跪地痛哭著「呀!!!!!」發出如鄭嘉穎一樣的咆哮聲
「點解呀! 點解個天要咁玩我呀。」
時間回到中四那年
「陳永風同學，你同我企係到!」一位女生在走廊大聲地講
「粱倩螢，我無交功課姐，唔洗係走廊到響我全朵掛。」我用我天生兇惡既眼神直視住佢
呢位追我功課既女生佢係4B班即係我個班既女班長，由我踏入呢間中學開始佢就一直同我同班，由中一開始我就同佢結下不解之緣……。呀!唔係，係不解之怨先岩!佢一日到黑都同我作對，如果佢係天下第一神捕，我諗我就係神偷盜跖，大家唔好誤會我唔係鍾意偷野，只係每一日生活都要同佢對著幹，不過亦都因為係咁，我既中學生活先有唔同既色彩
「你無交功課仲大搖大擺咁離開學校，你係唔係當我盲架。」
「你又正義超人上身呀?日日都係到追我功課?你煩唔煩架。中一到而家你年年同我同班又唔係唔知經常我唔交功課。」
「你都知你成日唔交功課架咩? 你知唔知老師比功課你就係想…」
我打斷左佢既說話：「唉得啦得啦，我聽日交比你，你真係好煩，仲煩過我啊媽。」
「你傻架?今日既功課聽日先交?你而家仲想走人去玩? 留低做返哂今日D功課先好走呀你，盧SIR叫既!哼。」佢行過黎拉住我
「唉…怕左你，見係盧SIR既功課做埋先走。」
我慢慢咁行返入班房，做返哂通識科盧SIR既功課
我返學既每一日唔係比佢追功課就係比佢捉我犯校規，一日到黑啄都住我，真係命都短幾年
當我一入返班房時，盧SIR即刻彈起身講句：「你個死仔我同你熟還熟，功課都仲係要交既。快啲同我坐低搞店哂啲野你先好走呀」
呢位盧SIR只係今年先入我地學校教書，但佢上堂既時候有好多唔同既方法同我地互動而且亦都比好大既自由度我地，只要有功課交，測驗有好成績，就唔會理我地上堂做啲咩，只要唔好嘈到佢講書就OK啦
「係係係」我都懶得認佢
「乖乖地做功課咪有得走囉，而家?呵呵呵呵」啊螢發出一連串既恥笑聲。
我既無名火即刻黎料
「啊螢，其實你係唔係痴線架，我中一同你同班到而家，你就年年都搵著我黎搞」
其實佢唔單止同我年年同班，仲年年都坐我旁邊，全校既人都知我同佢唔岩嘴型但就年年都同佢坐，真係煩到死。
「你都傻既，你安守本份我咪搞唔到你囉」佢仲伸脷咁望住我
「唉…我前世做錯咩事，搞到要遇上你呢個癲婆」我搖哂頭咁嘆出一口怨氣。
最後我以九秒九既速度做哂所有野
無驚無險咁就一日
第二日，我迷迷糊糊咁起身，OH Shit! 八點啦! 距離遲到得返十分鐘
我即刻刷牙洗臉換衫著鞋飛左出門口，好彩學校離我屋企好近只要一有lift我就唔會遲到。
頂!
點解兩部Lift都係由地下上黎架，我仲要住係頂樓，今次真係大鍋了。
一出Lift門，我咩都唔理飛奔返學校，我望一望手機，8點09分! 仲有一分鐘!!
當我就衝到學校門口既時候，校鐘一響，門口既領袖生即刻關門。
頂……
就係差個少少呀
「陳永風同學，遲到! 無情講」訓導主任拋低一句咁既野後向我伸手示意要我本手冊。
當然我拎本手冊個陣個樣係非常之咁不屑。
點解?因為今日有操會集會，每次集會尾聲，遲到既人都會好好被「表揚」
唉…真係柒到一個點
集會過後，柒左既我慢慢咁行返上班房，一入門口個下比成班人係到恥笑，而我一於懶理行返埋位。
一到小息，就有四個男仔行過黎拍我。
「喂!啊風乜你今日咁柒架?」一個一身健康膚色既男生問我
「啊友，我都唔想架，鬼叫我琴晚同你班四大天王打機咩，咪搞到唔知醒囉。」
圍住我呢四位就係我班既四大天王
一身健康膚色既就係啊友
而高高瘦瘦既就叫啊華
戴眼鏡個款好似好讀書FEEL既就叫啊明
最後，又肥又矮既個個叫城城。
城城拍哂枱咁笑我「我地四個夠係咁啦，又唔見我地遲到?」
「你收啦，九成九同我地玩完之後通頂無訓啦」
「係呀，咁點呀，琴晚有西甲睇同你地打完機，之後睇波，跟住返學FIT哂」
「我都知你條友仔要我地打到咁晚都估到你唔係咁大癮，原來搵我地黎陪你等開波」
啊華打住呵欠咁講「粉你個腸，下次有西甲唔Q同你打機，我好眼訓，唔好嘈醒我，唔係我打柒你」
「喂啊華，一齊訓啦」我都打左個大呵欠。
「唉 而家D年青人一啲活力都無」啊明托住眼鏡咁望我伏係枱面
「你話咩就咩啦。」我揚一揚手示意我要訓啦。
小息過後，跟住兩堂都係選修科。個癲婆會轉班房無人阻住我訓，爽呀。
不知不覺我就訓到連第二個小息都完埋。
當教中文既MISS Wong行入黎，大家都準備行禮，而我都仲係訓到隻成死豬咁。
砰!!!!!
我當堂嚇一跳，然後感覺到個頭好痛
原來坐我旁邊個癲婆用本書一野拍落我個頭到
「你係咪痴線架」被拍醒既我向住啊螢一聲咆哮
「MISS都到左啦，你仲係到訓，你係咪返學架?」啊螢無懼我嘅咆哮聲
MISS Wong望到呢個情景不禁笑左一下「又係你兩個鬥氣。」
行禮過後，Miss Wong繼續教書。
而我被個癲婆嘈醒之後亦都訓唔返，唯有怒啤住佢。
「你做咩成堂都望住我」專心聽書既佢亦都開始感覺到我既怒火。
「你話呢?」
「好心你啦，一個大男人，咁易就嬲?」
「算，我唔理你亦都唔望住你，費事你炒左中文又賴我」我望向窗邊發呆
「哼!我先唔會受你影響」
我而擰返個頭望住佢「乜係咩?」仲有用一個極陰險既樣望住佢
佢亦都越黎越唔自然「唔玩啦小學雞，比你嬴囉」
「洗你比? 挑」我繼續望返窗邊發呆。
其實啊螢佢外貌唔講得上女神級，但都叫有幾分姿色，仲幾有氣質。