我與同居女同學的日子: 接吻

返到上我屋企之後，佢就話好肚餓，咁我就煮左個麵比佢食，佢就話去沖涼。


「嗱，呢到就有啲新毛巾，未用過既」


佢連唔該都冇講就拿走，咁我就走去煮麵啦，睇下屋企有咩食先，蛋，午餐肉，生菜，唉算啦，都唔到佢唔食。時間啱啱好，個麵煮完佢就出嚟。

「嘩，你啲餸做乜整到哈哈笑咁」
「冇，我見有人嬲嬲豬咪整個哈哈笑比佢囉，點啊，嬲完未啊，黃大小姐」




「見到有人咁比心機哄我開心，一早嬲完啦」


講完佢笑左一笑，唔笑由可，一笑更加令到我陶醉。

「快……快啲食啦，啲麵淋晒啦」
「嗯」

跟住佢就靜靜咁食完碗麵並洗埋碗
你問我點解要個女仔洗碗，我初頭話洗架，係佢話要洗架





「咁我今晚瞓邊」
「瞓我間房啦，我瞓書房」唔知點解有股想保護佢既氣慨。

啜。佢錫左我塊臉一啖

「就當多謝你啦」

佢講完就返左入房，而我就摸住塊紅左既臉返左入書房瞓。






贈你一吻或許 容易
唯獨你是那麼 特殊
令我鞭策自己 反省幾多次
艱苦 也要為你堅持