再一次愛上沒有放下的舊情人: 四十六

我幫Karen請左一日假，好令佢回復心情同埋休息一下

「鈴...鈴鈴...鈴鈴鈴鈴....」我電話響起來

「呀Wing？」我說

「呀成你係邊呀？我見你無番工，擔心你呀」呀Wing著急地說

「我係車，番緊黎架啦，你唔洗咁擔心啦」





「有個男人打黎比我，佢話你飲得好醉，佢又搵你唔到，驚你唔知有咩事」

「邊個男人」我好奇地問

「佢...佢好似叫呀邦呀，但我唔知佢點解有我電話」呀Wing驚訝地說

「可能佢用我電話打過比你，之後佢又擔心我唔知聽日點，咁咪係我電話到抄左你個電話囉」

「咁好啦，你快啲番啦」佢似是對我既說話不了解，然後就收線





諗諗下，要不是那個舅父，我番工放工都唔會可以咁自由，雖然有時都會比Leo訓話一頓，但可能係Karen既關係，佢不敢嚴厲地責罵我

番工既期間，我無睇過電話，只怕Karen講左啲令我心痛既說話

去到放工時間，門外聽到了一絲既敲門聲

「Come in」我示意對方入來

我抬起頭，見到呀Wing係我面前，臉上有點唔好意思





「咩事」我一邊低著頭做野，一邊說

「你...你係咪同Karen嘈交呀」佢問

「Karen同你講架？」

「咁都好正常姐，佢唔開心，想搵人傾計，總好過同男人傾呀」

說著又是，如果佢又同其他男人傾，我又會好似今早咁對佢

我將我同佢既事話左比呀Wing知，佢愈聽愈覺得費解

「其實...你會唔會小氣左啲...」佢尷尬地笑著說

「小氣？小咩氣，我只係想知道佢既野姐」





「咁...個個女人都想有自己既私人架啦，佢既過去又有咩所謂喎，又影響唔到你」

「好心你唔好咁自卑啦，佢依家都係你，你理得佢既過去咩」佢接著說

「我...」我被佢講中曬，亦都唔知道應該點辯駁佢

「你咩你，快啲番去哄番人啦死人頭」佢笑著說

「你記唔記得，你之前問我既野」我問

「咁耐以黎你問過我咁多野，我點記得喎」佢笑容甜得令想沉醉

「你...你咪話如果我搵唔到Karen既話，我會唔會選擇你既」





佢沒有出聲，面想一個出奇既樣子，似是想著點解我會提起

「其實...當時我想答你...我會...」