[SHESHE] 我和女神的一星期: 第四章

參觀完間屋 
我終於捨得去梳洗下自己， 
望住塊鏡其實我仲未好信噚晚發生嘅事 
洗左個面，稔住拎個電話出黎睇下 

「diu 係喎成晚無返酒店電話無曬電」 
唉唯有快d衝返酒店沖個涼順便差電話d電 

一個箭步衝出門口之際 
咦，原來有張memo貼左喺門口 


我撕左張memo落黎一路行一路睇 

「牛奶(?!)沒有記錯吧，對不起姐記性不太好！ 
昨晚辛苦你了。xxxxxxxx 
這是姐的電話起來簡訊我。 雨澄」

落到街即刻搵的士 
「西門町xxx酒店，謝謝」 
好快就返到去， 
臭左成晚終於可以沖返個涼。 



「哇好舒服」 
差d想好似沐浴露廣告咁嗌出黎 
之後一路吹頭一路拎返個電話睇 

仆街咁多whtsapp嘅！ 
我女朋友終於搵我

「喂，你做緊咩啊？」 
「仲嬲緊?.?」 


「你做咩11點幾之後無on過line啊?」 
「去左邊度玩啊你」 
「3點幾喇喎小姐，仲未玩完？」 
「你稔住幾時先覆我？」 
「？」 
「你好野喎你去左第二度都唔洗話我知架？

好彩我有auntie電話我先知啫，你點同人拍拖架你咁大個人無黎答sarp」 


唉一開返電話就比人轟炸 
我真係寧願電話永遠都無電 

講下女朋友先， 佢細我三年啱啱出黎做野 
喺廣告公司做PR,平時把口好叻，所以基本上我所有朋友 


連我阿爸阿媽都十分鐘意佢。 
而我地一齊左兩年幾，其實都無嗌過咩大交 

除左我真係好怕佢好痴身， 因為我份工嘅關係， 
我同香港一部分潮店嘅sales， 
尤其女性動物都有d交情， 所以佢係每日都會check住我行程。

而今次點解會嗌交呢 
就係比佢發現左我同其中一個女sales 
私底下whtsapp 

「喂人地幾多歳，仲細過我個妹啊我點會鐘意佢啊。」 
「咁啊我都細你三年啦，我點知你會唔會」 
「三年同六七年喎，同埋你知我唔鐘意女仔食煙架啦。」 
「咁點解佢會有你電話?」 


「我點知點解啫，我咪比你睇下lor，我地無講咩曖昧野。」 
「咁你可以delete左架」 
「咁你唔信我都無辦法，總之我真係無」

女仔就係咁， 
比你睇又話可以delete， 
唔比你睇又話身有屎。 

你敎我點答 

所以果一日我最後真係無覆佢， 
而再一次收到佢嘅msg， 
就係一個禮拜後嘅今日。

「係啊有個新系列launch我去左台北做野啊， 


我都係幾日前先知唔記得同你講。 
仲有我無帶到external charger,電話可能會無電， 
有咩返到黎先講啦。自己小心d,take care」 

覆完女朋友 
見到希希個line msg 
「牛奶 沒事吧，我起來的時候你還在呼呼大睡， 
我都不好意思吵醒你喲^^ 」 

「晦，我剛回到酒店洗澡了，待會兒還要出去工作， 
謝謝哥昨晚邀請我，玩得很開心！」

吹完頭換件衫就準備出去 

吖係喎仲有張memo紙喺褲袋 


差d掉左。 

即刻拎個電話save左女神個電話先， 
禮貌上我都要send個msg去多謝佢借張梳化比我訓嘅 

「你好！我是牛奶，你的梳化好舒服，謝謝。」 

好似好白痴，都係唔好 

「你好！我是牛奶，昨晚扶了姐姐一個晚上現在手還有點累><」 

send呢個佢一定會覆我

終於出到去做野， 已經差不多下午3點。 
講解set display,check 貨,點貨不停做 
連lunch都無食先勉強做得曬今日嘅數， 
收工嘅時候啱啱好10點半。 

中間希希有問過我一唔一齊食晚飯 
但係我未做曬d野所以話左唔去。 

而女神佢一路無覆過我個msg 
可能我個msg太低能

收左工，我一個人喺路邊食左個麵線 
再食左幾串串燒就返左酒店。 

人就係犯賤 返到酒店未夠12點又唔想訓住 
打開部電視睇下台灣d綜藝節目 
再拎部電腦出黎玩下facebook 
突然間醒起不如google 下女神d野 

原來佢大我3年， 
唔怪得佢係咁叫自己做姐 
都係果d xxxx比賽出道 
出碟之後做主持，拍偶像劇 
無咩特別...