她是我的青梅竹馬…(已實體上市): 七十三章
「呃……簡單介紹下自己先，我係今晚準新娘嘅青梅竹馬，由幼稚園三年級開始就認識佢，細嗰個陣，佢就住我屋企隔離，大家如果啱先有睇相，就會發覺有個可愛細路仔經常出現喺小詩雨隔離……嗰個就係我……我哋一齊長大，做咗十幾年鄰居，直到佢某一日突然搬走為止……今晚喺呢度，呼……實在有好多嘢想講……係講所有嘢之前，我想為新娘子，唱首歌先……係Ｃ君嘅，時光機……」我在台上拿著咪對觀眾說，緊張到把小肥說了做Ｃ君……
說畢後我就逕自走到鋼琴前坐下，用手輕觸冰冷無比的琴鍵，內心又抖震了一下……
左手開始彈出和弦，右手按動旋律對應的琴鍵……
清一清嗓子，準備演唱……
如果一早沒有當 好知己
如果我一開始就沒有站在青梅竹馬這個位置上……
如果天公造美 勤力地獻技
如果我們之間，沒有那麼多差錯……
如若約會那天 有像預期 拖實你
如果在海洋公園那天，我不理會嘔吐物有多髒，依然固執擁實你……
如果他出現了 我夠勇氣
能做盡特技 能跟他相爭至死
如果在得知你和子華一起了以後，我能不逃避不退避……
如果在得知你和現在的未婚夫在一起時，我能奮不顧身把你搶回來……
我今天不須要 在暗中仰慕你
那麼，今天在你身旁的人，會是我嗎……
只想去為你 完成時光機器
人人能超越時間生死
如果用人生的時間，能夠製造出時光機，令你和我再次相遇，我願意……
就算重來幾千次幾萬次，我都願意回到阿姨按我家門鈴的那天和你再相遇……
子彈鋪滿地 為求情敵撤離
部署戰爭奮勇地尋找轉機
愛情上，我從來不是一個勇敢的人……
為了你，我甘願被台下所有人恥笑，都要踏上這個台和你說出心底話
天天公開捍衛你 不再逃避
樣樣事也經由我親身主理
中一謠言事件後，我不應該疏遠你，悟空應該捉著月野兔的手向全世界宣示愛的主權……
而不是躺在我家的鐵盒中……
被動沒有機 自信再小都緊抱實你
我再不會在你身邊逃離，而是天天在你左右保護你，呵護你……
如果不執著暗戀 多麼好
如果當初望見情敵 便憤怒
如果陳山軍學長向你表白那天，我能呷多一點醋……
如若智力夠高 吐字用詞 多用腦
如果我每一次都能把哽在喉中的話吐出來……
如果搶先示愛 算數算數
懷恨沒味道 時光機開始倒數
我想好好改過 直接跟你上訴
如果中七最後一天當你問我的時候，我坦白地說我愛你，說你就是我黃澄渢於世上最愛的人……
那麼今天，我不需要再給你送上虛假的祝福，因為你的幸福，會是由我來帶給你……
只想去為你 完成時光機器
人人能超越時間生死
我可以憑這首歌乘上時光機嗎？
子彈鋪滿地 為求情敵撤離
部署戰爭奮勇地尋找轉機
詩雨你願意為我背負世界的罪名嗎？
天天公開捍衛你 不再逃避
樣樣事也經由我親身主理
被動沒有機 自信再小都緊抱實你
讓你的未來，由我創造，好嗎……
當天不敢抱實你 只去逃避
舊日獨有情份都失之交臂
懦弱地妄想 造個機器重遇你
這是我最後的機會……
沒法改寫既定結尾 就期待下世紀
我不知道今天以後，能否令你回心轉意……只希望，把我當年來的心聲訴說……
只希望，你在以後，都能記得我這一個人……曾有那麼一個人，全心全意愛過你……
啪啪啪啪啪！
呼……
唱完了……
隨著歌詞，浮起了好多好多和詩雨之間的回憶……
想起了好多好多，可以做好，但沒有做到的地方……
待會兒就讓我一次過向她說出全部……
我站起身來，拿著咪高峰走回台的前方位置。
「呃……多謝大家支持。」我說，回報聽眾們的掌聲。
我看見晉傑他們，拍得尤其用力。
果然是好兄弟！
「唱完歌之後，我想同新娘講一下我一直以嚟嘅心底話……係一段當初喺海洋公園無講到出嚟嘅心底話……當然，亦都同首歌有關，唔係唱嚟都無意思啦係咪……哈哈……」我苦笑兩聲，然後看向台下的詩雨……
她看似目無表情，但我還是察覺到她雙眼開始泛紅……
我就要你哭出來。
「丘詩雨小姐，首先，多謝你……一直以嚟對我嘅照顧，體恤，包容，諒解……」我吞一吞口水，然後深呼吸一口，準備再說下去……
「大約五歲嗰一年，阿姨帶住你撳我屋企門鐘，介紹你俾我同我老媽子識，就係咁，我地嘅命運開始交織……」
「我嘅童年，極大部份時間都係同你一齊過……我地一齊睇卡通片，一齊玩搖搖，一齊玩古羅卡，一齊玩芭比，一齊畫畫，一齊砌puzzle……到後期少少，我地一齊玩暴龍機，一齊玩gameboy，一齊玩寵物小精靈，一齊卡關，一齊研究……真係好開心……但我一直都無察覺到，原來我嘅開心，唔係建基於所有遊戲同玩具之上……而係因為有你同我一齊玩，所以我先咁開心……我當時仲未知呢種咁特夠嘅情感到底係咩……」
「然後慢慢大個，到小六嗰一年，你俾隔離班個肥仔蝦，我諗都唔諗就同你出頭……個肥仔足足高我大半個頭……但我依然淆都唔淆就走去挑戰佢……因為，我唔想你喊，我唔想你受委屈……我諗呢種就係所謂「鍾意」嘅形態……」
「到中學，我同你小小嘅年紀，竟然會有緋聞傳出……我真係覺得好煩厭，我唔想成日俾人講……但我竟然用咗一個最蠢嘅方法去處理……我竟然疏遠你……我好後悔無捉住你隻手，同全班人講我就係鍾意你……對唔住……」
「後黎我地就因為咁……開始減少聯絡……到中二中三，我都無分到同你同班……更加令我地嘅距離越嚟越遠……」
「去到中四……我地都終於做返同班同學……但我竟然……唔知點樣開口同你講野，唔知點樣先可以回復返我地昔日嘅關係……我竟然開始串你……講每一句嘢都要奚落到你……希望你可以注意到我……」
「但你無介意不突只……仲永遠都笑笑口咁同我傾計……我好後悔……後悔點解唔好好對你……你仲喺我病咗嗰陣放學跑返嚟照顧我……煮麵俾我食，煲粥俾我食……斟兩杯水俾我食藥同飲……我發覺，你已經成為無可取締嘅存在……」
「但我一直都無同你講……因為我怕你當我只係一個由細玩到大嘅好朋友……」
「考完會考你應承同我去海洋公園，我真係好開心，我覺得我地拍緊拖，只係差講出口嗰步……臨走嘅時候，我將隻熊送俾嗰陣，我真係想一次過同你講晒咁多年嘅心底話，但我又唔爭氣嘔咗出嚟……至令我一直錯過，又錯過……」
「去到中七𠴱陣，你問我係唔係鍾意你……我竟然會因為學業呢啲無謂藉口而答一個不知所謂嘅答案……如果可以再嚟過……我一定會講我鍾意你……」
「本身諗住考完試再同你表白……我準備晒一堆打動你嘅禮物……點知天意弄人……」
「當淅言出事，我下定決心再同你表白嘅時候……你已經選擇咗同子華一齊……」
「或者人生就係咁……永遠無辦法好似自己希望、預想嘅方式去上演……你最後都係決定同我保持距離……」
「幾年之後，我同你做返好普通嘅朋友……但你已經喺職場上有唔同嘅追求者……最後仲選擇咗而家呢位成為你丈夫……恭喜你……你地真係好登對……」
「衷心衷心地，祝一對新人幸福快樂……但我依然想同詩雨講最後一句說話……丘詩雨，我愛你……由我知道咩係愛開始，我就已經愛上咗你……我唔知你有無對我有過同樣嘅感覺……如果你有……如果你對我仲有絲毫留戀……可唔可以……唔好結婚住……俾一次機會我……由零開始，展開對你嘅追求……」
全場哄動如雷……
而詩雨，哭得梨花帶雨，淚如雨下……
她用雙手拭去眼淚，然後向著我綻放出尤如雨後彩虹般的笑容……
那麼，宣告我的死刑吧……由你親手來……