若你發現我未曾存在，你還會愛著我麼？: 6. 姚加奈的經紀人
網路主播—一種透過在網上進行直播來為觀眾帶來娛樂或知識的職業。至於收入則是依靠觀眾的觀看次數以及他們的自發性打賞。為此收入可以很高也可以很低，極不穩定。但由於普遍大眾認為這份工作自由度高又不需努力，因而很多年輕人也盼望著成為直播主。
當然世界上，沒有這麼好的事情。YouTuber行業競爭非常激烈，特別是Cosplay直播這類少眾直播主。能以此成功並維持生計的人往往是少數例子。若有一個孩子告訴父母自己想以直播成為終身職業，他一定會被指責，並被告訴這只是讀不了書才入行的行業，想要成功便要好好努力讀書，找一份穩定的工作。
然而我面前的是一位名列前矛的學霸，為了自己的夢想而放棄學業做cosplay主播的女生。
這讓我感到奇怪。
不要誤會，我不覺得姚加奈不適合做主播。以她的樣貌相信不多久便擁很多粉絲。
只是姚加奈文質彬彬的印象和cosplay那種故意打扮宅男女神的形象形成巨大的反差使我一時間接受不了。而且一個學霸去靠討好觀眾以作維生用途再想也不是很合理吧。
「哦·······估唔到喔，但係點解你想做cosplay主播作為你嘅職業嘅？」
儘管我不是很能接受姚加奈的選擇，但是我還是以尊重的語氣問道
「因為依份係一份開心工，觀眾睇直播睇得開心，我就會開心，咁唔係好好咩？」
她的回答讓我很驚訝，簡單得讓我驚訝。她做Cosplay直播主的原因就只是因為快樂？
當然，我敢肯定觀眾看到姚加奈會很開心，試問那位人士看到漂亮的女生時會感到不愉快（除了妒忌姚加奈的女仕以外）。
但是如果要一份讓別人開心，其實也不用一定做直播主。其實做回她醫生也不是可以讓人脫離痛苦嗎？這樣病人也會因此咁到開心。這樣目的不是同樣達到嗎？
「但係作為醫生，幫人地脫離痛苦都唔係一件好好嘅事咩？」
「我以前都係咁唸，不過我發現人大多數嘅痛苦並唔係嚟自病痛。而係生活中嘅各種問題。姐係話就算我地令佢啲好返，佢地都脫離唔到生活嘅痛苦。人嘅一生大多嘅痛苦係嚟自生活嘅心理壓力，而唔係病痛。如果一個人心理素質好好，或者佢唔會點感受到病痛。但係如果一個人處理唔到生理上嘅問題，無論佢身體有幾健康都好，佢地嘅痛苦都只會長存落去。我做主播就係希望將人暫時脫離現實嘅痛苦」姚加奈認真說到。
她說的很像很有道理，但好像這並不能完全解釋到她做主播的原因。
「如果你想改善人嘅心理健康，點解你唔去做心理醫生？」我問到
「因為心理醫生幫到嘅只係一小部分肯承認自己有精神出現問題嘅人解決情緒病，而我想嘅係從心理問題嘅根本原因，亦即係日常嘅生活壓力入手。你太睇少一個Youtuber嘅威力啦，Youtuber其實就係觀眾每日個心理醫生。一個直播主對於佢地嘅忠實fans黎講，唔單止係一個用黎娛樂人物，更加係一個精神寄託。好多人返到屋企最開心嘅事莫過於睇到佢地嘅Youtuber.你知唔知，假設一個人有一個精神依靠，佢地感受到嘅煩惱就會少咗好多。」
「但係你覺得做一個係Youtube直播cosplay直播主就可以做到觀眾嘅精神寄託咩？ 」
「依件事難架，不過唔係冇可能。你睇吓YouTube同Twitch就知道一個成功嘅主播可以有幾多死忠粉就知到唔係無可能，所以我要更加努力。」
「其實，我覺得以你嘅資質去做偶像，影響力會更加大囉， 你會唔會考慮吓做演員？」
「唔會，因為偶像嘅職業生涯一直俾公司控制，我係唔受依一套，完全冇自由嘅。而且比起做戲，我更加prefer玩cosplay。其實我一直想玩Cos好耐架啦，只不過之前讀書太辛苦冇時間先一直冇玩。」
真的完全想不到姚加奈是那些喜歡二次元的人。 學霸不是應該只看那些參考書嗎？看來我真的要從新定義一下學霸了。
「原來係咁，但係你做cosplay主播，點解又要我幫手？我又未做過主播。」
「咁你就錯啦，我搵你唔係嚟教我做cosplay，而係幫我化妝扮靚。」
「吓，化妝？咁你更加唔應該搵我啦，你搵女仔幫手咪仲好？」
姚加奈笑了笑，拿出她的手機，打開我的過往IG網頁其中一張照片，說：「你睇你自己之前化妝扮靚嘅相，真心好過其他女仔好多囉。比啲信心自己，我搵得你就預咗你係依方面幫到我手。」
看到自己女裝的照片，我感到非常噁心，沒有任何自豪的感覺，連姚加奈也不敢直視。
「依啲黑歷史你就收返埋啦，我真心見到覺得好尷。同埋我真係冇再玩女裝啦」我喊道。
「我都話咗冇咩好尷尬囉，唔係講笑，我真係以一個欣賞嘅角度黎睇你之前嘅事，你真心有幫人化妝嘅天份。就算你唔再玩女裝，你都可以幫我化妝架，依倆件事唔會有衝突架？」姚加奈用水汪汪的眼睛看著我。
老實說，我對幫別人打扮這事完全沒有興趣，一個大男人為何要去碰這些女人的東西？再者化妝是我過往女裝時才會做的事。如果是其他人求我的話，我一定會拒絕，我已經不想更女裝扯上任何關係了。不過男人就是容易被女人影響的生物，在美女面前原則只是可有可無的東西。
我想了一想，發現無法拒絕她。不過向另外一方面想，我不是能藉著這次機會多點接近她嗎？如果幫助她能讓自己有更多時間去了解她的話，我開心也來不及了。
「好啦，我都可以幫你嘅，我盡力啦。不過唔好唔記得我失咗憶，應該唔係點記得啲扮嘅技巧。可能化得唔好，希望你唔介意。」
準確一點來說，我是完全忘記了之前打扮的技巧。
「唔緊要，我信你掂嘅。我覺得你點都有有返啲工底係度。爛船都有三分釘嘛。就算你失咗憶，我相信你練吓就好快上返手。同埋呢，我其實仲有其他嘢想搵你想搵你幫手。」
「嗯？」
「你知道一個直播主通常有一個經紀人幫手安排行程，咁樣一來可以減輕主播的負擔，亦都可以另直播的內容質素更加。正因為你係我嘅鄰居，我地隨時都可以見到面。所以我希望你可以做我的助手。放心喔，我唔會要你做免費奴工喔的，將來如果有收入嘅話我都會預賣你一份。」
能和學校校花一同合作做同一件事情，是多少男人的夢想。我那會因為那一點小錢而拒絕女神呢。就算姚加奈要我每天貼幾百錢給她才讓我待在她身邊我也願意。
「可以啊。反正我都唔係好忙。」我說到。
不忙？在我脱口而出的一瞬間我便知道自己在欺騙自己。如今失憶後三個月，雖然勉強習慣如何做一個正常的青年男性，但我才剛剛才開始新的學期，有很多東西需要適應，也有很多功課要應付，其實沒有多餘時間。
「咁真係太好啦。」姚加奈突然興奮地抓住我的手，突如其來的驚喜讓我有點不知所措，面也紅了起來。
我想，能被她抓住已經值了。
「係·····係呢，咁你打算幾時開始直播？同埋可唔可以俾我睇吓你直播的形象。我或者可以俾吓啲參考意見，睇下點樣改善。」
其實我只是想滿足一下自己眼睛的慾望
「我唸住下星期同一日係我房間裡進行第一場直播。至於形象就等我一陣，我依家整俾你睇吓。」
姚加奈走進了自己的房間，關上了門，留下我在客廳等待。
過了數分鐘後，姚加奈從房間出來，只見她帶了一個雙馬尾的白色假髮。眼睛戴了隱形眼鏡，瞳孔由黑色變成藍色，原本水汪汪的的眼睛變得更為亮大，接近漫畫裡的大小了。但衣服卻完全沒有換
「趙子恆你覺得點呀？好冇睇呀？」姚加奈以一個高了八度，模仿幼女的聲線說道。
突然間，我覺得眼前的人不是姚加奈，而是一個學妹，一個可愛並帶有小惡魔性格的學妹。她的氣質和原本文雅的感覺完全不同。
這也太可愛了吧，一時間我想衝過去緊緊抱緊她。
「趙子恆，點解呆咗係度嘅？」姚加奈用回原本的聲音說道
「冇，冇呀，一時間認唔出你啫。」
「依家嘅樣差別真係同原本咁大咩？」姚加奈用原本的語氣笑到
「係呀，唔止個樣唔同咗，連原本姚加奈原本嘅氣質都唔同。感覺係一個初中生。仲有你之後係咪都會用依種聲線直播嗎？你驚唔驚傷到喉嚨呀？」
「唔會呀，你知道如果要吸引觀眾，把聲就要可愛啲，如果用平時把聲線黎講野，咁咪融入唔到個角色囉，咁觀眾同聽陌生人講野有咩分別。」
聽你說話，誰會覺得跟聽陌生人說話一樣呢？
「係呢了，如果你係以cosplay 作為直播主題，咁你應該要識一啲日文，因為嗰啲鍾意cosplay文化嘅觀眾，都比較鍾意日本文化。」
「這層完全唔係問題，我以前豆油學過日文，所以基本嘅溝通唔係問題。」
「原來你識日語，勁喔。」
「都冇你咁勁啦，係十六歲便考咗日文N1 考試。」
「原來我識日語的，我真的唔知喔。」
「原來你連自己最拿手嘅日文都唔記得咗，睇黎來你失憶真係幾嚴重，你以前成日說自己每日用一個鐘學日文。依家乜都唔記得，真係好可惜囉。」
的確，如過我以前花了這麼多時間在一個語言上，現在卻連一個字也不記得，感覺之前的努力完全白費了。
還有，我感覺是失億前的我越來越陌生。三個月來，我好像沒有對以前的自己有更多的認識，反而越來越陌生。好像還有很多事情我是不知道的。還有，我非常不解，如果我現在忘掉了如何說日語，那麼為何我會記得如何說中文。難道我沒有完全失憶？而且李倫為何從來沒有跟我說我有日語的底子。
不知道為什麼。我有一種感覺，感覺我失憶的事情不是被人打劫這麼簡單，而李倫一定有些事情不想我知道。
不過可能這只是我的錯覺吧。
「係呢，你唸住一直著咁嘅衫直播？唔唸住换啲特別啲既衫？」
「會啊，但最近手頭有點緊，暫時應該唔會買新衫，而且李倫話你有很多唔用既女装，可以借嚟用一用。」
該死的李倫，慷他人之慨。
「如果你介意既話，我都唔會勉強你既。」大概姚加奈看到我面部稍微不滿的樣子，所以這樣說道。
「唔會唔會，反正啲野對我都用，現在我就去攞過嚟。」
「你幫我揀一套就可以，我信你的審美感，唔站該你。」
「放心交俾我啦。」
我走到門口，穿上了鞋，正準備離開的時候，發現自己有些東西想說。
「姚加奈，你啱啱係咪問我係咪鍾意你？」我回頭說道。
「係呀。」
「我想講，鍾意你依件事係千真萬確。但正如你咁唸，我喜歡你係因為你靚。但如果將來，我會因為你想嗰個原因而鍾意你，我們之間會唔會有可能？」
姚加奈笑了笑說：「當然有。」