若你發現我未曾存在，你還會愛著我麼？: 4.那個放棄學業的醫科生
理論上，如果我早兩分鐘看見姚加奈，我驚訝的程度不會這麼高。但我剛剛心理上已認定姚加奈不在這裡，現在又突然出現，這多少野帶來驚嚇。
「你·······你係姚加奈？」我不確定地問到
「係啊，原來你仲記得我，睇嚟你失憶都唔係好嚴重啫。」那女生笑道。
她的笑容真美，她笑的畫面實在讓我願意目不轉睛盯著她一個小時。
「Errrrrr，其實我都係最近先識你，我今日係學校聽到有關你嘅傳聞，話你移咗民。係呢？你點知我失憶架？係咪李倫同你講咗？」
對著這樣絕世美女說話，還是一件挺痛苦的事情。我深怕自己說錯一句話，得罪她或讓她感到反感。到時侯，連朋友也做不成，想到這裡，我的心就異常緊張。
「果然謠言已經開始傳開，你睇吓，我依家成個人棟係度，你就知道啲傳聞係假架啦。係呀，李倫係你醒返嗰已經同我講咗。但係點解你見到我好似好驚訝咁，我一直就住係你隔離渣嘛，唔通你個friend一直都冇話你知？」
「冇啊，佢三個月嚟一直都冇提起過你。係我今日提起你佢先話我知你係我鄰居。」我尷尬的笑道。
該死的李倫，三個月來也不告訴我身邊有一個絕世美女，害的我白白浪費了三個月的起青春。他一定有意圖扼殺我的桃花運，好讓自己能和女神獨處。
「哈哈哈········其實呢之前我都有打算搵你，睇吓你嘅情況，但係李倫話你嘅身體狀況唔穩定，而且要專心溫書。我怕我打亂你嘅休息，所以一直冇搵你。」
果然是李倫做得好事，我肯定他喜歡姚加奈。因為怕我搶掉女神，所以設法阻止我遇見姚加奈。你這個李倫，表面上為朋友作想，實質實重色輕友，哼！
「邊到會呀，有鄰居探我，我一定好感動。」
何止感動？我簡直興奮到死啦。如果姚加奈能天天探訪我，並像電視劇的女主角那樣照顧我，我一定會以為自己生活在天堂。
當然前提是李倫不存在，我不想有一個電燈泡在我旁邊。
話說，如果姚加奈能直接取代李倫的位置不是更好嗎？
「其實呢，我想問·········」
「得得得，我知道你有野想問，不過可唔可以俾我倒咗啲垃圾先，依袋野真係有點重。」姚加奈苦笑道.
「哦·········對唔住，對唔住。」
不知為什麼，我感覺自己好像說錯了話，得罪了姚加奈。我內疚地低著頭看著她走進後樓梯。
姚加奈從後樓梯走了出來，來到我的面前，笑著說到：「係呢，反正你都係失憶之後第一見我，我都好耐冇同你傾過計。不如你嚟我屋企坐吓呀？我都有啲野想你幫吓手，不知你介唔介意呢？」
女神邀請自己到她家，對眾大的男生來說是上帝對自己的恩賜。當然答案跟本無需思考。
「好呀無問題，反正我冇嘢做，咁打搞晒你。」
我跟著姚加奈來到她的單位門口，發現她架就在我對面。進屋後，她叫我隨便坐，我便乖乖地坐了在沙發上，觀察著香港島大學校花家裡的佈置。
「綠茶O唔OK呀？」
「OK呀，梗係OK啦，你俾咩我飲我都OK架。」
「趙子恆，做人唔可以咁客氣架，你咁搞我反而會好唔好意思。你等我一陣，我去倒茶。」姚加奈笑道，然後走進了廚房。
想不到她不但是外表漂亮，連性格也很好。我完全明白為何同學們會喜歡她。
姚加奈家裡沒有大多奇奇怪怪的裝飾，家裡佈置得十分樸素，但你不會覺得簡陋，因為家裏打掃得井井有條，而樹架也放著不同類型的書，整個單位充滿著文青的氣味，讓人感到十分自然放鬆舒適。再者，這裡的主人翁是個女神，只有她在，任何地方也會變得格外美麗。
「係呢，你啱啱係咪有野想問我？係咪關於學校嘅事？」姚加奈把熱熱的綠茶遞到我的手中。
「係，希望我嘅問題唔會冒犯你，但傳聞你退學依件事係咪真架？」我喝了一口綠茶，然後把杯子放到旁邊的茶几。
「退學係真嘅，不過你都睇到啦，離港嘅傳言係假嘅。」
「點解好好地要退學呢？係咪學校發生咗咩唔開心的嘅事呀？」
「冇啊，就係單純唔鍾意讀。覺得依科唔啱自己。」
「係咪讀書壓力太大呀？」我繼續問道
「壓力大就一定架啦，咁我科又有好多野要記。不過我唔係因為壓力而唔讀醫囉。我放棄只係因為我覺得做醫生滿足唔到我。」
「吓，做醫生人工高福利好，幫到人又受人尊敬。點解滿足唔到你呀？」
「你咁講其實冇錯，我以前都覺得做醫生就已經去到人生頂峰，但係我讀完year1就發現我根本唔想做醫生。我唔想成世係醫院重重複複對住啲病人。人生只係有一次，我想做我鍾意嘅嘢，甚至可以為依樣野去冒險。簡單啲講就係最求夢想囉。」
其實世上有那一份工不是重重複複的呢？其實醫生這份被她厭惡的職業其實已經是很多人的夢想。不過她的心情我是能理解，不竟世上每樣東西有人喜歡也有人討厭。或許她的夢想真的會讓她開心很多。
「但係你就咁放棄個學位唔會覺得有啲可惜呢？你其實會唔會覺得畢咗業先好啲」
「唔會，將寶貴嘅時間用係自己唔鍾意事情先可惜。」
既然她都這樣說了，我再問她退學的理由也沒有意義了。
「係呢，其實我依家對自己失憶前嘅概念都係有啲模糊。我醒返之後對自己嘅認知都係李倫話俾我聽。我覺得單方面聽佢講好似唔係咁準。你覺得失憶之前嘅我係一個點樣嘅人？」
其實一直以來，我對李倫的話一直有保留。因為總感覺他有很多事情他也不跟我說，好像有些東西瞞著我。
「覺得單方面聽李倫唔準？你係咪唔信你個friend呀？」姚加奈笑到
「冇呀，我冇呀，我剩係想·······」
「係個好人。」姚加奈打斷我的話
「咪玩啦，你知道我唔係要依啲答案。」我有點不滿的說道。
「哈哈，講笑啫。唔······你到底係一個點嘅人呢？我覺得其實你除咗女裝依樣特殊癖好之外，就係一個普通個男仔囉。」姚加奈笑道。
被女神形容普通，到底是一件值得開心還是失望的事呢。被人們說普通，證明你在人們面前什麼也不是，一點出眾的特質也沒有，和在街上的路人完全沒分別。但從另一方面來看，這證明你在人家心中沒有什麼反感的。姚加奈不反感，其實也值得慶幸。至於什麼正面的印象，就留待將來慢慢建立吧。
其實她的回答並沒有讓我十分滿意，我想聽到的是一些李倫從來沒有對我說過的特質。不過我想了一想，得確覺得這或許是最好的答案。我怕再說下去，她又會說出我一些負面的東西，到時尷尬就不好了。
「其實依家我已經冇再玩女裝依啲咁唔正常嘅嘢啦，所以我依家就係普通男仔一個。」我尷尬的說道。
「其實你唔使覺得你以前女裝係黑歷史喔，我唔覺得女裝係咩唔正常嘅喜好囉，依樣喜好又唔會傷害到人，只係小眾咗啲，點解要覺得醜怪？」
女神果然就是女神，不像李倫和那些組員一直在嘲笑我，說我奇怪，反而接受不同人的喜好。糟了，我真的越來越喜歡面前這位女生。
「多謝你，但係點都好啦，現家我已經冇依個癖好。可能失憶之後人嘅性格都變埋呢。係呢，聽聞之前有很多男仔追你。但係你都冇接受過任何一個人。到底你係唔想拍拖呀？定係提唔上眼，定係你已經有仔？」我嘗試試探一下姚加奈，看一看自己有沒有可能。
「哇，冇見咁耐，咁快就問啲咁私隱嘅嘢？果然失咗憶之後性格變咗好多，講嘢都直接咗。」姚加奈的表情表現得很驚訝。
「我都係問吓啫，如果你介意可以唔使講。」我慌忙說到。
「咁又唔係好介意嘅，見你係鄰居熟人就話你知啦。我冇男朋友們，不過其實我都想拍拖，不過前提係遇到一個啱我嘅人。」
「啫係話學校啲人你都睇唔上眼？」
「說話又唔可以咁講，只係佢地冇我鍾意嘅特質。」
「咁你鍾意點樣嘅男仔？」
姚加奈沒有回答我的問題，反而意味深長笑了一下
「點解問埋啲問題？點解咁想知？唔通······你喜歡我？」姚加奈突然把面伸到我的面前，笑道。