我一出世就被追殺！？: 第十四章：「變化？！」

啊水與黃公公回到家後，便開始食晚飯，而啊水像是竹十數天沒有進食般狼吞虎嚥，剛剛那一戰應該消耗了他相當的體力和氣息。
 
「咁辛苦先過到『第一獸』，有無覺得自己改變咗啲咩？」黃公公不疾不徐地就。
 
「變？有咩變？係唔係靚仔咗？」啊水似乎沒有太在意黃公公說的話，只顧人吃眼前的美食。看到他的回應，黃公公只是意味深長地笑了笑。
 
隔天，啊水便回到學院，留待夜晚才繼續挑戰「十獸練」。
 
「水哥，聽聞你同水靈琴日出事喎，有無事啊？」啊水的友人番薯問道。
 




「你都知啊？好驚險，不過依大家就無咩事！」啊水答道。
 
「不過我又聽聞你救咗水靈喎，依次得米啦，追咗咁耐！」番薯奸笑著。
 
「得你嗰頭咩！衰仔又玩我啊？」說罷，啊水便追著番薯打鬧。
 
回到課室坐位後，番薯打量著啊水：
 
「水哥，點解總係覺得你大隻咗咁嘅？」
 




「有咩，咪都係差唔多？！」
 
事實上，經過一場「十獸練」後，啊水的肌肉、身高有明顯的增強、增高，更重要的是他的氣息增強了不少。可是，遲鈍的啊水並未發現自己一的變化。
 
「各位、各位，安靜安靜，班會主席我有啲嘢要講！」站在黑板教師桌前的一名瘦削的男同學道。
 
「又有咩廢話講，傻仔主席！」接著全班都哄堂大笑起來，看來這位班會主席不甚受到歡迎。
 
「大家冷靜啲先，聽吓家俊有咩講先啦！」啊水站起身為主席說話。可能啊水站起來時，他的氣息不自覺地向外滲出了些，而這氣息與過往的不同，甚有霸氣。故一時之間，整個課室都安靜起來，直至其中一名學生說：
 




「好，我哋就聽吓黃家俊有咩嘢講！」
 
「唔該啊水，嚟緊又係一年一度嘅『大樓盃賽』啦！我哋要諗一樣比賽同其他大樓山進行，贏咗就可以提升我哋大樓嘅地位，幫助畢業！」家俊興奮地道。
 
「鬼唔知咩，傻仔主席，但我年年都包尾嫁啦，有咩好討論，求其啦！」其他同學都各應他。唯獨啊水十分認真地思考有甚麼可以與其他大樓一較高下。突然，啊水想到「十獸練」，便對主席說：
 
「我哋進行『獸鬥』」當聽到啊水這樣說的時候，班房裏無一不驚訝。