港足守護神和他背後的守護神: 35 - 射手0殺？
很快就晚上九時，我吃完晚飯後便到discord語音頻道。
李卓軒：「最遲係你呀振華，快啲開game啦。」
我們剛剛開了遊戲後，便發現了一個問題。
方國偉：「點解我join唔到嘅。」
林振照：「係咪你成日開外掛，畀官方ban咗account。」
方國偉：「食屎啦你。」
此時我靈機一觸：「你咩段位呀？」
方國偉：「星耀囉。」
我：「唔怪得知啦，你望下戴榮昌。」
戴榮昌：「咩事，做乜嗌我。」
李卓軒：「頂，你卡喺黃金I，咁梗係同唔到國偉一齊打啦。」
戴榮昌：「係咩，屌。」
方國偉：「唔緊要，我用細帳陪你升排，我細帳都係黃金。」
林振照：「咁串，咁靠你carry喇。」
一分鐘後
方國偉：「搞錯呀，隻奎倫畀人ban咗。我打輔助算喇。」
林振照：「喂，唔得呀，我唔想打嘢。」
方國偉：「好啦好啦，我用趙雲。」
林振照：「咁我用哥德爾。」
五分鐘後
林振照：「你有冇搞錯呀戴榮昌，做乜嘢唔射，開普攻射佢啦屌你老味！」
戴榮昌：「Sorly sorly。」
方國偉：「凡恩唔用普攻係咩玩法，葉振華落嚟野區幫手，悟空入咗嚟。」
我：「收到。」
打機的時光過得特別快，打到第二局時......
我：「哎呀我又死咗，早知唔同弗洛倫單挑。」
方國偉：「冇㗎，司科德又未至於打唔贏，最主要今日中路太雷。」
李卓軒：「我認我雷，但係射手仲係0殺係咩事。」
此時我發現有兩個手機notification:
陳慧恩
22:02 你而家得唔得閒呀？
22:03 係咪瞓咗覺😓
糟了，我忘記了十點約了陳慧恩電話通話。
林振照：「喂，司科德得唔好掛機呀！」
我：「唔好意思，唔好意思。」
還是完場後再看什麼情況吧。
陳慧恩
22:10 你趕住有嘢做就做嘢先啦 我聽日再搵你講啦
好的，這意味著這晚我可以不用理她了。
繼續打機！
陳慧恩
23:30 睇嚟你應該已經瞓咗 咁我瞓先喇 早唞💤
同一時間，今場打中路的林振照突然斷線。
然後30秒後，我們收到一則訊息。
@ccchunchiu7912：老母熄wi-fi
我決定回覆：
@chunwahhhhh1217：咁你仲玩唔玩 唔玩嘅話講聲
@ccchunchiu7912：no play
第二天回校後，我一轉角走入班房陳慧恩便走上前，我們的臉龐貼得非常近，嚇得我連望後退。她說：
「我哋講兩句。」
我回覆：「呀陳小姐你可唔可以畀我擺低個書包先再傾。」
她雙手搭在我膊頭上把我推出班房：
「唔呀，好快咋嘛。」
被她推出走廊後，我問：
「有咩事咁緊急要而家即刻講？」
陳慧恩說：「er......我今個星期六有羽毛球比賽，想請你過嚟睇。」
我馬上表示：「咁咋嘛，咁使乜咁大陣仗呀。嚟，我都冇嘢做。咦，唔係喎，禮拜六好似四強比賽日。」
陳慧恩從滿懷期待的表情馬上轉換成一副失望的表情，說：
「咁你咪即係嚟唔到睇我比賽囉。」
我馬上說：「冇辦法啦，我都想過嚟睇。你一定贏到嘅，我相信！」
陳慧恩繼續說，並且聲音越說越小：
「仲有呀，我老豆話想下個月搵你飲下茶，你去唔去？」
我表示：「吓？佢搵我飲茶？」
陳慧恩說：「唔係嘅，我阿媽同我都會在場嘅。」
我：「咁仲得人驚，咁齊人，點解佢會搵我？」
陳慧恩說：「我同咗佢哋講，你哋足球隊打破咗學校一直以嚟嘅紀錄，仲話你打得好好。佢哋就話好耐冇見你，想請你飲茶，話曬你都係我嘅“救命恩人”。」
我表示：「“救命恩人”會唔會太誇張......」
「唔會！」陳慧恩連忙搶答。
我無奈地說：「你點講就點講啦。飲茶嗰度我冇乜所謂嘅，日子係咩？」
陳慧恩說：「日子未定，咁我同佢哋講你會嚟㗎喇。」
其實我沒有所謂的原因是因為他們且我飲茶我也不用付費，有免費午餐何樂而不為，不過希望到時不要是早餐。
晨早流流未瞓醒就要對住暗暗沉沉嘅長輩，煩到死；如果講錯嘢嘅話，出事㗎嘛。