無啦啦有三條女同左我一齊住: 1
尖沙咀，某髮型屋
「多謝你400蚊」
我自信滿滿咁拎出銀包，遞出四張一百大元
「哈哈，咁你玩ocamp開心啲啦」髮型師對我笑道
「嗯！」
落到樓下，我馬上開出iphone既自拍鏡頭
睇住我既新髮型，差啲忍唔住笑左出聲
「嘩屌...咁撚型得唔得架周日龍！」
今個月月頭既jupas放榜，一向成績麻麻既我成功考入理大
雖然係水泡科工程物理，但都好過讀asso或者i大既
當然，我又點會甘心於剩係讀書
過去中學一直被班女標籤為毒撚既我，係時候要擺脫A0既命運！
我，要溝女！
而我既第一步，就係要響聽日應用科學及紡織學院既中o入面，好好表現自己
只要我成功令人對我產生好感，到時近水樓台，絕對易得米！
「我出門口啦」
「小心啲呀」
第二日，我一早已經gel好哂頭，著住響niko and買既新衫
一身日系潮人look，一定比到個好印象班女啦
理大男神，真正的誕生了！
我懷住自信，坐住西鐵前往紅磡
到左紅磡站之後
我拎返部電話出黎，check返個集合地點
「FJ podium....」
理大地理同其他大學有啲分別，平時火車橋落黎果度叫podium
啲大樓就由唔同既CORE組成，例如間課室叫FJ301，就代表佢響F core同J core中間
果然，一踏入理大，就已經感受到
屬於大學既青春氣息！
我加快腳步，準備迎接自己既大學生活！
FJ podium呢個時候已經有好多人聚集，似乎都係參加今次ocamp既人黎
「hello呀，係咪join左FAST中o架？」
一個應該大我少少既女仔走黎問我
「呃..嗯！係呀，我係第7組既」我裝作有自信道
我要催眠自己，我唔再係中學果個毒撚周日龍，我係理大男神
呢個姐姐留啡短髮，眼大大
化左少少妝既佢，著住t恤牛仔短褲，更顯青春活力
「咦，就係我果組喎！哈哈真係橋啦！」
個姐姐笑住答：「我就係你既組媽erika啦！我帶你返去我地果組先啦」
估唔到響poly第一個識既女仔就咁高質，我出pool有望啦！
我跟住erika組媽，去到podium既一角
「嗱呢度就係我地組啦」
呢個時候，一個皮膚黑黝，身材大隻既金毛男仔走過黎
「你就係我地組仔呀？你好，我係組爸wilson」
聽把聲都feel到呢個wilson串過碼頭姑哩，所以我都唔想理
都唔知啲人練到咁大隻做乜撚，成個小拳石咁
呢個時候，其他組應該都已經齊人，開始玩下自介咁
「仲差一個...我地等多陣丫」erika組姐道
我望下我地組，的確，有兩條女正到仆街！
其中一個皮膚白到好似蛋白咁
樣方面，雖然係單眼皮，但仲顯得得意！
髮色就應該highlight過少少，明顯有少少金
重點係，好似幾大波咁！就係挺爆件tee咁
另一個個樣就標致少少
身材較高，大約165左右，皮膚一樣咁白
短頭髮，髮色就直頭係啡毛
周圍無論係同組既定係隔黎組既，都不自覺地暗暗望下呢兩條女
我決定左，呢兩條女，就係我既頭號目標！
為左響依家呢個無人敢講第一句野既氣氛中展示自己，我馬上擺起姜b式閪嘴，對佢地投出自信既眼神
大波妹望左我一眼，就即刻轉望其他野
另一個短髮妹直頭無察覺我望過去，一味響度禁電話
唔係唔係唔係，一定係佢地未訓醒姐...
「唔..唔好意思呀..我遲左少少...」
呢個時候，又有一個女仔黎到
呢個女仔留分界黑髮，個樣同大波妹或者短髮妹唔同
佢散發住一種清秀脫俗既感覺，簡單啲講，就係好pure好true！
「唔緊要呀，都未夠鐘」
同為女仔既組媽erika帶佢企到我隔黎
嘿，又係時候啦
我望埋去佢個度，報以一個自信既笑容
「hi」
俊俏既外表，禮貌既問好，係女都心動啦
「...」
呢個清秀妹先係打一個突，眼珠慢慢滾向下，望住我一身niko and打扮
身體
慢慢咁向後退，眼神仲有啲不安
....吓...？！
無理由既...
我明明已經比左錢執頭買衫，點會咁既....
「好啦齊人啦！我地依家嗱嗱聲做個自介先！」組媽erika笑道
依家唔係沉思既時候，我要重整其鼓
我整理好思緒，睇一睇依家既情況
唔計組爸組媽，我地呢組有八個人
https://www.polyu.edu.hk/fast/en/programmes/current-students/academic-programmes/undergraduate/index.html
「大家好，我叫eric，係讀Chemical Technology既」
呢個eric成面暗瘡，梳埋個柒碌頭，應該係個毒撚黎，對我威脅不大
「我叫janice，讀Engineering Physics」
janice係個肥閪，仲要同我同科，要對足佢四年真係有啲棘手
「我叫jack，讀Investment Science」
佢同組爸一樣係果啲大隻港男黎，而且我留意到佢頭先都一路昅住短髮妹
佢同個組爸wilson，應該就係我今次既最大敵人！
到果個大波妹啦
「hello！我叫yena，你地叫我花名椰奶得架啦！」
椰奶...呢個名真係好咸濕好咸濕呀...
我依家，真係好想揸你對椰奶呀！
「我同janice一樣都係讀Engineering Physics既」
嗯！一樣！
估唔到椰奶同我同科，睇黎機會又邁進一大步
之後到果個短髮妹
「我叫chantal...讀Fashion and Textiles」
呢個chantal個樣都好似心不在焉咁，全程揸住部電話
「我叫阿俊，都係讀Food Safety」
俊？邊撚度俊呀睇過..
呢個時候剩返清秀妹同我
「我..大家好呀，我叫阿純，讀Food Safety」
清秀妹原來叫阿純...真係好清純喎...
「咦我都係喎..」果個柒頭皮阿俊無啦啦加把口
「係呀..我.我鐘意食野丫嘛」阿純苦笑叫道，都唔知個阿俊講黎做乜鳩
「我..」
正當我諗住開口之際，個撚樣組爸wilson竟然當我無到！
「好啦既然自介完，咁我地...」
「咦你漏左個呀..」組媽erika提醒
「丫係喎sorry，你叫咩名呀？」唔知個wilson係有心定無意，但我道氣勢即刻比佢打沉左下
我先扮乾咳兩聲
「咳咳..我叫周日龍，大家我可以叫我新地」
「格..新地...」
果個好撚大隻既jack已經偷笑，我都廢事再理佢
「我就讀Engineering Physics既」
講呢一句果陣我特登望向椰奶度，可惜椰奶完全無反應
佢應該未醒姐，無事無事！
之後組爸媽又帶我地一齊dem beat
「紅七公！紅七公！紅到腳趾公！」
雖然啲口號好撚on9，仲衰過中學陸運會果啲
但成班人，仲要有靚女一齊響度嗌係有feel好多！
之後就開始同其他組玩啲on9 mass game
成程完全搵唔到機會同佢地三個講到野
椰奶就好似上左電咁響度dem beat，睇黎極快融入呢個環境既佢都好容易成為獸父既獵物...
而chantal，雖然個樣都好似無乜心機咁，但都扮下hyper咁
至於阿純就直頭好似同呢度格格不入，好似c朗拿度fing毛巾咁
啲social撚應該對阿純0興趣