因為我個仆街老豆 我被下了一個賓周會變短的詛咒: 20. 有人歡喜有人愁
雖然沒Daisy那樣快速，但過了不夠兩星期，便有另一個人也發現了李乘風的不同。
「乘風哥哥，你近排係咪有啲咩開心事發生咗?」正和李乘風一起做功課的欣欣突然問道。
「無呀，點解咁問?」李乘風有點愕然。
「因為你近排成日自己無啦啦喺度傻， 同埋個眉頭好似都無以前皺得咁犀利喎…」欣欣望著李乘風一臉懷疑的樣子。
「係咩? 係咪你睇錯咋? 我成日都笑㗎啦，哈哈…」李乘風自己都覺得自己笑得有點牽強。
「我成日留意住乘風哥哥點會睇錯!而且你個笑容仲有啲衰衰格格嘅感覺…都唔知係咪諗緊啲下流嘢! 乘風哥哥你變咗喇… 你以前唔會咁衰格，亦都唔會瞞住欣欣㗎…」欣欣突然一副想哭的樣子。
李乘風最害怕女人的眼淚，加上真的很疼錫欣欣，又很想有人可以分享自己的喜悅，於是便心軟告訴了欣欣自己的秘密。
「好啦，我講比欣欣聽，不過欣欣要應承我唔可以講比任何人知，包括Uncle Auntie!」
「無問題~」戰術成功欣欣立即笑逐顏開。
李乘風:「記唔記得乘風哥哥之前講過有鍾意嘅女仔?」
欣欣:「記得呀! 你仲話佢唔鍾意你~」
「前排佢接受咗我喇!」李乘風說起亦藏不住自己得意之情。
欣欣:「真係?點解咁突然成功咗嘅?乘風哥哥做咗啲咩?」
李乘風:「都係不斷努力咋，佢應該係比乘風哥哥鑿而不捨嘅精神所感動~」
欣欣:「咁係咪即係乘風哥哥依家有女朋友喇?」
「可以咁講~」李乘風自豪地說。
「恭喜乘風哥哥! 佢係邊個嚟㗎? 我想睇下呀…」不過欣欣笑容的背後好似隱藏了”牽強”二字。
「暫時唔得住呀… 等欣欣大個啲乘風哥哥就介紹佢比你識~」李乘風不敢讓欣欣知道對方是Miss Lui。
「咁乘風哥哥會唔會有咗女朋友就唔理欣欣?」欣欣眼框開始有點濕潤。
「傻瓜~ 欣欣永遠係乘風哥哥最錫嘅妹妹，乘風哥哥唔要女朋友都唔會唔理欣欣㗎!」李乘風摸著欣欣的頭說道。
「你話㗎! 勾手指尾~」欣欣伸出了自己的手指尾。
「好~」李乘風亦伸出了自己的尾指和欣欣的互相緊扣。
只是李乘風並不知道這晚欣欣回到家後和爸爸媽媽講完good night便立即回到房間把門鎖上然後一整晚都沒有再出過來，但是細心聆聽便能勉強聽見房內整晚都傳出斷斷續續讓人神傷的哭泣聲。
另一個同樣會比較著緊李乘風的周紫盈，本身樣子已經漂亮又配有一雙長腿的model身型潛質，自從Musical的精彩演出後，人氣更是大大提升， 吸引了無數男性attempt，這讓她開始有點飄飄然的感覺，同時對自己的信心亦越來越強。
她並沒像欣欣那樣細膩發現了李乘風的不同，但對於那麼多男性埋自己身而李乘風卻像沒所謂般完全不為所動，她卻有點不是味兒。
「乘風，你近排幾好嗎?」這晚周紫盈自從musical後第一次約李乘風晚飯。
「近排幾好呀~ 你呢? 」李乘風笑容滿面。
周紫盈:「一般啦… musical未完之前好好多，近排成日有啲失落咁…」
「咁我有時都會懷念嗰陣日日要綵排嘅日子… 雖然辛苦但又好充實同開心~」回想起那段時光，李乘風也露出一副懷念的樣子。
周紫盈:「我都好懷念…」
(其實我失落係因為無得再同你日日綵排，無得再做你女朋友，縱使只係假嘅…)
「不過你近排人氣急升喎! 前幾日聽講我地學校個非正式校花選舉你獨佔鰲頭!」見氣氛突然變得沉重李乘風話題一轉。
「係咩? 我都無留意… 不過係都受你帶挈啫! 之前年年你都係校草第一嘅~」事實上周紫盈當然不會不知道。
「嗱，你睇下，第一周紫盈 561票，第二黃穎君275票，你贏double有多呀~」李乘風立即拿出電話打開了”XX 學校secret”的page給周紫盈看。
周紫盈:「咁都明顯係因為Musical啦，如果唔係好彩做咗女主角，實三甲都無…」
「咁調返轉講，你係因為有實力先爭到做女主角啫~ 同埋我留意到依家每日多咗好多男同學專登喺班房前面經過就係為咗望你一眼~」李乘風見周紫盈一臉謙虛便鼓勵說。
「亂up啦你!夠好多女同學專登經過望你咯，仲唔止一眼添~」周紫盈有點高興原來李乘風也有留意自己。
「咁依家咁多男仔追你，有無邊個睇啱呀?」李乘風好奇一問。
「無喎…」周紫盈自然答無，雖然這也是事實。
李乘風:「咁睇嚟你眼覺好高喎~ 不過咁多選擇，慢慢揀都啱嘅~」
「咁…你呢? 你覺得我點?」周紫盈突然鼓起勇氣問道。
「嗯… 靚女、好人、有熱誠、有毅力、執著、自尊心強。」想了一會，李乘風說出一堆自己對周紫盈真實的觀感。
「你講到我好似女強人咁…咁你覺得我係一個點嘅女朋友?」既然開了頭周紫盈繼續追問。
「下?」李乘風有點不明所意。
周紫盈:「我指同你扮拍拖嗰幾個星期咁你覺得我點?」
「哦…好sweet呀~ 嗰幾星期我真係有戀愛嘅感覺㗎…」李乘風回想了會，帶著笑容回答。
「嗰日綵排果個其實係我初吻嚟㗎… 你有無諗過或者我地真係可以試下一齊?」看見李乘風甜甜的笑容，周紫盈心跳突然急劇加速，用盡剩餘的勇氣再問。
「對唔住呀… 嗰次係我一時衝動...」可惜答案卻是李乘風的道歉。
「咁我都有責任嘅… 我其實係咪好差所以你唔鍾意我?」周紫盈不明白為甚麼李乘風不接受自己。
「唔係，你好好呀! 如果我唔係早已心有所屬，可能我都會係你追求者之一…」李乘風真誠地解釋。
「心有所屬? 係邊個?」李乘風早已心有所屬這原因讓周紫盈吃了一驚。
「對唔住… 我唔講得」李乘風為難地答。
周紫盈:「咁佢係一個點嘅人?」
「喺我眼中佢係完美嘅一個人~ 最重要係佢將我從黑暗中解救咗出嚟…」想著Miss Lui李乘風又露出甜甜的微笑答道。
「佢咁好…希望有一日我有幸可以認識下佢啦...」看著李乘風幸福的表情，周紫盈受到很大的打擊。
「對唔住呀紫盈…」李乘風由衷帶著歉意道歉。
「傻啦，你無對我唔住，所有嘢我都係心甘情願…」正如李乘風所說，周紫盈是個自尊心強的女孩，雖然李乘風不喜歡自己，但她不會因此遷怒於李乘風而只會真心覺得自己不夠好。
「你一定會搵到個比我更好㗎..」李乘風只能想出電視劇中老土的安慰對白說。
「當然! 我地仲係咪好朋友?」周紫盈已經收起傷心，裝作沒事般笑著問。
「只要你唔介意，永遠都係!」李乘風是真心珍惜周紫盈這個好朋友。
周紫盈:「有校草做我好朋友，點會介意呢~」
李乘風「大家咁話~」
(到底係邊個可以令李乘風咁傾心於佢呢?)
自此，周紫盈暫時收起了自己的心思，只是和李乘風繼續做好朋友，但就一直暗中留意思考和到底誰是那幸運兒。