我與家姐的互相育成遊戲: 第十五章 嘉琪搵我

今日一朝早，星期一，返學日。

琴日做完虧心事既我心情忐忑不安，雖然都幾肯定家姐應該唔知我琴晚對佢做既事，但始終。。。始終都係不安。萬一，萬一家姐琴日已經醒左咁點？所以話，人千祈唔好做壞事，做完有排你驚。

一如以往，家姐早過我起身，當我刷完牙既時候，家姐已經準備著鞋同著襪。我亦都一如以往，係廳到裝模作樣，為既就係睇家姐提腳拉襪，zip腳入鞋既美妙姿態。

家姐今日比以往少左一份活潑，出門口都無同我講"走先"。仆街，有啲大獲。

家姐既反應令我懷住混亂同不安既情緒咁返學，混混噩噩咁就迎黎第一個小息。



"喂，喂，啊細佬。"坐係走廊門口後排既我，忽然聽到課室門口傳黎一把還算熟悉既聲音。我望一望過去，原來係嘉琪。我對佢做一個迷惑既表情，示意搵我?佢對我做一個點頭既反應，示意無錯。

呢條友仔，係咪學家姐學上癮，下下都叫我做細佬。我得一個家姐炸，大佬。咩事呢，直接踩上黎搵我，搞到我俾唔少同學望住，鬼死咁老尷。

"搵我？"無奈之下，我只得行去佢身邊。

"喂，你家姐琴日著咩衫出街？"嘉琪一臉認真咁問。

"你就係特登黎問我呢啲咁既野。。。?"我無語，差在未反白眼。



"咩啊，認真架，佢係咪著果日叫你入房睇既黑絲過膝襪？"

"唔係。。。"

"估到啦！唔怪得衰左啦。"嘉琪恍然大悟咁講。

"你做咩唔直接問家姐呢，你地同一班架喎。"呢一刻，我亦都恍然大悟，原來呢個就係佢想知道家姐著咩衫出去既原因。

"唔好啦，你家姐今日好唔開心啊，廢事再問佢呢啲野啦。"嘉琪聳聳肩，然後突然又講："啊！係喎，講唔講得你知？你家姐琴日係去約仔，我見佢今日咁既樣，我諗都係衰左居多。"



哇，真係多謝你，搵你保守袐密就死得人多。係問講唔講得我知既時候，下一秒就已經講埋俾我知。

等等，聽嘉琪咁講，家姐係因為張sir先之悶悶不樂，而唔係發現我偷摸佢？似啦似啦，畢竟琴日先食完檸檬，今日返學又有機會對住，無咁快調整到都係人之常情。

"哦。。。知啲唔知啲咁啦。"我遲一遲疑後回答。

"咁你知唔知果個男仔係邊個？黃丹月個衰妹死都唔肯講囉。"

"我都唔知啊。。。"既然家姐唔肯講，我又點會出賣家姐呢?

"真係唔知？"嘉琪眨眨眼。

雖然佢幾靚女，但我不受呢一套。

"真係唔知啊。。。"我無佢咁好氣，其實我同佢並唔熟。



"咁好啦。"嘉琪轉身準備走人。

"咪住。"我叫停嘉琪。

"咩事？"

"我叫做黃湛星。"

"HI，我係陳嘉琪。"

"我知。。。"

"哦。"



"你可以叫我個名。。。"

"叫你細佬唔鐘意？"

"盡量唔好啦。。。"

"BYE~"