那些年，我最愛的兩個女孩子: 74

星期一放學後，詩敏同我講返契媽點樣要雪凝承認件事。當日契媽捉左雪凝入訓導處，將樽藥遞俾佢睇，然後雪凝承認偽造文書，之後契媽係佢面前將果張醫生紙碎左，當冇事發生過，而雪凝都知道我係邊到讀書，我同佢之間已經connect左，不過因為而家係會考班嘅關係，我地成班都少左打波，應該係話冇時間再打波，所以冇機會見佢。
 
以前我總係3點半放學，但係到左今個學年，我已經差唔多日日5點先走，唔係補課，就係操卷，落到自修室洗個面就已經要繼續溫書，每日如是，真係人都癲。每每係我就快發癲果一刻，詩敏總係好溫柔咁拉一拉我返黎，應該係話拉我地所有人返黎
 
係自修室內，經常出現不明生物嘅低沈叫聲，通常果隻生物都係我同阿熙
 
「呀….你老%...」「呀…….」「wwoo…….」
 
我地嘅呻吟聲此起彼落，呢個係我就快發癲嘅訊號
 




突然間，我塊面俾人錫左一下
 
望一望，係詩敏，佢為左我而落黎自修室陪我
 
「唔?妳幾時黎左?」
 
「我黎左好耐啦，坐左係另一邊之嘛」
 
「妳唔坐過黎?」
 




「而家咪過左黎囉，快d溫書」
 
係我再次望實d notes果時，今次輪到阿熙係到低聲呻吟。詩敏見到咁樣，就拎左筒糖去佢面前
 
「食糖啦羚羊」
 
阿熙望一望佢「唔該哂妳啦豬西」，然後，出現左一幕大家意想不到嘅場面
 
詩敏係到幫阿熙按佢太陽穴；「仲有冇頭痛呀?」
 




「少少…呢到呢到」
 
「我大力少少啦」
 
「係……唔該哂妳啦豬西」
 
我望實佢地兩個「妳地食錯藥呀?」
 
「唔係呀，我見條羚羊咁慘冇女仔埋佢身先可憐佢咋」
 
「得啦，夠啦豬西」
 
詩敏拍左阿熙個頭一下「再叫我豬西丫拿!」
 
每日係自修室，詩敏總係陪到我地10點，而我每晚都會送佢返屋企




 
每一晚，佢總係要我錫佢一陣先肯入屋
 
「阿哥呀…星期六我去你到喎」
 
「哦…好呀」
 
「家姐係唔係到?」
 
「佢開始實習啦，飛台北」
 
「嗯，我星期六日黎陪你啦」
 
「契媽叫嘅?」
 




「媽咪怕你又食藥呀，而且…我都想陪下你」
 
「詩敏呀….有冇人知道…我同妳…」
 
「傻啦…邊會俾人知…」
 
佢係我耳邊細細聲講「我星期六晚ok…冇問題」
 
「呀…詩敏…即係咁…」
 
「你已經口裡說不，身體卻很誠實啦，我望到架」
 
的確……
 
「妳…妳返屋企先啦，乖啦」




 
我經常性俾詩敏帶住周圍走