那些年，我最愛的兩個女孩子: 52

「暗花哥!!!呢條PK唔放你係眼內呀!!!」
 
暗花埋到黎我地身邊，我先放開MK仔。然後佢就想郁我，暗花見到就一巴星過去MK仔到
 
「叫風哥啦!!衰仔!!!叫呀!!!成班一齊叫」
 
MK仔仍然懵懵咁諗緊咩事，正當暗花想星多佢一巴時，佢終於知道咩事
 
「風…風哥…」
 


「喂暗花，你知我冇係公司，唔好咁叫我啦」
 
「始終同你同輩，做過兄弟，我班細搞你呀?」
 
「阻住我地踢波，恰詩敏者…」
 
「邊個咁大膽恰風哥阿妹!?出黎!!!」
 
MK妹果時先知道自己大難臨頭，暗花叫左MK妹黎，又叫左詩敏黎
 


「暗花哥…好耐冇見」
 
「詩敏妳都大個左咁多，上次見妳，妳仲係五年級，要阿風買野食俾妳」
 
「暗花哥你都係，高左咁多」
 
「班靚妹恰妳呀?」
 
詩敏好怕羞咁點左下頭「嘈左兩句者…冇咩事，佢地冇郁手」
 


暗花望一望班MK妹，好想星巴過去
 
「暗花哥，算啦，佢地唔知…阿哥以前…」
 
「妳地一個二個認住!!!你地夠膽搞佢地兩兄妹!!我實唔放過你地!!」
 
「係…知道暗花哥….對唔住風哥…對唔住敏姐」
 
「全部同我死埋一二邊!!!」
 
「係…」
 
暗花趕走班細之後，摸一摸詩敏個頭
 
「妳記住乖乖地讀書，唔好要媽咪同阿哥擔心知唔知?」


 
「暗花哥…你點解…仲唔走?」
 
「我讀唔成書， 有咩地方可以去?」
 
「果陣…你唔係想喂阿哥一齊走咩?」
 
「我知架啦，我會走架啦，乖乖地行埋一邊先啦」
 
詩敏望一望我同暗花
 
「唔好食太多呀!!」
 
「知道啦傻妹」