那些年，我最愛的兩個女孩子: 18

星期一返到學校，一入校門我就已經俾訓導處叫左去見訓係到嘅主任
 
「上星期五，你幫左班同學係唔係?」
 
「係…」
 
「有冇郁手?」
 
「俾人打算唔算?」
 




「我問你有冇郁手打人?」
 
「冇…」
 
「講真?」
 
「你唔信可以問反黑、再唔信可以問返當時嘅同學，我唔係返黎俾人質問，係咁先，冇事唔好搵我」
 
我好快咁走左出訓導處，阿哥…早餐都未食呀我
 




拎住個餐蛋麵同罐奶茶返課室，慢慢係到食我個早餐加睇書，然後，有幾條J企左係我面前，好想伸手去彈下佢地
 
「阿風….果日…唔該哂你」同我講野嘅係怕羞仔，佢就係成日係到睇書果個同學
 
「小意思，唔洗多謝」
 
「上次你話搵人…」
 
「我就係搵果班反黑組，係呀，我掛緊噹噹，警司警誡緊，我係北角果間垃圾轉過黎，父母已經雙亡，同家姐兩個人住係HKU student hall，除此之外仲有冇野想問?」
 




「其實….」
 
「咩?」
 
「你會唔會同我地一齊打波?好過你自己一個人係到睇書」
 
「同我出去街打波好危險，你地自己考慮下」
 
其實係大學打波仲危險…波濤胸湧，好多好胸狠嘅對手
 
下一堂嘅pe堂，我終於換起左體育衫，著起籃球鞋去打波，不過我仍然係自己一個係到練3分波，而我身後，出現左把聲
 
「阿風，一齊打波?我地唔夠人」
 
「你肯定?」




 
「有咩所謂，大家一場同學」
 
就係咁嘅情況下，我終於入左一個圈子到，幾年黎第一次有人接納我
 
搵我打波嘅人，叫李健熙，同我一樣，係3分射手，我地兩個鬥3分可以鬥足成堂
 
好怕羞果位同學，叫陳翺翀，嘩…乜叉野名黎架….佢比較內向
 
我地放學經常去打波，或者去飲野。而大家放學最開心嘅活動，就係裝下近山頂間女校d女仔