[純愛]幻想: 前傳第二章—相處

由於我同Lilian唔係住同一區，當然都唔係同一間學校，所以我哋平時相處嘅時間就係夜晚傾電話打機，同埋星期六日有時會出去行吓，好似好沉悶？不過呢個都係我想嘅相處方式。
-
仲記得我哋第一次拖手嘅時候，當初我哋兩個第一次單獨約出街，大家都怕怕醜醜，一開始淨係並肩一齊行但係冇拖手，直到過過下馬路突然間轉左紅燈，我鼓起勇氣捉住佢隻手，十指緊扣跑過對面馬路，過咗之後佢塊面紅紅地但係喺度甜笑，我就知道我得米啦。
-
仲記得第一次睇戲嗰陣時，我哋睇咗一套小品愛情片，其實唔好睇。但係佢坐係你隔離，兩個人拖住手一齊睇好甜嘅愛情片，會令到兩個人更加甜～跟住一齊分享爆谷同埋汽水，更加令到場景甜上加甜，相信在場嘅單身狗已經比我哋閃死咗。
-
仲記得我哋第一個月紀念日，我冇咩好準備俾佢，我係一個唔擅長比驚喜人嘅男仔。我首先準時寫咗段野比佢：「估唔到咁快就1個月，開心嘅時光總係過得特別快～由一開始只係普通朋友嘅關係，到發展成男女朋友關係。從表面認識你到從內心認識你，一切都已一個不快不慢的速度進行中，希望我哋可以維持落去啦」
-
打完呢段野之後，我晏晝進行左常規操作，即係陪咗佢成日行街食飯睇戲，可能你會覺得冇咩特別，不過平平淡淡不失為一種好嘅選擇，浮系我見到佢開心嘅笑容我已經好滿足，我知道我做咗咁多嘢都係值得。
-




仲記得我生日嘅時候，佢嗰日約咗我出嚟食飯，我印象都幾深，佢送咗三份禮物俾我：第一份係BS卡，因為我都幾鍾意收集BS卡。
-
第二份係一本簿，裏面佢每一版都有寫野或者畫野，可以見到佢嘅心思，呢啲就真係無價寶。
-
第三份係一盒1000塊嘅拼圖，好靚呀，不過真係好嘥時間砌(結果分手之前我都未砌到）
-
呢三份禮物雖然價值唔係好高，但係我真係當寶貝咁樣收埋，直到我分手之前。
-
正當我以為大家會平平淡淡咁樣拍落去，點知過咗三個月之後，一切都變咗....
-




-
-
呢一篇嘅相處內容有真有假，我寫返都有啲懷念。