［打鬥/靈幻/鬼怪］《輪迴。道》/《噬魂》我由古惑仔變咗做現代道士: 375《第二季》

「嘩屌！！！」陳一驚惶失措的推開「老友」，並往後掉坐到地上

「唔好意思，打搞你」九叔一手接住「老友」再好好的安放回解剖台上

「老友」被放回解剖台上後就回復躺平的姿勢，看得陳一、林家材目瞪口呆

「佢…..你…..」陳一口窒窒的說

「陳sir 起身先」林家材扶起陳一





「陳警官，依個世界有啲野好難解釋，但我勸你下次講野、做野之前要諗清楚」九叔盯著陳一看

陳一也無話可說，只能帶著林家材沉著氣的離開現場

「呂醫生，份報告你搞掂再send比我」陳一在離開前再放低一句話

「好」夢晞對他比出Okay的手姿

臨走前陳一再看了九叔一眼，恨意已在心裏萌生，九叔也是不驚不怕的跟他對望著





「九叔！你啱啱好型啊！」陳一正式離開後，我和啊仁馬上湧到九叔身旁

「淨係啱啱？」九叔掃視我們

「唔係！！你不嬲都咁型㗎啦！不過啱啱特別型！」我們像小朋友見到偶像一樣

「成班大細路～」夢晞搖頭微笑

「好啦，玩夠啦，幫「老友」打包入櫃」九叔一聲命令，我們就再次投入工作







等我倆推著「老友」離開解剖室之後，夢晞脫下保護衣

「九仔啊，你啱啱咁樣同嗰個陳sir 頂到行，怕唔怕佢搞你啊」夢晞為九叔剛剛的行為擔憂

「冇事，放心」九叔卻保持著平常冷靜的態度

「但…」夢晞想再說下去時

「得啦，我話冇事就一定冇事」話畢，九叔就頭也不回的離開

「唉～硬頸到死」夢晞無奈搖搖頭，然後也帶著文件離去

今天這樣一弄，算是跟陳一槓上了，以後也不知會發生何事





而剛剛聽到他們在旁說內容，那「老友」應該是被西狗殺死的，而跟西狗有過節的人，我腦海自動浮出了一個人，焯哥的弟弟——啊烈

不知道這事跟他有沒有直接關係，但始終他也是焯哥的親人，啊武這麼注重焯哥，所以我也打算下班後跟啊武說一下這事

九叔家裹

「你聽到佢提起西狗？」啊武聽到我說後眉頭緊鎖

「係，我都聽到」啊仁和應

「嗯…」啊武微微點頭

「不過其實，我地都理唔到啲咩㗎啦，佢本身就係依行人，打交當食飯嘅」啊仁再補一句





「係就係咁講姐…但啊焯得佢一個細佬，佢唔會想佢細佬有事」啊武蹺起手，表露著沉重的表情

「咁你諗住點做？」我問啊武

「我會搵啊嫂，叫佢幫我約啊烈出嚟，我想同佢面對面傾下」啊武已有所想法

「我陪你去」我主動提出

「好」啊武看著我，點了一下頭

「咁，咁我都去啊」啊仁看我去他也決定去

三天後的下午，一酒樓的包廂內

「講，你地搵我做咩」坐著我們對面的自然是我們要找的啊烈





「我地係想問，你依排係咪同嗰個西狗嘈緊？」這次我們決定由啊武做主要說話的人，畢竟他才是跟焯哥最熟的人

「嗯？」啊烈身向後靠，蹺起二郎腿，然後解開西裝外套的褸扣，在內胸口袋拿出一支雪茄，用雪茄剪把一端剪去，而他身後的手下就馬上拿出火機為他點火

「你地係邊到聽返嚟」



「你唔洗理，我地知你前幾日有個手下比西狗隊冧咗，佢目標係咪你？」啊武直刀直入的問

「啊，你地消息都幾靈通㗎喎，下次應該叫你地幫我收風」啊烈抽著雪茄，吞雲吐霧

「你唔答，即係我地估啱咗啦」啊武看穿啊烈的心思





「咪住！」啊烈伸出手

「你唔好用依種態度同我講野，你以為自己係邊個？」

「我冇當自己係邊個，我只係唔想睇住啊焯細佬出事」

「嗱，你同我大佬熟係你地嘅事，唔關我事，唔好煩我，係咁」啊烈將雪茄按在桌面上摩擦

嗞……

然後就帶著手下離去