《我喺連「興趣」都冇嘅極權國家生活咗廿年，直到遇見妳》: 後記

首先，原諒我有好多錯字。
八萬四千零二十六個字，一百五十三章，話長唔長，話短唔短。
多謝咁多位一直有追甚至留言嘅讀者。
由細到大我諗過好多唔同故，但最尾可能寫幾寫就成個file都刪埋。而呢個故雖然唔係構思左好耐，係因為一啲事令我突然有呢個靈感，但諗諗下又覺得幾正。
雖然寫到一半，有幾次試過幾日冇寫文，有想放棄嘅感覺，但係多謝讀者推po同埋朋友嘅支持，先會繼續寫埋落去。
最後，我知道大家可能會覺得我趕收工，個結局有小小突然，但我想講好多人同埋事都未必會隨住大家心目中覺得正常合理嗰一方面發展，例如香港所發生嘅事，或者李日點解要咁突然尋死，好多事情都係好突然，大家都預計唔到。
至於洛國之後會發展成點，將會係另一個故，但我唔保證我會寫，可能聽日就突然出po，都可能係一年後，甚至永遠你都唔會見到。