為左有人陪，今年情人節我搵左個ptgf: 1

每年二月十四我都係一個人過，就係今年，我做左個一直都唔敢做嘅決定！

係損友阿龍介紹下，佢幫我搵左個類似馬夫角色嘅人，再由佢幫我搵個岩我嘅ptgf。原來依家叫雞...唔係，係搵ptgf都咁系統化，又幾方便我依啲第一次嘅人。

「你真係唔諗真啲？雖然你咁多年都溝唔到女啫，但冇女咪又係咁過。」阿龍係事前對我講。

「你唔明架啦，你試過冇女同你過情人節咩？你試過表白三十三次都未成功咩？你試過廿歲未到就比老母問我係咪Gay啦咩？你試過咩！你咩都未試過根本冇資格質疑我！」激動嘅我捉住阿龍膊頭一邊搖一邊大叫出黎。

「得啦得啦，你唔好咁痴線啦，我識得條友成日搵ptgf，我搭上搭問下佢。」





「屌你咁至係架嘛。」

「不過我都唔明你，你樣又唔算衰，性格又唔算乞人憎，平時異性緣都唔算差，點解會溝唔到女？」

「我撚知咩！你係咪要繼續講落去呀？」我用殺人般眼神望住阿龍。

「得，唔講。不過你唔好再用jessica件事黎威脅我，比阿Ann知道左我真係會冇命架，最少都半身不遂。」

我舉起手做一個割喉的動作，阿龍打左個冷震後終於合上嘴。





就咁樣係阿龍幫手下，我聯絡到果個馬夫。

「點啊，想叫...想搵ptgf啊？我手下咩類型嘅女都有，想要邊種？不過講明先啊，價錢你要同條女傾好，我再係入面抽水，如果見左面先加多啲服務就再計。」佢露出淫笑向我解釋，隻手同時做緊不明手勢去形容佢口中嘅服務。

青頭仔如我緊係冇眼前依個變態佬咁大膽，都係想有個女仔係情人節陪我，比我拖下手仔，或者攬下......最多......錫一啖啦。嘻嘻。

「呵呵，我想要呢...點講呢，有種gfable果啲呢。」

「你玩野咩，我啲女做得ptgf就緊係個個都Gfable啦！」





「唔係啊，即係呢...果種，初戀啊，初戀嘅感覺呀我要！」

「屌，早響啦，初戀啊，我明喎，好多人都咁要求，不過果啲女一早比人book曬啦，情人節收貴好撚多架，睇你個樣都比唔起啦。」

「屌，錢我大把，你比條女我啊。」我開始握緊拳頭，唔通我唔單止溝唔到女，連ptgf都搵唔到咁失敗啊？

「嗱，算你好彩，咁岩有條新女黎左，佢就寫自己係A0仲要係處，岩曬你啦。」

「真係架？好啊好啊！」

「講明先架，依啲野佢鳩吹都有可能，我唔包保係真架。」

「無問題，不過可唔可以睇下相先呢？」

「緊係得啦，你方我呃你個青頭仔咩！」





佢講完之後將手機畫面轉過黎比我睇，入面係一個我最鄙視嘅文青打扮女仔，望落都白白淨淨，幾純情咁嘅樣，不過多數啲女扮文青嘅都特別麻煩。

「Er...」應唔應該轉第二個好？

「要就要，唔要就冇啦！」佢睇得出我有啲猶豫，即刻用一句封死我後路。

屌，文青就文青啦，咪又係女，反正係ptgf啫，又唔係真係做我條女。

「殺你！」

「多謝曬，到時佢會聯絡你架啦，嘻嘻，到時玩得開心啲。」佢又淫笑住咁望我。

就係咁，我情人節終於有女陪啦，嘻嘻嘻...呵呵，好撚緊張呀，究竟情人節同女女出街係咩感覺？





於是係咁諗啲奇奇怪怪野嘅我第二日，即係情人節果朝...訓過龍。