《疫戰都市》-《這個殺手不太濫》: 第四十五章 - 意識深潛

「咁我哋依家開始。」杜花拉為金不換戴上一個類似耳筒的儀器，它能直接在用家的大腦內投射出影像，同時傳遞指令、創造和接收虛擬夢境，夢境更會自動在電腦屏幕上播放。
杜花拉利用一些低頻率的音樂令躺在床上的金不換快速進入深層睡眠狀態，與傳統睡眠不同的是，在催眠狀態中，金的手腳仍能活動自如。另一方面，司馬亮離開了自己的實驗室，在另一個地方遙控監察金不換在催眠期間的一舉一動。
「你係邊個？」杜花拉透過耳筒與金不換溝通。
「金不換。」
「非常好，金不換，依家你嚮草地上慢慢行，喺你前面有間屋，你見唔見到？」
「見到。」屏幕同時出現一間古老大屋。
「間屋裡面有你最想見嘅人，估下係邊個？」
「花拉咪住，金不換最想念嘅除咗係佢死咗嘅老婆之外，就只得飛燕，照計佢喺夢境裡面都應該將間屋佈置成二人世界嘅小屋，而唔會係一間古老大屋。」司馬亮透過電腦向花拉私下通訊。
「教授，雖然間屋係金不換幻想出嚟，但呢間屋我有D印象，應該同佢過往經歷有關，我相信咁樣可以幫佢回復記憶。」
「好，批准繼續。」司馬亮說道。




「一個男人。」對於花拉先前的問題，金不換緩緩地回答。
「係咪叫段連城？」杜花拉試圖引導金不換。
豈料金不換無視花拉的問題，直接走入屋內。此刻屋內的人背向著金，同時在抽雪茄，那人是太保。
「立即停止任務，我認為依家金不換已經被巫尚權操縱。」司馬亮說道。
「我相信依家嘅金不換只係被人植入咗第二人格，我唔想就咁放棄。對唔住，我要用意識深潛進入佢夢境入面救佢出嚟！」花拉說畢，馬上中斷與司馬亮的連線。

回到夢境內，太保突然回頭向金不換說：「你第一個任務係要消滅銀翼幫！同我殺晒佢哋，一個不留！」
陷入迷失狀態的金不換突然脫光所有衣服，並且開口叫道：「我終於記番起我嘅真正身份啦，依家身上所穿嘅衣服根本就唔屬於我，我要做番原本嘅我！」
眼看金不換在催眠中途開始失去理性，為免他下一步真的動手殺人，杜花拉決定以身犯險去擁抱及濕吻對方，這是意識深潛的一個前奏動作。





就在此刻，杜花拉身上的衣服突然被赤裸的金不換強行脫去，露出雪白的雙乳。