[hehe]《知音人》: 九十四：逃離

才剛過六時半，Oscar走進籃球場館，打算先自行加練，發現有人比他還要早到。
 
連續兩球三分命中的Gary看到Oscar進來，便揮手打招呼：「Hi，Oscar，咁早既？」
 
Oscar回應：「你仲早啦，自己一個係度練三分？」
Gary：「嗯，之前唔舒服，請左兩星期假，咪早少少自己加練下，搵返個手感。你呢？」
Oscar：「見有時間無野做咪黎練下囉。」
 
說完這句，他拿起身邊最近的籃球，在另一邊場館開始練習運球。
 




兩人各自在一邊場館練習了數分鐘後，Gary走到Oscar正在練習的場區，跟他說了一句：「Oscar，問你一樣野。」
 
Oscar把手上的籃球射出去，擊中籃板不入，然後回答：「咩事呀？」
 
Gary：「之前我係咪做得好過份？」
Oscar：「你指邊樣先？」
Gary：「其實我只當Steven係我偶像，每次有得同佢傾幾句或者少少交流就可能會太興奮，做左好似過左火既行為，但我無心想拆散佢同你朋友。」
Oscar：「哦，算啦，如果Edmund都無咩所謂，我作為旁人又有咩好出聲。不過，你真係要留意下自己既行為究竟會唔會影響到其他人。」
Gary：「知啦，諗返我都覺得自己有少少恐怖。」
Oscar：「哈哈，你識咁諗就好。」




Gary：「喂，黎個one on one好唔好？」
Oscar：「怕你呀？」
 
他拿起籃球，兩人開始單對單對抗賽，此時Oscar才發現Gary的球技相當不錯，運球和上籃動作都很純熟。
 
兩人打了十多分鐘後走到場邊休息喝水。
 
此時，Darren和Wilson走進場館，看見兩人正傾談得興高采烈。
 
Darren：「哇，你地幾時變得咁Friend架？」




Oscar：「岩岩一齊加練，打完場one on one啫。」
Wilson：「咁勤力？」
Oscar：「無你地咁有天賦嘛，將勤補拙囉。」
Darren：「教練實鍚哂你地。」
Gary：「之前無練兩星期，我加練下搵返手感啫。」
Darren：「嗯，專心打波咪好囉。」
 
說完這句，Darren露出一個微笑，弦外之音相當明顯。
 
Gary：「我去toilet先。」
 
他有少許尷尬地「逃離現場」，偏偏走到接近場館門口的時候，Steven正拿著練習的物資進場，兩人對望了一眼。
 
要是之前，Gary絕對會幫Steven一把，協助他把物資搬到場館內，順道找話題與他閒談兩句。然而，這時候他唯一可以做的，就是跟Steven輕輕點頭，然後急步離開場館，前往洗手間。
 




場館內的Darren、Oscar和Wilson均看到這一幕，在Gary急步逃離的那一瞬間，三人都會心微笑下。
 
Steven大喊：「Darren你快D過黎幫手啦，掛住笑。」
 
Darren快步走過去幫忙，到Steven身邊說了一句：「而家放心哂啦？」
 
Steven：「咁果兩件又點呀？」他意指在遠處傾談的Oscar和Wilson。
Darren：「而家已經係最好結果黎架啦喎，無得再進一步啦。」
Steven：「以為你做紅線媒人添。」
Darren：「但呢一對無得格硬黎喎。」
 
兩人把物資搬到場練習區的時候，其他隊友亦陸續到達。不少人圍到Oscar和Wilson的附近，部份恭賀Oscar在歌唱比賽中得到合唱冠軍，也有人討論他的好友Horace獨唱的表現等。
 
Steven見到隊友們都圍在一場，又見練習時間差不多開始，便大叫：「好啦，夜晚食飯再傾啦，快D開始熱身啦。」
 




當眾人準備開始熱身的時候，突然有一個隊友在場館門口向他們大口喊：「Hey，Gary係更衣室暈左呀！」