［愛情甜故前傳--無糖純愛］曾經嘅我地，都係兩條平行線⋯: 02. 他是葉子朗

上堂嘅鐘聲響起，我喺櫃桶拎出課本

平日我都唔會好遲番琴學校，因為想早啲番嚟開Locker，我習慣咗要將嗰日要用嘅書一次過拎晒出嚟放喺櫃桶，咁樣就唔洗喺小息午膳嗰陣特登早啲番課室拎嘢

而且喺班上嘅同學個個嘅想法都唔知點解差唔多咁，一定要喺上堂之前先喺Locke拎本書出嚟，所以一差唔多要響上堂鐘嘅時候，喺Locker前面就會好似平日紅磡隧道塞晒車咁，你想行都行唔到過去

我望向靜愉嗰邊，見到靜愉已經釣緊魚，堂都未開始上啦！就已經掉晒魚咁，過分咗啲啦！

「李靜愉！」我喺老師踏入嚟前一刻拍醒咗靜愉，靜愉仲要好似未瞓醒咁，一臉睡眼惺忪咁望向我，「先第一堂咋！仲瞓！」





靜愉揉揉眼，然後坐好起嚟，挺番直成個人坐

「攰呀…」靜愉伸咗個懶腰

「一番學一上堂你就攰，平時又唔見你話攰…」我早就睇穿靜愉，畢竟都識咗三年啦嘛

「要養足精神晏就去睇籃球比賽呀嘛～」靜愉托住頭望黑板

我真係…冇眼睇佢！一番學就話攰，平日好地地都唔會攰





當Lunchtime嘅鐘聲一響起，靜愉就已經急不及待咁拉住我去到籃球場，靜愉拉住我搵咗張長櫈坐低睇，其實都唔係睇，只係等緊咋…因為比賽都未開始，靜愉要霸位咋

「洗唔洗咁早呀？宜家先幾點呀？」我提手望一望手錶，「宜家先12點15咋…場比賽12點半先開始…」

「霸定個靚位先得㗎嘛！」靜愉一臉興奮咁講道，「而且今日係我地班對隔離A班，我當係要搵個靚位睇得清清楚楚啦！」

「我懷疑你今日係因為要睇籃球比賽所以先番嚟…」我眯起眼望靜愉

靜愉冇出聲只係吐一吐舌笑了笑





「我地班邊個落場打呀？」我一邊撕開手上拎住嘅飯糰嘅包裝膠袋一邊問道

「唔記得，我淨係知有葉子朗同男班長。」靜愉拎起佢啱啱落嚟嗰陣買嘅紙包飲品，將飲管插入錫箔紙中

「哦…」講起葉子朗，佢喺我腦海中就係份人好冷漠咁，好少會笑，而且佢個氣場真係好厲害，行喺佢隔離都會覺得有啲唔自在，但佢之所以比人有個高冷嘅印象只係因為佢唔係成日講嘢，而且又唔笑，「葉子朗好呀～一出場個氣場已經可以K.O.人地對面啦～」

「嘩比你嚇死呀！咳…咳！」靜愉唔知做咩一聽到啱啱我講嘅嘢就嗆到，我咬咗一啖飯糰然後一臉疑惑咁望住佢，「我仲以為你話葉子朗幾好，可以做你下一個Target…咳！咳！咳咳！」

「痴線…」我無奈咁講咗句，然後望番住籃球場等比賽開始，「你諗多咗啦…！」

葉子朗份人咁高冷，同人溝通到㗎咩？我又點會中意呢類型嘅男仔呀？

換上運動衫嘅葉子朗邁步同其他人同班男仔一齊踏出小食部，著住夏季嘅運動服，但宜家係冬天

葉子朗一副準備充足，自信滿滿嘅表情，行入籃球場嘅時候剛好吹起微風，葉子朗嘅斜瀏海被吹起，但完全冇咩唔好睇嘅瞬間，反而再為佢俊俏嘅外表加咗幾分





我咁講係因為，佢本來個樣都唔差，佢嘅顏值…中上啦！我比分好手緊㗎！

我碰巧望向葉子朗，心跳忽然有點亂了節奏，如果以一篇樂譜嚟比喻，咁嗰一下嘅感覺就好似其中一個音節忽然走咗音一樣跳咗一下

我頓時將視線移開，心中都冇將嗰一下嘅感覺當成一回事，可能因為突如其來嘅大風啦

葉子朗上場，拉一拉筋，然後就企好準備，喺球場上嘅葉子朗，著咗一件螢光綠色嘅背心

雙眼之中有了亮光，雙目炯炯有神，自信滿滿，喺平日嘅佢身上係完全唔會見到呢一面

「嗶—」哨子聲一響，葉子朗頓時就動起嚟，即時就跑到持波嘅對手面前阻擋佢嘅去路

葉子朗嘅動作好迅速，對方左右觀察，見到右邊有隊員跑上嚟，頓時想傳球到右邊





但對方唔敢輕舉妄動，因為葉子朗直盯住佢，心中估緊佢會向邊一邊傳球

對方假意要將籃球傳向左邊，想要騙過葉子朗嘅防守，見到佢有如此舉動嘅葉子朗露出淺淺嘅笑

喺籃球一離開對方嘅手嗰一刻，葉子朗以如雷不及貫耳嘅速度一下子伸手搶過籃球，然後瞬間將個波傳比隊友

「好、好快…」我幾乎見唔到佢嘅動作，我嘅目光停留喺葉子朗嘅身上，啱啱葉子朗一連串嘅動作喺光速間完成咗

葉子朗跑起嚟，繞過咗對方後瞬間朝住籃架嘅左邊跑去，隊友見到跑緊嘅葉子朗同時留意到只有葉子朗一人甩了對方嘅防守

隊友諗都冇諗就將籃球用力咁朝住葉子朗扔去，葉子朗穩穩地接住咗籃球嘅下一個瞬間就頓時起跳，籃球離手朝住籃框飛去








IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link