孤獨兄弟twilight: 16. 要脅
「你話你係咪on9丫！咁撚大個機會你都唔撚珍惜？」
在小食店外，彌生一口飲住啤酒，一口痛罵石仔
「我同阿紫整個咁既機會比你，比你浪費哂啦」
「屌，我想既咩..」
石仔嘆一口氣:「阿玲又無啦啦提起瞳瞳既野，我又唔知佢嬲乜鳩！」
話聽到此，彌生氣得破口大鬧
「唉屌，你條友真係唔識架喎！」
「女人就緊係唔會講出口啦！唔通下下同你講『嗚嗚石仔你關心下我啦我好想比你著緊呀！』咁咩，咁阿玲既方法，咪就係特登同你鬥氣搏取你注意囉，你唔係咁都唔明下話，即係好似你小學鐘意啲女仔，你會特登激鳩佢引佢注意呀傻鳩！」
「阿玲要既係你真正同親切既關心呀on9！」
「....」
彌生怒轟一大輪後，大家都默不作聲
「我...係咪真係激嬲左佢呢..」
就連石仔也開始質疑自己
「緊係啦屌...唉，我真係唔知你點做人條仔既」
當然，彌生最大的目的也是令兩人和好如初
「你依家去氹返阿玲返黎啦」
「估唔到...彌生哥哥都幾關心人架喎」
平日花弗輕恌的彌生竟有此一面，令小櫻更感驚訝
小優沒有回答，只是點頭回應
不過，她內心裏也是同意彌生是個懂關心別人之人
阿紫開口道
「不過...我地都要搵返阿玲先得架...佢頭先行左去邊呀？」
「佢頭先行左去呢度方向...我估佢應該係去公園...掛.....」
石仔指向大街的盡頭
「咁去搵佢啦，仲on99咁！丫仲有...」
彌生將一包香港俗稱「滴滴金」的線香花火:「一陣同佢玩埋滴滴金，包佢原諒你啦！」
「阿玲！阿玲！」
眾人四周大叫，但依然無人回應
小優繼續不斷致電阿玲
「...又係無人聽...」
「咪住...」
石仔留意到，地上的一包金魚
「呢包金魚..咪係..」
沒錯，正是石仔為阿玲撈起的兩尾金魚
「鈴鈴鈴鈴！！！！」
石仔取出響起的電話
「石...石狗！救..救我呀！！我比人..捉..捉左呀！」
電話傳來的，正是阿玲的叫聲
「石..石石石狗...你你你你..條女野埋我口吃呀！」
一瞬間，說話的人卻轉成一個持雄壯聲線、操廣東話的男人
「唔想你條女死既話，帶埋果隻吸血鬼黎港區弁天太田貨倉，我地等你」
「....」
石仔一臉死灰放下電話
「喂，石仔，搞咩呀？」雖這樣問，但其實彌生也猜想到
「阿玲佢..比人捉左..」
「捉..捉左..？！」小優和阿紫異口同聲叫道
石仔點一點頭
「對方話，叫我同『果隻吸血鬼』，即係燈神，去港區太田貨倉」
「而對方有講『我地』，明顯唔係單獨行事」
「...」
彌生眉頭一皺:「睇黎...又係果班死人狼，今次我就去殺佢老母！救返阿玲！」
「！！！」
一提起人狼一詞，拓也的頭又再度痛起來
「拓也...你冇事丫嘛？」
對男友百般關心的小櫻馬上察覺到不妥
拓也拍一拍小櫻的肩膀
「無事...我地都去幫彌生手啦...」
「嗯！」
七人各自坐上的士，前往港區的倉庫
「阿南阿紫，你地無乜戰鬥能力，一陣響後面食下花生算啦」
彌生指揮:「如果對方有好多人，我就同拓也哥頂住，石仔你就去救阿玲啦」
「嗯」
「同前幾日響郵輪一樣，感應唔到有殺意...」
即使彌生用吸血鬼的超強感應力，也未能找尋到對方的人數
「咔！」
石仔率先打開倉庫的小門
「阿玲！阿玲！你響邊呀！！！」
大伙兒不斷大叫
「登！」
一息間，整個貨倉的燈光全開
阿玲正被綁在一張木凳上
「石...石仔！！救我呀！！！」
而在她身旁的，還有一男性！
「廿分鐘內趕到黎，你地都幾犀利喎！」
急於營救阿玲的石仔當然沒有理會此男的說話
「咪講咁多廢話，快啲放左佢！」
「奇怪，頭先明明講『我地』，但呢度完全唔覺有另一隻人狼響度...」
「登！」
安傑洛伸出右手上的利爪，架到阿玲的項上
「！！！」
一見到人狼的利爪，拓也又開始出現奇異的反應
「嗚嗚..救..救我呀石..石仔！！！」
阿玲怕得哭出淚來
「嘿，想條女無事既話，就快啲講出吸血鬼公會既位置！」
對安傑洛而言，一切的所作所為和山齊士目的一樣，都只為了得到吸血鬼公會的情報！
「...大佬呀，我真係唔知乜撚野吸血鬼公會呀，fairy tail啲公會我就知！」
彌生口雖硬，但心裡卻想:「仆街，之前響架仔差館度比班黑警拎哂啲槍，咁打法未必有勝算」
而與此同時
另一頭人狼，維迪爾，已經在倉庫的上層，對準彌生！
「利用人狼掩蓋殺意既能力，我就可以直接進入呢隻吸血鬼的一米範圍」
「只要一路掩飾殺意並拉開一米外，佢就唔會發現到我...」
而在下面的安傑洛亦向維迪爾打一個眼色
「依家我引哂佢地既注意力，只要維迪爾一跳落去，果隻吸血鬼一定避唔切！」
「係時候啦..」
維迪爾輕輕一躍，從上層跳向下方
整個動作，可算是無聲無色
進入三米距離
彌生依然未有察覺
進入兩米距離
「我就要用人狼既爪，將你的頭刺穿！！！」
維迪爾伸長利爪，準備暗殺彌生
在維迪爾的腦中，已經出現彌生被爪刺穿肉體的骸人場面！
進入一米內
「死啦！！！吸血鬼！！！」
「！！！！！」
此時的拓也，竟然比彌生更快感應到維迪爾的攻擊
「彌生小心！！！」
拓也及時將彌生推開
維迪爾的利爪只刺中彌生的浴衣
維迪爾的致命一擊並未傷到彌生
「咩話！！？」
深信自己隱蔽殺意能力既維迪爾，無法想像此擊會被避開！
「哇屌！」
彌生於剎那間大難不死，馬上退後數步
但此一刻的維迪爾，腦內出現多個問號
「無可能..我地人狼明明可以將自己既殺意隱藏得無影無蹤，點解..果個人仲可能發現我？！」
「嗡嗡嗡...」
一陣蜂鳴聲，響徹於拓也耳邊，使他痛得抱頭呻吟
「呀..好痛..」
小櫻見狀，馬上扶著拓也，以免他跌倒
「拓也！你無野丫啦？」
「維迪爾竟然會暗殺失敗..」
遠在幾米外的安傑洛回過神來，卻發現
石仔，從自己的位置消失了！
「颯！」
石仔一記手刀，從暗角砍向安傑洛
「好搞唔搞，搞我條女？！」
後知後覺的安傑洛及時扭動上腰，避過一擊
「武器都無，點同我打呀！」
安傑洛當然也以利爪還擊
「死！！！」
「颯！」
作為一個普通人類，石仔只能以自己的本能作戰
即使他反應多好，閃避多快，此擊依然將身上穿著的浴衣斬破
石仔不敢猶疑，馬上退後重整旗鼓
不過，在退卻之前...
「咩...咩話？！」
石仔在退後之前，早已經將阿玲拉到自己身後！
「石...石仔..」
阿玲眼見石仔處下風，有點擔心
「得架啦...你行開少少先啦，廢事一陣阿玲你有咩傷又入我數」
「大佬，我比人綁住架！點走呀！」阿玲被氣得面紅
石仔苦笑
「丫係喎，講起上黎，你冇比人抽水丫嘛？」
「冇呀！.....乜..你仲識關心我既咩！」
扁起小嘴的阿玲雖仍生氣，但看到石仔如此著緊自己，心也馬上甜起來了
「唉...有咩事...一陣再講啦」
石仔擺出架式:「搞鳩我女人，你肯定未死過定啦...」