過去的我原來是如此愛你「又甜又苦？」: 第四章：這算是約會？！

終於準備放暑假啦，可以返吓工又或者係屋企頹吓，‘’嗯⋯⋯終於都唔使返學啦～‘’跟住懶腰咁講，唔知係咪我嘅錯覺呢一下後面班仔好似望住我，雖然我唔算係女神，但我自問我身材係幾好都有32c 個人認為身材真係唔差，除咗矮咗小小⁄(⁄ ⁄ ⁄ω⁄ ⁄ ⁄)⁄，但係我真係唔中意啲人咁樣睇住算⋯⋯當俾小小眼福佢哋。


返到屋企我二話不說就跳上 sofa ，正吖～果然屋企係最爽㗎⋯⋯我不斷喺度尖叫，“叫撚完未呀！”好大聲嘅跑吼屌係我老母，“開心唔叫吓唔通喊咩¯\_(ツ)_/¯係咪先？”好温柔咁講，“得⋯⋯但係唔好咁大聲”吓？唔大聲叫黎做咩“好好好:)”呢個笑容我覺得100分，“你係咪仲駁嘴啊？”我阿媽一隻手抽落我屎窟忽，原本水潤嘅屎忽一陣間被抽乾，頂！感覺到個屎忽已經俾人打淤左咁。


俾人「獎勵」完之後就走左去打機，我美麗嘅人生開始啦(⁎⁍̴̛ᴗ⁍̴̛⁎)，一坐喺個電腦枱面前就收到個訊息“打唔打機吖？傻妹⁄(⁄ ⁄ ⁄ω⁄ ⁄ ⁄)⁄”原來又係Peter 都唔知幾時開始佢係咁叫我，過去已經好多花名啦又肥婆欣又高妹欣，但佢咁樣叫我又唔討厭喎“打吖～而家黎◉‿◉”成日都有人陪真爽，呢啲就係我所講嘅放假啦～


“喂～今晚得唔得閒去食消夜吖要唔要？”




9:45pm


“好吖～但⋯係～你請喎！夜麻麻約人出嚟”
9:45pm


“好啊⋯⋯但係唔好食咁貴喎要錫住我呀”
9:46pm






“約我唔洗成本咩～傻仔⁄(⁄ ⁄ ⁄ω⁄ ⁄ ⁄)⁄”
9:46pm


“咁就啟田商場街市個邊，我到咗再叫我落嚟”
9:47pm


“好的”




9:48pm


“我到啦～你落黎啦～”
10:05


落到樓下見到佢，着出街衫個樣真係好好睇，不論是正面還是側面佢嗰種憂鬱高冷嘅氣質，好自然感覺到佢就係彼得，“喂等左好耐啊！”見到佢有一種開心嘅感覺好自然咁跳下跳下喺佢面前。


去到買熟食嘅街市前面，見到食物嘅種類開始錯手不及，“要唔要幫你選擇？食辣定唔食辣？”唔知係咪我個樣太迷太檬所以佢知道我揀唔到，“好啊～唔辣嘅你話事！”可以的話梗係唔自己楝啦～有人「照顧」真係好正⁄(⁄ ⁄ ⁄ω⁄ ⁄ ⁄)⁄。“坐埋一二邊等我，好快有得食！”講完呢句就露出一個友善的笑容，頂！！！會唔會太可愛，坐低左一陣佢手上已經攞咗好多嘢食嚟太過份啦，事關佢買咗我最鍾意食嘅餃子，仲要係豬肉煎餃(#^.^#)


“好熱呀！HO～～HO～～”可能係我太愛餃子嘅原因我都冇理餃子係熱定暖就咬咗落去，“係咪傻架！傻妹～個餃子仲出緊煙架咁唔小心整到點算！”彼得好似好關心我咁嘅⁄(⁄ ⁄ ⁄ω⁄ ⁄ ⁄)⁄問完仲要同我「吹吹」好近呀！！媽啊！爭小小頂唔順。






食完嘢我哋去咗公園度坐吓談談心咁，“時間過得真係好快，有時我真係想張時間停止。”