《我哋已經到達終點站⋯⋯》: 第四章

舖頭入面播住輕鬆悠揚嘅音樂，而咖啡師正喺度同人傾緊計。

「唔該。」

「係。」

原來係一個高高瘦瘦，黑色長髮嘅可愛咖啡師嚟。

「咦，哥哥仔你都嚟咗嘅。」





「婆婆你都飲咖啡？」

「婆婆，你哋識㗎咩？」咖啡師用好奇嘅眼光望住我。

「乖孫你做嘢先啦，一陣先同你講。」

「唔好意思，請問想要啲咩呢？」

「熱嘅Caffe Latte同一件芝士蛋糕。」





「係。」

收好錢之後，咖啡師純熟迅速咁沖咗一杯牛奶咖啡，再喺凍櫃拎出一件芝士蛋糕。

「唔該你。」

咖啡師向我微笑，然後行返去婆婆度。而我就坐喺某一張枱，享受我嘅咖啡同蛋糕。

過咗一陣，咖啡師行咗過嚟。





「唔該你呀。」

「吓？」

「唔該你提我婆婆落車呀，唔係嘅話佢應該會唔知去咗邊度。」

「哦～舉手之勞啫。」

「我叫Alice，你呢？」

「Charlie。」

「好啦，唔阻你啦，Enjoy。」

補充完能量，係時候提起精神做嘢。





「哥哥仔走啦？」

「係呀，婆婆ByeBye，下次見啦Alice。」

「好呀。」

去個洗手間，返到總站接咗架81XX，做旺角特車，即係唔去美孚。

落到旺角掉頭，做118過海，喺紅隧又上咗三份二車人。

架81XX起圍有啲慢，不過整體都Ok。

去到藍灣半島，站長行咗過嚟。





「你去拉架壞車返柴廠啦。」

「邊架？」

「就出面嗰架。」

「哦。」

我行出去，揸架壞嘅83XX返廠。

就係咁，星期六嘅工作完成啦。