《毒L和初戀相識的日子》: 第五章 相處

第五章 相處

一路上，大家都冇講嘢。

我終於鼓氣勇氣，問:「Winnie你住屯門邊度？」

「唔知呢。唔係同你好熟咋喎。」

「話哂大家都係班長。」 我回應。





好爛嘅籍口......

「交比你番去開班group，男班長。」Winnie從袋入面拎咗張紙比我。

「好啦。」

「咁就乖喇。」

我地行到去巴士站，搭同一㗎車番屯門。





「你一陣邊度落？」Winnie問我。

「市中心。」我回應。

「頂你，我都係喎。」

「咁啱。」

話咁快，就番到屯門喇。





「聽日兩點堂？」Winnie問我。

「係呀。」

「不如一齊食lunch先番去？順便傾吓開sem飯D嘢。」

「開sem飯？」

「你啱啱冇收倒信息咩，梁sir話請我地全班食開sem飯，時間代定，不過地點比我地全班話事。」

我喺㗎車度瞓着咗，又點會睇電話...

「好啦，咁聽日去邊度食lunch?」我問。

真係唔好叫毒L做決定.....





「你想呢？男仔要有主見喎，唔係冇人中意㗎。」

平時同fd出街食飯，地點不嬲唔洗我煩。

「不如譚仔？」我回應。

「好阿，咁十一點半譚仔門口等ok? 」

「好。」

「咁我行先喇，拜拜。」

「拜拜。」





睇嚟佢真係好唔想比我知佢住邊。

番到去之後，我逐一入哂班入面嘅人落電話簿，再開個WhatsApp 群組。一共三十人，我同Winnie 係管理員。

Winnie傳來一則信息
「男班長，聽日唔好遲到呀。」

「係嘅，女班長。」

就係咁，I大第一日就咁渡過了。









第一次同女仔單獨食飯，要好好準備了~