[愛情走糖故]兩個人心底中不為人知嘅秘密,成為兩個人間嘅牽引: 106.時間是最需要的

「你又突襲我…!」夏巧莘害羞到唔知比咩反應，臉頰都滾燙起嚟
「好啦唔恰你啦～宜家好夜啦！要瞓啦！」凌御生溫柔地笑道，然後喺夏巧莘嘅臉頰上落下溫柔一吻，然後喺夏巧莘耳邊低聲道，「聽日先再恰你…」
「我唔理你呀！」夏巧莘直接就爬入被窩
凌御生即時爬入被窩，用雙臂將夏巧莘鎖喺懷中
翌日清晨，夏巧莘迷迷糊糊的睜開眼，簾入眼簾嘅係凌御生嘅睡顏，果然佢喺佢心中比任何人都要有型同俊俏
夏巧莘悄悄地伸手，指尖掃過凌御生嘅臉頰，滿意咁笑一笑然後又再次躲喺凌御生嘅懷裏
「嘻嘻…」夏巧莘揚起嘴角，喺心中默默歡喜，「我終於都獨佔咗佢啦～」
凌御生身上嘅氣味傳入夏巧莘嘅鼻中，夏巧莘安心咁喺佢懷中蹭了蹭
忽然感覺到凌御生收緊咗手臂，將夏巧莘攬得更實，夏巧莘抬頭，見到凌御生微微睜開眼
「你醒啦？」夏巧莘溫柔一笑，喺凌御生嘅右邊臉頰上錫咗一啖，「我肚餓啦…」




「嗯，去刷牙啦！」凌御生先起身，拉起夏巧莘，拖住佢一齊行去廁所
凌御生比夏巧莘快洗完面刷完牙，凌御生企喺夏巧莘身後從後攬住佢，鼻尖喺夏巧莘嘅頸上蹭了蹭
夏巧莘轉身攬住凌御生蹭了蹭又開始撒嬌
「唔…！」夏巧莘撒嬌起嚟，但一耷低頭，眸色又黯淡咗落嚟
的而且確，凌御生琴晚係承認咗佢係中意自己，亦知道自己中意佢，但係並冇講過佢地嘅關係係情侶
凌御生的確係冇講明，因為凌御生心中有打算，佢早就打算喺Music week嗰陣先真正表白一次，希望夏巧莘做佢女朋友同佢一齊，所以琴晚咩都冇講過
但夏巧莘好快又微微一笑，因為宜家咁樣都幾好，佢始終相信凌御生有朝一日會親口同佢講一齊
凌御生喺夏巧莘嘅頸上吻了一下，然後咬下去
「喂！」夏巧莘輕力地推着凌御生嘅胸膛
「夏巧莘，你等我好唔好？比啲時間我。」凌御生直接講出口，佢知道佢同夏巧莘可係心有靈犀，佢知道夏巧莘會明白佢嘅意思




「嗯！好！我信你。」夏巧莘點點頭，佢體諒凌御生，縱使唔知道佢嘅理由係咩，但佢知道凌御生一定有自己嘅打算同考慮，所以佢明白，「你真係要番嚟搵我呀…」
夏巧莘將頭埋進凌御生嘅胸膛，柔聲說着
「所以先打咗印，證明你係我嘅先。」凌御生嘅指尖輕輕掃過佢留落嚟嘅吻痕
「你驚我跟人走咗去咩～」夏巧莘無奈一笑，但眼神中全是幸福
「驚呀，你係校花，中意你嘅人又有咁多…」凌御生耷低頭，輕撫着夏巧莘嘅臉頰，「點知會唔會有比我好嘅人出現…」
今次係夏巧莘第一次見到凌御生冇自信嘅樣，夏巧莘甜甜一笑，伸手攬住凌御生嘅腰
「佢地中意嘅，係中意戴住面具嗰個校花夏巧莘；但你中意嘅，係真實除低面具嗰個夏巧莘，唔係咩？」夏巧莘微笑着問
「嗯，當然！」凌御生揚起嘴角一笑
想來也是，佢同其他中意夏巧莘嘅男仔唔一樣，其他人睇到嘅只係夏巧莘喺學校身為「校花」應有嘅表現；自己睇到嘅先係真正嘅夏巧莘，溫柔體貼，偶爾可愛活潑，會撒嬌嗲人嘅夏巧莘。其他人見到嘅只係戴咗面具嘅佢，而凌御生所見嘅係面具下嘅佢
「但都係穩陣啲好。」凌御生掐着夏巧莘嘅臉頰，溫柔地喺夏巧莘嘅唇上落下一個吻，「想食咩早餐呀？」




「想你煮比我食。」夏巧莘吐吐舌頭，調皮的笑起嚟
「懶就懶啦你！」凌御生對住夏巧莘真係冇晒符，但係又自然咁心軟落嚟

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link