【懸疑】《珍珠奶茶殺人事件》: ——第八章：自投羅網——

--------------------------
 
Freeyon，我有你同何氐家族枱底交易既證明。
 
我並唔係打算勒索，只係想同你傾下計。
 
唔想我公諸於世的話，聽日下午三點，中環摩天輪等。記住，唔可以帶任何人嚟。
 
--------------------------
 




昨天找完阿邪後，我立即便查找出Freeyon的私人電郵地址，再向他寄出這封電郵。
 
之前辛苦調查出來的資訊，終於大派用場。
 
烈日當空，我站在無遮無掩的摩天輪下，身子微微滾熱，等待他的出現。
 
瞧瞧手錶，三時零五分。
 
再觀察四周，杳無音訊。
 




當時Freeyon並沒有回我信息，他絕對有機會今天不出現，甚至隨便找個人把我殺掉，以除後患。
 
不過，我有強烈的預感他會前來。
 
嗖——
 
嘎！！！
 
果然，一輛橙色的林保堅尼「大牛」，風馳電掣的駛到眼前急速剎停。引擎一聲悶響，車子然後熄匙，裡頭走出一個錦衣華服的男人。
 




「Freeyon。」
 
「噢，傳電郵比我既人就係你喇？」
 
「係。」
 
他瞇眼仰仰頭，注視緩慢旋轉的摩天輪：「我地上去傾好唔好？」
 
「...好。」
 
我與他結果宛如同性戀情侶，略略突兀地踏進幾何形狀的透明空箱裡。
 
摩天輪徐徐地轉，我們愈升愈高。Freeyon不發一言，欣賞著維港景色，心無煩念。
 
「無諗到你會咁鬆容喎。」我說。




 
「因為我知道你由始至終，都無諗過真係公開何氏家族件事嘛，Paddy。」
 
「你知我係邊個？」
 
「知呀。」他依然望著燦爛景觀：「你同幾個職業殺手，仲一齊殺左我個妹添。」
 
我馬上站了起來，神色凝重的看著他。
 
他知道了......
 
自投羅網的人，是我？
 
「哈哈，冷靜啲，坐低先。」
 




Freeyon從容不迫的眸視我，從他的面容，感覺他好像知曉整個大局一般。
 
「點解你會知？」
 
「你當我地李氏家族傻架咩。」他悠然地說著：「有保鏢認得個金髮殺手啊，而且......」
 
他掏出手機，開出一條片段給我看，那是妖女在茶餐廳時的直播。
 
「佢影低哂你地咁多個啦，哈哈。」
 
我逐即苦笑，豬隊友果然把秘密任務洩露了。
 
這次的行動到底是有多失敗......
 
「不過，我唔打算追究啦，如果你唔公開件事。」他說出了重點：「反正...個死妹釘係老豆心腹，阻頭阻勢，死左都係件好事。」




 
「我今次叫你出嚟，並唔只係想討論呢件事，而係有事要搞清楚。」我忽然改變討論方向。
 
「我都估到。」Freeyon答：「你係咪以為，我諗住殺哂你地，為超蓮報復呢？」
 
「初時諗過係......」我如實說：「但係聽你啱啱講完，我又覺得唔係。」
 
「哈哈哈哈哈！」
 
他猛地大笑，我看著他，一時之間不懂得給甚麼反應。
 
「我多謝你地都嚟唔切啦，點會殺你地啊？無左超蓮，老豆以後啲錢就比哂我啦。」
 
「...」
 




「超蓮成日喺度賣口乖，搞到老豆鬼咁開心。但係我同佢一直都不和，結果佢就成日報串，令老豆愈嚟愈憎我。啱架喇，死啦！抵你死啦！」
 
Freeyon情不自禁地露齒深笑，我默默望向他，只感覺他比我們這些殺手，更缺乏人性。
 
興奮過後，他問：「仲有無疑問呢？殺手先生？」
 
「嗯...仲有。」
 
「請講，我盡量解答你。」
 
「我純粹好奇，既然你係李加鼎個仔，坐擁咁多錢，點解你仲要暗中同何氏進行交易？」
 
「It’s all business！」Freeyon拋出一句洋文：「我追求既係成功，但老豆肯定係唔想我有所發為，成功過佢，所以一直唔比我同佢做生意。既然係咁，我咪同何氏合作囉。」
 
我竊笑一聲，這個叫Freeyon的傢伙，可真是個忤逆子。而且他囂張成性，自視過高，李加鼎不允許他插手生意絕對有原因。
 
不過，暫時可以肯定李氏家族沒有可疑。
 
何氏家族，則要再觀察多一陣子。