是咁的，照顧過我嘅護士死咗: 二百、無，就真係無

結果每一晚，林林都失望而回。

林林望向我。

「今次，係嫲嫲走咗之後第一次，我唔係自己一個嚟。」

我開始有啲明白點解林林以為我起佢底。

因為佢一路希望自己唔使再一個人嚟彩虹橋，獨自承受失去嫲嫲嘅痛苦。

而我雖然唔知佢有咁嘅心結，但又屎忽撞棍話要嚟依度影相，反而實現咗佢嘅願望。

「咁你最後⋯⋯有無見返嫲嫲呀？」

林林深深吸咗口氣，伸咗個懶腰：「無呀。依個世界，邊有咁浪漫吖。」

唔係話只要你誠心等，就會出現奇蹟。

有啲野，無，就真係無。