【懸疑】《連登連環殺人事件》: —-第四章—- 3.
推門進入屋裡，子熹先摸索著牆上的開關，按下後漆黑的四周頓時換成白晝。
屋內環境老舊，褪色的米白外牆，有些油漆已經剝落。傢具不算多，以木質製造的飯桌和椅子感覺好一段時間沒有用過了，表面鋪上一層薄薄的塵土。
Carmen嗅到淡淡酸悶的味道，她打開了窗戶，好讓空氣流通。
「你幾耐無返過嚟呢度住？」她皺皺眉道。
「差唔多晚晚都返架喎。」子熹走進廚房，從冰箱拿出兩罐冰冷的藍妹啤酒：「飲唔飲？」
「嗯。」Carmen在黑色的三人沙發坐下。
子熹到櫃子拿了兩隻透明玻璃杯，把杯子和啤酒放到沙發前的長桌，然後坐在Carmen旁邊斟酒。深黃色的酒水慢慢流進玻璃杯，子熹把杯子微微傾斜，避免積聚大量泡沫。
「呢杯你既。」他以兩隻手指把半滿的玻璃杯推向Carmen跟前。
「唔該。」她把杯子放到嘴唇邊，啜了一小口後放回桌子上。
子熹也喝了一口，淺笑說：「你隨時可以講喇——無論如何都想搵到真兇既原因。」
「其實的確正如你所講，我並唔係因為份工而花咁多時間查呢單連環死亡事件......」
Carmen往嘴裡灌了一大口啤酒，然後從手機掏出一張精細的相片給他看。
相中可見Carmen和另一個男子搭肩合照，她笑得很甜美。
「估下佢係我既邊個？」
「你男朋友？」
「錯。」Carmen搖搖頭，小心的收回相片：「佢係我哥哥嚟，不過好多人都誤會過我地係情侶。」
「做咩忽然比佢張相我睇既？」
「因為...」Carmen深呼吸，繼續說：「我哥哥係其中一位受害人。」
子熹驚訝的張開口，然後點點頭示意她繼續說下去。
「我自少父母雙亡，同哥哥相依為命，住喺同一間屋，關係一向都唔錯。事發當日晏晝，佢喺屋企話落去買野食，落左去之後好耐都無上翻嚟。我初時並唔為意，直到有警察上門，話有人發現阿哥陳屍喺超市旁邊既後巷，我先知道有人對佢落毒手。」她平靜地說，臉上透現酒精過後的紅暈。
「你哥哥係第幾個受害人？」
「第一個。所以我由一開始就著力調查呢單案情，點知越查就發現唔對路，我跟蹤過傷心小棧既本尊，發現佢喺其他受害人出事時都唔喺現場。反而阿田近期經常喺公司唔見人，由於佢本身有呢個能力搵出用戶真身，仲有好大殺人動機，所以我就鎖定佢係疑兇。」
「雖然我對你哥哥所遇到既事感到好抱歉，但以我既觀察，阿田應該唔係兇手。」
「邊可能唔係佢？」Carmen睜大眼睛：「我肯定係佢！」
子熹直說今天發生的所有事，羅明亮的供詞，警員之間內訌的事，還有案發時阿田不可能在現場等等的事實給她。
Carmen靠近桌子托著頭，靜靜的深思著每個細節，動作跟藝術雕像「沉思的巨人」如出一徹。
她的立場，好像動搖了一點。
「就當你講既所有野都係真既，阿田真係有不在場證據......」她慢慢地說：「但都唔可以完全否定佢同呢件案無關，或者真係有同黨呢？」
「我唔肯定，不過喺今日發生左咁多事既情況下，我地係咪應該從其他線索入手呢？」
「的確係既...」Carmen認同地點過頭：「聽完你頭先咁講，我覺得羅明亮講既野都算可信，因為我曾經調查過佢，佢同佢爸爸既關係真係幾密切，如果因為爸爸受威脅而做出闖入總部呢種傻事真係唔出奇。」
子熹一邊聽著，一邊喝光杯裡的啤酒，再從罐子裡斟了半杯。
「而你話你有一位同事提出左「內鬼論」，聽落可笑，但其實有佢道理。你諗下，要喺煙霧瀰漫時候開門，再落手殺人，其實只有你地在場既人先做到。」
「我地之間唔會有內鬼。」子熹堅決的道。
Carmen見他面色一變，沒有再說下去。
窗外傳來蕭蕭的風聲，把客廳包圍著。風聲過去後，屋內變得靜悄悄的。
她拿著罐子，直接把剩下的啤酒一次過喝光。
過了半晌，她突然站起來，左右觀望，然後漫不經心的走進子熹房間。
「你想做咩？」子熹狐疑跟上。
「無啊，無咩想點。」她走向子熹的睡床，掃掃床鋪，雙手放在膝蓋坐下：「點解你一個人會瞓雙人床既？」
「我以前同我女朋友一齊住。」
「噢。」Carmen發現了床邊櫃檯上的相片：「而家都係？」
「佢喺兩年前失蹤左。」
「啊。」她好像驚醒一般：「對唔住。」
「唔緊要，我無野喎。」
子熹說此話的時候，仿佛想到了甚麼，他走到窗邊，凝視皓潔的月光。
Carmen眼皮漸漸變得沉重，她伸了個懶腰。
「我有啲累喇。」
「累既話早啲返屋企休息啦。」
「我今晚喺度瞓得唔得？」
「下？」
「反正我返到屋企都係一個人都無，留喺呢度至少有你，無咁寂莫。」Carmen展露疲憊的微笑。
子熹點頭：「都係既，反正我地都係獨自一人。」他慢步走出房間：「咁我今晚瞓梳化啦。」
「梳化邊好瞓架，瞓床啦。」她說。
「咁無理由叫你瞓梳化架嘛，你係客人。」
「邊個話我瞓梳化啫？」她閉上眼攤在床上：「呢張雙人床嚟架嘛。」
「但係，唔係咁好喎......」
「唔好咁婆媽啦，我當你哥哥咋。」Carmen拍拍床邊的枕頭。
「好啦咁...」
子熹關了房燈，光線瞬間被吃掉了，只剩月色微弱的光芒幽幽的亮著房間。
他躡手躡腳的上床，與Carmen隔著一定距離，閉目休息。
睡吧，他跟她說。
兩人便不發一言，安份的各自睡覺。
時間滴答滴答的過。
Carmen輾轉反側，一直沒有入睡。
子熹屏著氣息，聽到她發出踢動棉被的聲音。
怎麼感覺氣氛怪怪的......
他扭轉身子，好奇的向Carmen一看，卻嚇得眼睛也要掉出來。
她脫下了外衣和牛仔褲，身上只穿戴著黑色蕾絲胸罩和內褲，正瞇細眼睛朝著子熹注視著。
「你...你做咩啊？」子熹支吾的道，他感覺到自己的心跳頻頻躍動。
「著住啲衫瞓得唔舒服，而且我又無帶睡衣，所以咪除衫囉。」
「啊...」子熹有點不知所措：「咁要唔要比條毛巾你？」
Carmen忽然靠近，張開兩手擁著子熹，子熹敏感的顫抖了一下。
「唔駛喇，只要有你就可以。」
子熹清晰的感受到她豐滿的乳房按壓著胸口，還有嫩滑的肌膚。
她把臉龐貼近於他的眼前，以嫵媚的目光探索著子熹的眼瞳。Carmen把有點冰冷的手，在他的褲頭前掃幾掃，然後伸手進去狹窄的褲頭裡，握著子熹變硬的陽具，熟練地把玩著。
「嗯...」她另一只手摸摸自己的身體，發出呻吟聲。
子熹望著她，尤其近距離地觀望，越來越感到不對勁。
一刹之間，就似電影劇情跳回早段畫面的Flashback一般，子熹想到了城市大學追兇的情況，還有戴著黑色鴨嘴帽的神秘女子。
「你做咩剪左短髮？」他忽然問。
「你知道我以前留長頭髮？」Carmen喜形於色，把嘴唇湊近向他的耳畔：「睇唔出你都幾留意我喎。」
子熹續問：「吳福銘遇害當日，你係咪到過現場，仲偷走左佢部電腦？」
Carmen仿佛聽到禁咒一樣，臉色一沉，她下意識的向後退縮，再以警戒的眼神凝視子熹。
「你係點知道呢件事？」
「當時我趕去城市大學既演講廳，記得有個戴黑色鴨嘴帽既女仔行蹤可疑，雖然當時只係望左佢一眼，不過啱啱你靠近既時候令我諗返個畫面，發現你既樣同佢完全吻合——你就係果個女仔。」
Carmen坐了起來，以感到不可思議的眼眸瞧向子熹。
「唔怪得之你第一次見我地既時候要特登戴口罩，係以防我真係認得你。」
「係啊。」她穿回衣服：「我當時的確係到過現場，仲攞左佢部電腦。」
子熹也整理好自己的衣褲，冷冷地拋出一句：「你係咪就係果個連環殺人兇手？」
「如果我真係個兇手，我會唔會傻到自己走上門嚟搵你？」
「話唔定你全心係嚟套我料。」
Carmen掃一掃亂蓬蓬的頭髮，沒有絲毫退縮的望進子熹的眼說：「我承認我就係攞左佢電腦既果個女仔，但咁係因為避免真正既兇手得到電腦入面既重要資料。」
「重要資料？」
「喺我哥死左次後，我如常返公司工作，但有一次我發現有駭客想入侵我地公司電腦系統。當時我有懷疑過兇手就係個駭客，於是我私下調查，成功比我搵到駭客既真正身份，點知比我發現個駭客係我一個大學相熟既學弟。」
「你既意思...」子熹按按太陽穴：「個學弟就係吳福銘？」
Carmen用力點頭：「我之後約左出嚟同佢傾過，先知道因為佢喺個連登Post度留左名，所以好關心呢件案而去駭入我地Server。吳福銘當時仲同我講，憑住外國同類型既案例，以及暗網近年受歡迎既武器買賣記錄，佢已經查出左兇手完美殺人既方式。」
「吳福銘知道兇手點樣殺人？」子熹驚訝不已。
「係。兇器好大機會係美國新研發既高科技尖錐武器。尖錐既設計幼細，方便收藏，插入頸部幾乎必定殺死人。呢種兇器喺日本既黑社會亦見普遍，專門用於暗殺。」
子熹忽然聽到有人驚訝的叫了一聲，但他分不清楚那人是否正是他自己。
「所以事發既一日，我本身係想處理好手頭工作，就去城市大學跟住吳福銘暗中保護佢。可惜我去到演講廳既時候就已經發現佢死左，兇手亦唔見人。我見情況危急，怕兇手會回頭，咁所以就攞左佢電腦走先，但離開既時候見到你地，擔心你地會以為我係兇手......所以做用一啲多餘既事。」
子熹恍然大悟，看著Carmen堅定的模樣，她應該不是在說謊。
「咁果部電腦而家喺邊？」
「喺我屋企。」
「你方唔方便比果啲資料我？」
Carmen想了想，最後應允的點頭。
「聽日返到去比你。」