香港殺入世界盃（尼馬故外傳）: 第二十四章

24）「係呀，乾貴士係我由細到大既偶像。」

熟悉畢迪斯的球迷自然知道乾貴士的名字，他於2018年夏天加盟綠白軍團，成為首位登陸安達魯西亞的日本球員。


「佢當年世界盃射破比利時大門既時侯，妳應該仲好年輕。」我道。
「我個陣七歲，生長喺足球家庭，爸爸﹑爺爺以前都係足球選手，大家都好鍾意足球，而乾貴士係我地全家偶像……」里香道。
「可惜，我地最終都輸左俾比利時。」






2018世界盃十六強，日本領先2－0之下讓比利時末段連入三球反勝，為當屆經典之一。


「隔左咁多年，妳仲記得。」
「世界盃喎，點會唔記得？」
「妳叫咩名？」
「我叫七瀨里香。」


當時，我的西語程度還未能跟本地人溝通，和依然在學的里香卻是一拍即合。與她談得久，得知她來自日本名古屋，是大學生，參加了大學交流課程來到西班牙學習一年西語。






「畢業後，我希望喺西班牙搵工作。」里香說。
「西班牙人希望移民搵工，妳竟然偏向虎山行？」我笑問。
「城裡的人想出去﹑城外的人想進來……」里香道。
「我自細就憧景呢度既文化，學好西語之後，我一定會再返黎。」
「西語唔易學，我係英國自學左幾年都係馬馬虎虎。」我道。
「我努力中，下次返黎應該可以同本地人流利溝通。」里香道。
 
 




我喜歡跟年輕人談夢想，與鍾愛足球的她什為投契，加上我跟一群新隊友未曾熟絡，里香遂成為我在西班牙比較談得來的伙伴。


數月後，她大學課程完結前的最後一星期。



「點解你會戴住戒指既？」她知我單身，遂有此好奇。
「係因為……」我在人面前很少提起舊事，猶疑要不要告訴她。
「舊情人？」里香問。
「係已經過身既太太。」我還是說了。
「……對唔住，提起你傷心事。」
「唔緊要，都過左好耐了。」
「你每年都會抽時間去澳洲就係因為佢？」
「妳點會知道呢件事？」




「我上網查過你以前既新聞，對你地既故事略有所聞。」里香說。
「原來如此。」我道。
「你仲好掛住佢？」
 
我點頭：
「我係病床前應承過佢，我今生今世都唔會除低呢隻戒指。」我苦笑說
「嗯…」


里香那晚喝多了兩杯，臉頰出現紅暈。聽到我這樣說，她垂下頭顯得有點失落。
 
 
「你知道，我下星期就要離開塞維亞了。」她轉移話題。
「妳有何打算？」我接著問。
「可能係西班牙四處遊覽下，才返日本吧。」




「嗯，西班牙有好多好靚既地方，玩夠先返屋企吧。」我笑道。


里香點頭，很快便清醒過來。

那晚之後，我再沒有跟里香聯絡，只知道她離開西班牙後便回日本工作。想不到在這程短途機上，竟然讓我跟她碰上。


－－－－－－


與三年前相比，里香少了稚氣，卻多了份韻味。


「你幾好嗎？」多年不見，她的西語進步不少。




「托賴。妳呢？依家做緊咩？」
「我係日本一間語言中心教書。」
「教西班牙文？」我問。
「係呀，一邊教一邊學。」她道。
「妳依家既水準，恐怕已經超越我了。」我笑道。
「當然啦……如果唔係學有所成，你唔會喺呢班機上見到我。」里香笑道。
「妳真係決定搬來西班牙？」
「看情況吧，你都知呢度經濟情況不佳，要搵工作唔容易。」里香道。
「Anyway點都好，好高興見返你。」
「我都係。」