愛在香港，食在英國: 第十六章

喺XXX屋企玩完成個下晝之後，我地一齊去join班會個打邊爐活動。

老老實實，打邊爐絕對係我最愛，先不論可以任食，用水煮食物簡直係帶出食材鮮味，駛撚用MAY JER雞精；仲有個湯底，煲咗N種食物個幾兩個鐘，拎黎淥麵簡直係無得輸
冬冰冰嘅天氣下打熱辣辣嘅邊爐，真正嘅冰火二重天。

去到地鐵站等咗陣，班會主席（前文講過佢好有號召力，唔少活動都叫齊到全班或大半班，連平時啲獨家村同學都畀面黎）見平時啲例遲嘅人又遲，就叫我地去攞位先。
我就當然冇所謂，有得坐好過企

攞完位之後循例幫手洗碗杯筷子，之後等埋啲遲到撚黎分位
一路等一路吹水，搞咗陣先黎齊可以開始嗌野食




一枱人打邊爐最好就分兩個煲，我打邊爐就永世唔食辣湯底，啲味精辣over晒，就算煲咗好耐都係得陣辣味；最好就普通豬骨或清湯底，等佢一路煮一路進化

臨近聖誕夜晚真係唔少人打邊爐，全場一眼望晒唔少都係後生仔女，學生照牌活動。
而家諗返，啲回憶真係又遠又近，好似尋日先同班友打完邊爐，聽日就要落TESCO
四十人圍埋吹水食野，以後除咗紅事，真係有幾可，
有啲人隨時可能以後都唔會再見

等到野食黎齊同埋個湯滾就梗係it他他ge mus
一路食一路吹水一路玩，話咁快過咗幾粒鐘，又係影相時間，影埋相大家就散，又完咗次班會活動。





返到去沖完涼換埋衫，見到Jenny msg過黎：「平安夜出唔出去睇燈同倒數？」
我覆佢：「我約咗肥狼阿永佢地喎。」
隔咗陣佢覆返我：「一齊囉，侵唔侵我玩先」
「咁你冇所謂嘅話我都冇所謂，反正你識佢地，我同佢地講啦」
「好啦咁聽朝再搵你」
「你真係冇朋友，成日都要搵我班啲人」
「亂up啦你，啱啱先同我班啲人打完邊爐」
「係咩？頭先我地班都打完邊爐喎。」
之後又傾咗陣無聊野，到夜夜地佢眼訓：「好啦早抖，都唔夜喇」
我：「早抖 」





我轉頭msg肥狼：「聽日Jenny夜晚一齊去得唔得」
肥狼：「勁喎老友，帶條女黎」
我：「佢冇人陪先搵我，唔好講廢話，我眼瞓」
「是但你啦阿邊個同邊個仲有邊個都好似有伴」
「係咁，早抖」
「898（肥狼最鍾意咁打）」