煉獄屍港: 第四章 - 喘息

『拍拍拍拍拍拍拍拍拍!!!!』清脆既關閘聲響起，我地已經將鐵路站的閘關上了。

『嗄嗄嗄…嗄嗄嗄』wilson喘著氣講:『好在趕得切關好道閘，唔係我地實死無生。』

此刻Austin同黎謹都差不多連昨晚食既野都嘔哂出來，差D嘔埋黃膽水出黎。『親眼見住個女仔比班喪屍當食物分黎食……真係好L嘔心』剛剛嘔完既Austin講。

『係嘔心既……但而家見到你兩個嘔到成地都係仲嘔心。』我沒好氣說 ，同時遞上兩張濕紙巾比佢地抹咀。

麗慈坐埋一邊攬實 Wilson 係度喊。 『但剛剛見到麗慈都好勇敢但點解而家喊成咁??』我問wilson。





『頭先其實佢一直都死頂，當佢見到個女仔比喪屍食既時候，佢內心好自責點解救唔到個女仔，如果一早知入面仲有人，佢地就唔洗死……佢講完呢句就喊成咁。』wilson 無奈地說。

『全靠麗慈你提出鎖閘先救返我地，我地都多謝你但希望你明白當時如果我地真係救個女仔，係無可能夠時間鎖上鐵閘，換轉角度諗起碼我地而家八個人都未死都係全靠你。』wilson用安慰語氣對麗慈說。

『我明白你既說話……只不過……我一時控制唔到……情緒先咁激動。』麗慈抽泣地說著，『傻瓜喊多一陣好啦。』wilson 溫柔地說著。

睇得出麗慈同wilson 應該係情侶既關係，都好既起呢個時候有個人起身邊互相扶持都算係 一種心靈慰藉。

『各位有咩一陣先再講，你地望下前面 ……班喪屍仲對住我地虎視眈眈。』stanley催促地和大家說。





Stanley 講得無錯即使道閘鎖上，但由於呢個閘係『穿窿閘』班喪屍依然可以見到我
地，佢地張牙舞爪地不停拍打鐵閘仲不停地發出野獸般既咆哮聲，就好似野獸見到食物但 食唔到又係度發爛渣咁，我心想再留多一移鐘都會隨時無命。

『不如我地行去天橋附近既一個公園避一避先，就沿住天橋一直行轉右就到。』我同大家講。

大家都認同我既說法去公園避一避，雖然由鐵路站行去公園路程唔算遠只係一條直路再轉 右就到，但我地一行八人都好小心翼翼咁前進，因為我地好擔心喪屍會在一些死角位位置 突然跳出來，平時由鐵路站行去公園都不消五分鐘內可以到，但現在我地足足行上十五分 鐘才到公園。

我地一行人戰戰兢兢來到公園終於可以休息一下……經歷過死亡邊緣的一刻大家暫時默 不作聲，但過了一會有人出聲了。

『我地之後點丫？？係咪全香港既人都變哂喪屍！！』王師奶激動地說。





『唔好咁擔心，起碼我地而家暫時無事先。』wilson語帶關心地答王師奶。

『頭先就話危險姐，而家暫時安全搵人答下我，而家我地點好丫??』黎謹語帶不爽地說。

『想知發生咩事大家過黎睇下呢段新聞』坐在凳子的Stanley 叫大家過來。

原來Stanley一早已打開電話上動新聞睇返較早前既新聞:『在早上07:30時東區海底 隧道有一輛裝滿化學藥物及氣體貨柜車突然翻側，司機從座位飛出車外當場死亡，由 於貨柜車翻側導致貨柜內化學藥物及氣體大量洩漏該藥物及氣體會經空氣散播，而 散播方向是往東九龍因此油塘/藍田及觀塘一帶已受感染，警方呼籲市民留在家中關好門窗 避免 吸入氣體。如此同時警方決定封鎖及切斷往來東區海底隧道的交通所有車輛不能進出 東九龍，今次新聞消息報道完畢。』

『點解新聞一Ｄ都無講有喪屍出現同埋D喪屍周圍咬人？？』黎謹激動地說。

『好正常，九成政府個邊已經通知傳媒個邊隱瞞消息，為免引起恐慌政府短時間內都唔會對外公佈有喪屍。』Stanley 答。

『聽剛剛段新聞講而家受感染既地方暫時得油塘、藍田及觀塘，但東隧已經封鎖班喪屍咪會向九龍灣方向去走落黎……我地既處境咪好危險…』Austin 驚慌地說。





『剛剛起鐵路站發生既一切已經是一個答案，喪屍係由油塘站方向的車廂出來，所以好明顯喪屍係由油塘個邊爆發，我相信油塘、藍田及觀塘已經變成一間煉獄。』Stanley 答 Austin。

『我地再留響外面一定好危險唔知班喪屍幾時會殺到黎。一定要搵個安全地方避避。』 Wilson 說。

『其實想問大家會係想一齊行動定會有其他地方要去??譬如話搵屋企人咁。』 Stanley 問。

『我屋企人住起香港區個邊剛剛已經打左電話比佢地，佢地而家起屋企暫時安全，我同Austin會跟大家一齊行動。』 黎謹說。

『係丫，呢個都係剛剛幫大家既一個條件，雖然大家都唔識但呢個情況有個照應會好D，我冇屋企人所以冇野好擔心。』Austin 說。

『我屋企人全部都移左民，所以都我會同大家一齊』 wilson 說。

『我家人住起新界佢地都暫時安全，我都同大家行動，雖然我係女仔但唔會成為大家負累。』麗慈說。『麗慈，你冇事啦?』wilson問道。『無咩事，總算平伏了。頭先多謝你wilson』麗慈答。

『大家咁熟同我講呢D』Wilson 笑著說。





突然間王師奶攬住進仔衝去 Stanley 面前。

『比我同個仔跟住你地，求下你地』王師奶攬住進仔跪在面前懇求著Stanley。

『王師奶你起身先講，我都係個句一齊行動無問題但前提唔擔保你一定安全，同埋起團隊裡我都希望大家都要有貢獻，唔好做大家既負累，大家希望明白呢一點。』Stanley 認真地同大家說。

之後麗慈及 wilson 扶起王師奶坐在一旁，而wilson 就同進仔起附近玩瀡滑梯。

睇得出 Stanley 會係呢個團隊裡面核心，能夠響呢個情況下仲可以處便不驚企出來帶領大 家要做到呢步係唔容易，我相信佢既職業一定係紀律部隊。

正當佢地傾緊行動既時候我即時打電話比我老豆，好在電話通左一陣有人接:『係咪細仔呀?』老豆說，『剛剛做乜咁快cut我線嚇死我!!老豆你個邊情況點呀??舖頭落閘未??你同老媽子安唔安全??』我緊張地說。

『岩岩掛住收舖又要同你老媽解釋先突然cut 你線，我地而家響舖頭入面但聽到出面好多慘叫聲同野狗既叫聲，我地唔禁開門睇發生咩事報警又冇人聽。』老豆擔怯地說。





我好想同佢地講聽到個D唔係野狗叫聲而係喪屍咆哮聲但我冇講出口『你同老媽起舖頭入面等我，我好快就黎度，黎度之前千萬不要開門』我千叮萬囑老豆。

『唔講咁多，唔好嘥電話咁多電。』我說 『好!!』老豆答。今次係我先cut 聽完呢個電話我暫時安心。

『諾銘，剛剛你講緊電話所以未問你諗住點?一唔一齊行動現在只欠你還沒表態。』stanley 說。

『唔啦，我另外有事要做唔同大家一齊行動』我說。

『你有咩事?講出來睇下大家幫唔幫到手?』stanley問。

『唔洗啦，仲知我唔跟大家一齊行動。』我堅決拒絕stanley。

呢個時侯有個人出聲『你係唔係要去安基苑救你父母。』