有一種愛，叫第三者: 3. 小兔兔

初來報到，我好快有個新朵：小兔兔。

點解嘅？因為純情小兔兔囉！

的確，我係比較斯文，但絕對說不上純情，至少以前從無人咁形容過我。可能係我工作背景，令同事有呢種錯覺，又或者，我係單純到連自己有幾咁單純都唔知。

有位師兄同我講，教師同警察嘅分別，只係一堆披著羊羊皮嘅狼，同披著狼皮嘅狼。我心諗，呢位師兄想法未免過於悲觀。我總抱著一個信念：人，總會有好人；而且人不犯我，我不犯人。

更何況，大家都對我好好，特別關照我。我就好似身份證，佢哋去到邊都會帶著。係我心目中，佢哋嘴賤但心甜，高傲但宅心仁厚。





我好快就融入呢到，而且工作愉快，因為有一班呵住小兔兔嘅同事。