我係喜達,撈麵界既亞視: 結局篇

黑仔返到香港

第一件做既事就係二按左畢架山花園既單位

用來做員工既遣散費同人工

上一個月黑仔仲係一個中產

今個月就變左欠債過千萬





黑仔開初都會同客人,銀行試下商量

但係一個無左公司,連工作都無既人

銀行點會信你

結果黑仔選擇左逃避

避得一時,避唔到一世





黑仔好快就比人收樓,連住既地方都無埋

係黑市租左一間黑市公屋

父母搵佢,佢話以忙做籍口

黑仔唔想父母見到佢呢家咁既身世

黑仔無錢比家人





黑仔有日提起勇氣搵父母食飯

講出所有事

黑仔爸爸一巴掌打落黑仔塊面

『差人咁多錢你仲返屋企?你唔好返黎連累我啦,我一早就話左你唔係做生意既材料架啦,以前有書又唔讀....』



黑仔第一次對父親產生憎恨既感覺

從來未試過咁同家人講野

而媽媽就只係識喊






黑仔返左香港之後一直有試過搵黃俊,想親耳聽佢答一次件事係咪真係正如林肯所講咁

咁耐都搵唔到

黑仔忍無可忍

走上黃俊父母既屋企搵黃俊

叮噹

『伯母你好』

黃俊媽媽見到係黑仔,馬上擁抱黑仔,然後係黑仔既心口係咁喊





『伯母我想搵呀俊..伯母你做咩事』

『嗚..』

『伯母?』

黃俊媽媽抹走臉上既眼淚



『上個月,大陸醫院有個電話打比我,話呀俊係上面自殺死左』


黃俊自從出賣左黑仔之後





憑住幾千萬既本錢,無限既人脈

黃俊做左水貨界既龍頭

電話,藥材,機器零件,甚至海鮮

都係黃俊其下既生意

黃俊源源不絕咁搵錢

搵錢對黃俊黎講,係止痛劑

幫心入面一個永遠無辦法埋口既傷口止痛





黃俊每日就係同上面做d達官權貴既狗

黃俊知道,就算你幾有錢都好

佢地都只會當你係狗

黃俊需要權力,黃俊開始對一樣生意感到興趣

毒品既生意

黃俊只想做權貴既生意

黃俊有門路買到高純度既可卡因,高純度既冰毒

黃俊開始係大陸有錢人既圈子入面成為其中一員

黃俊唔再需要做狗

黃俊想成為毒品一哥

黃俊開始利用婦孺,以高價黎叫人幫佢帶毒品去香港,澳門,甚至台灣,加拿大

黃俊自己都染上毒癮

用鼻一吸

所有野都變得美好

至少係果一刻,佢可以忘記到黑仔

黃俊愛錢,因為佢愛洗錢

去到酒店吃飯

全間酒店,西餐,中菜,甜品部所有人都例隊歡迎

『俊哥,俊哥..』

『你好,你好,來』

『謝謝俊哥』

每個叫黃俊既人,黃俊都派一百蚊

（呢件係真人真事,當年有位又係叫黃俊既江湖大哥,去食飯,真係由門口請到入廚房,每人都派）

黃俊食完飯係酒店門口等緊手人渣車過黎接佢

突然有個男人叫黃俊

黃俊望下佢,黃俊記得佢好似係個關員仔

黃俊終於記得上次佢係請呢個人係醫院睇住黑仔

『黃先生,我找你很久了,這是黑林頓叫我給你的』

『..佢幾時比你』

『就在他出院那天呀,我一直找你都找不到』

『嗯..你比我』

黃俊係褲袋拎左二千蚊人民幣比林肯

『不用了黃先生,我只是為了他,祝君安好,再見』

黃俊唔敢拆信

係果晚,黃俊叫左佢既手下去佢屋企開吸毒派對

黃俊吸了很多可卡因

黃俊好興奮,毒品帶到比佢勇氣

黃俊行入房

拎起黑仔寫比佢既信

深呼吸一口氣

拆開佢


黃俊打開信封坐係床邊

黃俊睇完信

『哈..哈哈哈哈..黑仔你真係..』

黃俊出返大廳

打電話

叫齊所有佢所謂既朋友去到佢屋企

來一場瘋狂派對

飲最貴既飲,吸食最貴既毒品,同最靚,最好身材既女人做愛

係黃俊畢生中追求緊既野

『俊呀,我地有錢都好呀,記得儲返個錢,我地唔會永遠都咁順風順水架』

黃俊心底裡傳來黑仔既聲音

黃俊用信用卡壓碎毒品,倒落一杯紅酒到,一啖飲晒佢

『俊,做乜又飲到咁醉呀,有唔開心咪同我講囉,唔好再飲咁多,比支酒我,唔準再飲』

黑仔仿佛係黃俊身邊咁

黃俊係枱面放低一大扎銀紙

『你地逐個埋黎,我問你問題』

『大哥你問吧』

『我問你地,我係咪好人』

『大哥你當然是好人啦,又給錢我們,又給毒品我們,又有女人,全世界你對我們是最好的』




『俊..你對我真係好,個個同學都打我,係得你幫我』

『俊你真係好撐我,如果唔係你,我仲做緊車房』

『俊如果唔係你提意開運輸公司,我都無諗過我可以做老闆』

『俊呀,你睇下d煙花,以前我永遠只可以係屋企睇電視,我終於可以企係到睇煙花』

『俊...』


『哈哈..我是好人..我是好人..來..拿錢..』

然後手下們都衝過來拎錢

黃俊即刻收返枱面上面既錢走

『我再問你們喔,我由這一刻開始,不再給你們錢,毒品,女人,我還是好人嗎』

手下們嚇一嚇,無黎神氣咁講

『是,大哥你是好人』

『哈哈,玩下你地姐,黎!拎錢,今晚不醉無歸』

手下為黃俊歡呼

玩到越黎越夜

手下們都離開左黃俊既屋企

黃俊叫左一個手下唔好走住

係到留多陣

『哎小祥先不要走,我有事要你幫忙』









『哈..哈哈哈哈..黑仔你真係...點解一定要令到我咁內疚』



『小祥,幫我搞d野』

『大哥你說吧』

『呢到有一封信,收信人叫黑林頓,你寄去我香港的家,我家人會幫我給他』

『小意思,大哥還有事情嗎』

『有,還有一件事情』

『將我既手指尾同無名指屈去後面』

『大哥你意思是?』

黃俊做出將手指屈去後面既動作,示意小祥照做

『大哥,不可以啦..不可以..大哥你不要嚇我』

黃俊拎左十萬蚊出來

『照做』

『大哥不要啦..我不敢,大哥發生了甚麼事情』

『拍』

黃俊拎左支槍出來,放係枱面

『大哥..那你就不要怪我囉..你忍住囉』

小祥拎住一個尖咀鉗,手都震埋

『大哥..你..你忍住喔』

黃俊拎起支槍指住小祥個頭

『你再唔快撚d我就一槍打爆你個頭』

『大哥對不起了』

『o拍!』

『呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!』

黃俊成個人跌左落地下,痛到眼淚鼻涕都流埋出黎

『呀..嗄..嗄..仲有呢隻』

『大哥我還是送你去醫院吧』

『快撚d!』

『大哥..』

黃俊又再拎起支槍,嚇得小祥照辦

『呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!』

黃俊痛到差d休克,手指不停流血,面都變成白色

『大哥,好了,快,我送你去醫院』

『你走,記住我叫你做既野,走』

『大哥,不可以,你會流血不止呀』

『小祥,我唔想再用槍指住你個頭,聽日呢個時間,上黎接我,放心,我會叫醫生上黎』

『大哥..那你小心點,休息一下等醫生吧』

『嗯,記得我叫你做既野,聽日一定要上黎搵我,如果我唔知醒,你就自己開門入黎』

黃俊將自己既鎖匙比左小祥

『走吧』


黃俊用一件衫包住隻手止血

黃俊本來上吸一口毒品止痛

但係佢無咁做

佢將所有酒,毒品都掃晒落地下

黃俊拎起電話

『媽呀?俊呀,點呀你..我幾好呀..飲湯呀?呢排都無打算返黎啦..係呢呀爸點呀?你叫呀爸唔好食咁多煙飲咁多酒啦』

『哦..唔係..我無事..無啦啦掛住你地姐』

『呀係啦..我寄左封住比你地,你幫我比黑仔...佢係同我一齊..哦..唔係..封信係生日卡,佢生日..想比個驚喜佢姐』

『媽唔講住喇,你真係要小心身體呀』

DO..

黃俊忍住痛,將血抹走,梳好頭髮,穿上一套kiton西裝,戴上一隻陀飛輪手錶,穿Berluti皮鞋

行到去花園停車場,坐上佢既LP700坐駕

黃俊打開左車窗,點左支煙

黃俊拎住手提電話

睇緊佢既照片

一開,係佢同領導既照片

黃俊係咁搵,搵到最後

搵到一張同當日係酒店天台,同黑仔影既合照

黃俊都好耐無見過黑仔

『屌..傻仔..d風吹到個頭亂晒』

黃俊微笑住咁睇張相,相入面黑仔比風吹到d頭髮飛起晒

黃俊望住張相好耐

『拍..』黃俊將煙頭彈走,關了車窗

黃俊拎起手提電話,望住黑仔

黃俊吻了手提電話一下,吻了相中既黑仔

『如果下一世,都仲可以同你做兄弟....你話幾好呢?』

黃俊深呼吸一口氣

拎起左支槍,指住自己太陽穴


『但願我下世,可以似返個人』




『彭!』



『喂黑仔,呢到唔係咁玩架,你呢到要跳起,打佢啦,禁X呀,唔係呀..頂..死左啦,唔緊要啦哈哈,打過舖啦』





https://www.youtube.com/watch?v=P7ww9Lgk16I