我係喜達,撈麵界既亞視: 喜達篇

我係一包撈麵,一包放係貨架最前排既撈麵,不過等左好耐都無人帶我走

係呢個貨架,放係我旁邊賣既營多,已經賣得七七八八

我仲有七日就過期,但我無放棄,仍然等緊識得欣賞我既人出現

今日我見到我旁邊既營多係到震,發出d哭泣聲

我問營多『點解你好似好驚咁既』





營多話『好驚呀..就黎就賣到我,我好驚會比人食..』

我好嬲,好大聲咁鬧營多『儒夫!我地作為撈麵,我地就係為左比人食先會出現,有咩好怕!』

營多抹一抹眼淚『你會明咩,你都無人買...呀唔好意思..我無心』

我無責怪營多,佢講既係事實..突然老闆走左過黎拎起我

老闆果然係知音人,識貨..可能老闆肚餓





『屌你老母仲有幾日就過期,都無撚人黎買,唉入錯左d西貨!』

老闆用力咁飛返我入貨架,太大力啦,我既右下角碎左

我望住屬於我既麵碎,我好傷心

連當初唯一會欣賞我既人都放棄左我

老闆拎住一個新既價錢牌行埋黎我到,同時間有一個中學生入左黎





『老闆,營多幾錢呀』

『十二個半』

『好,我要兩排,收錢啦』

我望一望我新既價錢牌

五蚊排,十蚊三排

今次係我第一次流淚

『你唔好咁啦』蒜粒拍一拍我膊頭安慰我

『屌有時我都覺得好唔公平,個個都淨係識食營多,點解唔肯試下我地姐』味粉嘗試幫我砌返d麵碎上去,點知郁一郁又跌返晒落黎





『我上次呀,見到有對男女入左黎舖頭,個女仔指住我地問個男仔係咪要買營多,點知個男仔望左我地一眼,佢講左d好難聽既說話呀..』辣醬低頭扁嘴玩手指

我問『佢地講咩呀?』

辣醬都忍唔住流下男兒淚『佢話呀,呢包都唔係營多,格黎呢包先黎係呀麻..佢仲話呀:喜達?乜撚野黎架..比達我就識』

大家都靜晒,無人再出過一句聲

就到11點 老闆亦都準備收舖

佢地亦都準備訓覺

有個男人入左黎,佢頭髮好油,應該好耐無洗過頭,滿面鬚根,帶住一副黑色眼鏡,我都分唔清楚佢係眼訓定係岩岩訓醒





佢入左黎行左一個圈,最後企左係我地前面

『五蚊咁抵..』男人係褲袋到巢,結果巢左幾個銀仔出黎

佢渣住銀仔數左好耐,最後都拎起左我地

果一刻我同配料們都擁抱起上黎,大家都流下喜悅既眼淚

男人去雪櫃揀左一罐最平既匯泉啤酒,連同我地一齊拎去埋單

『幾錢呀』

『七個半』

男人拎晒佢全身既神沙出黎





五個一蚊 五個五毫

『岩岩好』

『營多平左咁多既..』

『佢唔係..呀..呀..係呀..哈』

我係個膠袋入面好興奮咁聊匯泉啤酒講野

『喂我叫喜達呀,你叫我達仔得架喇』

『...』





『出句聲啦,大家一齊估下佢一陣點享用我地,你估下會唔會有燭光呀喇..嘻嘻..會唔會有d高級餐具,用咩酒杯黎飲你呢』

『屌你啦,我地衣d低級充肌食糧,一陣間佢只會開左我個蓋,一啖飲鳩晒我,再渣爛我飛落地下』

乜真係會咁樣咩

男人帶我地來到一個好舊井字型屋村,無電梯,fing下fing下我地咁行左上四樓

男人既門口有好多印有佢既樣既單張,上面類似係寫住叫佢還錢,殺佢全家之類

男人逐張逐張撕左落黎,渣成一個大紙球

『屌!』飛左落街

入到去男人無開燈,點著左幾支臘燭

『喇..匯泉都話左會有燭光架啦,好浪漫呀』

『傻西達,佢無交電費咋』

男人將我地帶去廚房,將我放落個碗到,就倒d熱水落我到,想焗熟我

『喂,咁樣唔好食架喂』我大叫,但佢都應該聽唔到

係呢一刻,我又喊起上黎,係我地撈麵界有一個傳統,就係每一個撈麵都一定係滾水到比人煮過,我叫佢做係成人禮

但係估唔到我,係比一碗溫水焗熟

十分鐘之後,我已經焗到好漲,佢將d水倒左,將我既配料倒落黎

『達仔我地終於成功喇』味粉溶緊落我到

『係呀..』我望到地下,有一個渣爛左既匯泉罐,係岩岩同我傾計果個泉哥

佢去到窗邊,外面既燈光照住我,男人夾起左我,我亦都合埋眼準備完成撈麵既最後工作

我合埋眼等左兩秒張返開對眼,見到男人聞一聞我,佢就衝左出去睇我岩岩拆落黎既包裝套

『屌,唔撚係營多黎既,乜撚野喜達呀,食唔撚食得架』

『我屌你老母呀?我食唔食得?我係撈麵黎架,唔食得你買黎把撚呀?』我好嬲,你竟然問一個撈麵食唔食得

男人嚇一嚇,衝左去門口聽住出面『唔通咁夜都有人追數?!』

佢再細細聲咁講『邊個講野呢..』

『我話屌你老母呀鬍鬚佬』

佢望住我,佢好似聽到我講野

『唔撚係撈麵都識講野下』

『好撚出奇呀?咁岩識講我有撚計呀?』

『屌,咁多年都比人玩,今日想食個營多姐,咁都要玩鳩我』

『屌你過黎試下啦,我都好好味架』

『唉唔撚食呀』

男人發脾氣打推開左我

『邊個玩你呀』我想安慰佢

『我身邊所有人呀,父母呀,我無朋友架!』男人好似崩潰左咁

『點解呀』我開始有d同情佢

『.......』


跟住男人同我講左個關於佢既故事