那一晚，女神強制中出了我: (第十一節 - 電話談天)

當我把相片向後一返，原來是她的電話號碼
 
「喂，你做咩放佢走阿，果晚果個咪係佢囉」肥坤說道
 
「原來果晚，原來果D眼淚…..，唔係呱…..」
 
「咩眼淚姐，快D追上去，然後封口啦」
 
「放心啦，佢唔會爆出去嫁」
 




「你又知，陣間件事比人知道，你就GG嫁啦」
 
「我知佢係點樣既一個人，一定唔會爆」
 
「唉，由得你啦，既然你咁有信心」
 
當晚，我和肥坤仍逛了一會動漫節，但都沒看到美夜
 
雖然那裡五光十色，有不同的Cosplayer，不同的商品
 




但我的心仍停留在那寧靜的空氣中，如果我再勇氣一些，如果會怎樣呢
 
回到家中，食過晚飯後，打開電話，填上那個電話號碼
 
「有少少緊張，點樣開場白呢?」正當我猶疑的時候
 
我不少心把一個中指的emoji送出
 
「頂! 大檸樂!」 我大叫
 




正當我想澄清這個誤會的時候，她的回覆立即浮現
 
「下? 舉我中指，唔理你，(嬲嬲豬emoji)」
 
「唔係阿，我禁錯喳!!!」 回過了數分鐘，她仍未回覆
 
「喂，唔好嬲啦….，我真係禁錯喳」
 
但她亦未立即回覆，過了約一小時後，她仍未回覆
 
而我則是看著手機，一直等著，這是我第一次花時間等一個人的電話訊息
 
不知為何心裡有點鼓譟，期間我發送了不少訊息給她，但也無一回應
 
「禁錯? 又會係既!」 美夜終於回覆了




 
「真係禁錯呢，冇覆我成個鐘，我仲以為你真係嬲左我」
 
「我都要食飯沖涼嫁，仲有，我有話唔嬲啦咩?」
 
「扮蟹柳~ 覆得就代表你唔嬲啦」然後我被藍剔了幾分鐘
 
「喂，講笑喳，對唔住囉」 我說
 
「哈，仲玩你唔到，藍剔左你一陣就嚇到咁」 美夜回答
 
然後，我發出了一個無奈的emoji
 
「哦，Hea我啦喎?」
 




「冇，邊敢，有咩吩咐先，大小姐」
 
「有少少嬲，條氣唔順，如果聽日有人氹我開心既話就好啦」
 
「收到! 聽日幾點?」
 
「你好似住得好遠，咁十一點啦」
 
「OK， 係呢，你玩開Cosplay既咩」
 
「唔係玩左好耐喳，可能係唯一一個地方可以做番自己呱，唔知阿」
 
「哦…….，你果陣係……..，咁姐係咩意思阿?」
 
「自己估，聽日答我」 一條由我發出的問題，變成我要回答的問題




 
「哇，呢個回馬槍」我說
 
「夜啦，訓啦」美夜說道
 
「好啦，聽日見」
 
雖然手機裡的訊息，不乏女生的訊息，但每一個都未嘗如此緊張
 
而緊張的當中，也帶點期待，期待她會如何回覆，如何反應
 
我也甚少會逗女孩子開心，有的，只是一句起兩句止
 
當我躺在床上起來的時候，我發現一個失誤，一個重大的失誤
 




「死，大劑!!!!」 我大聲叫道