「東英」奔雷虎 : 耀揚: ( 6 )「五虎」之位

水靈柔聲向駱駝講出，然而，眼睛卻有一半時間，落喺一直都較為低調嘅齊天，

＂我嘅提議，就係不如我哋都邀請「齊師傅」同行，因為呢次到日本，最主都係想了解一下武館情況嘅虛實，蔡氏既然已經有雄二少，而東英同行嘅保安，個個又都同一輩份，總要有一位德高望重嘅領導人，呢個人選就非「齊師傅」莫屬不過啦，係咪？

唔知，「齊師傅」有冇意見呢？＂

齊天嘅位置，今次倒真係兩難，連蔡立賢都推移唔到駱駝，試問，自己又點推得甩水靈呢？

呢個「面子」若果接受，以後自己喺新界區，都會無人不識，但如果推掉，仲可以立足嗎？





不可能啊。。

但是，領導十二紅棍，班人會服嗎？尤其自己並非社團中人。

當然，水靈亦都諗到呢一點，不過，佢哋今次出兵，其實是想借兩間武館為名義 ，東英社只係扶持，所以一定要有「師傅出馬」，同時亦可利用武館嘅助力，幫手去打擊「一和會」。

齊天根本無得推，只好嘗試唔使「揸旗」：

＂東英社嘅支持，齊天若再推搪，就知太唔領情喇，同行無問題，不過。領導一職，齊某真係不敢當。＂





水靈：＂既然得到齊師傅應承，就最好不過喇。。其實我之所以請齊師父你做領導，一來齊師傅你德高望重，武功又高强，實在係當之無愧嘅。。二來，就係東英已經打算，若然日本真係有事情需要辦理，今次同行嘅十二位職員，表現最出色嘅，將會榮升為「東英五虎」嘅最後空缺，所以，若果十二位職員中，任何一人做領導，都難以公平啊。。

所以，有勞齊師傅你喇。＂

呵呵呵，本來席上眾多「棍底」，都暗自喺度諗「屌你老味，咪撚揀我去日本呀」，另一啲又諗「屌那媽，去日本玩下架妹無所謂，公司畀錢，不過，隻「馬騮」乜撚嘢料呀，要我聽佢支笛？慳啲啦」。

不過，而家水靈竟然講出今次如果喺日本，有機會發揮表現，將有機會當上「五虎」之位？

氣氛即時唔同哂，當然啦，「東英五虎」係代表東英至高至猛之地位，有野心嘅古惑仔，夢想以求都希望能夠攀上呼風喚雨，受人尊敬嘅位置，當然，仲有錢財勢力上嘅利益啦。





即時很多人都感到興趣，除咗啲自知未夠料嘅，都希望被選到去日本，同時，亦覺得齊天做領隊，亦無問題，因為佢唔會角逐五虎之位，所以比較公平。

而齊天聽到，知道自己將會帶「明日之虎」，更係水靈指示，知道十二紅棍應該唔會畀自己「麻煩」，亦都比較接受到。

水靈呢一招，確實將每個人嘅心底，都完全起清，貼貼服服。

甚至乎蔡立賢仍認同：

"齊師傅，有你同行，蔡某就更加放心，（轉向蔡雄講出）雄，記得聽齊師傅吩咐，知道嘛？"

蔡雄："放心啦，老豆，水靈祖師太嘅說話，無人不敢不從，況且，齊師傅武功高強，我一早領教過，亦都相當佩服。"

席上有興趣嘅人，已經開始蠢蠢欲動，緊張地諗，十二紅棍，到底點樣可以選出呢？自己會有份嗎？

~ 待續 ~