【英雄系列3】大學武鬥傳: 23

23.

「踏踏踏踏踏踏！！！」

nami跑到體育館處



「嘩！楊能選手一味比鄧明威當沙包咁打，真係超級大傻仔呀！！peter你點睇？」



場館外已經傳來鐘仔響亮既聲音





「楊能....你唔係真係傻到想比人打死呀...」

nami聽到後，加緊腳步



「你如果有咩事...我...我....」




「踏！」

nami一踏進場館，出現響佢眼前既場景






「嘭！！！！！！！」

就係楊能被一腳打飛，撞到保護繩前




「楊能....楊能！！！」

nami大叫





「nami...」小聖等人見到nami來到，又驚又奇



「na..nami...」面上又紅又腫既楊能終於見到nami，竟感動得流淚




「楊能你做咩呀！...做乜要上台比人打呀...！係咪痴線架啦！！！」雙眼通紅既nami少有地激動大叫



「因為..我係個大仆街嘛...」



楊能再以鄧明威一腳伸走:「嗚！！所以...我先想上台...比人打死！」



「楊能！！你呢個大蠢才！！！」

淚線崩壞既nami衝到台上:「我...要你同我...即刻打贏佢呀！！！」




「....nami...你...唔嬲我啦...」

「我....唔嬲你啦！！！我唔嬲你啦！！！」






「你地好煩呀！！有咩留返拜山先講啦！！」

鄧明威轟出憤怒既一拳:「打左你百幾下都唔死，我屌你老母！！！！」



「砰！！！」




「嘩~~~！！！楊能忽然一手捉住鄧明威既拳頭！楊能係咪突然醒返呢？peter你點睇？」



「未完場始終唔好慶祝住，it ain't t over till it's over！」



「你做乜呀.....」鄧明威驚見楊能復活，心知不妙


「nami...好多謝你...原諒我」

楊能右手儲氣

「我心中，有一句說話，忍左成一年....今日係時候要講啦」



「楊能....」




「nami！！！！！我愛你呀！！！！！！！！！」


楊能右手既氣形成漩渦，比起軍浪同徐霸天既更強大！


「強化衝擊第十二級境界！！！！超級無敵！我！愛！你！！！！！！」



右勾拳打往鄧明威既胸口

此招威力驚人，如對手唔係武術高手，唔死都肯定重傷！



「呀呀呀呀呀！！！！！」

鄧明威好似噴射機咁，直衝上觀眾席上！




「鄧明威選手飛出場外，B組決賽....楊能勝！」









「到底楊能發生咩事呢？一開頭就做沙包，最尾就一拳ko對手，peter你點睇？」





楊能聽到裁判宣布勝負後，馬上倒地


「楊能！！！！」

nami衝上擋台:「你...無野嗎？」




「我明啦...呢d...就係...愛情既魔力呀....」桂神拍掌道




「我...冇事...」楊能問:「nami...你係咪真係原諒我呀....」



「...嗯....」

nami點頭微笑:「頭先你講既野....我都聽到啦...」



「咁...nami你既意思係....」

小聖恥笑:「哥哥你咁都唔明，nami聽見你話要上台送死就即刻趕過黎喎！」






「咪係囉...楊能你咁遲鈍架....」nami含春低頭




「即係....我得米呀？！！好野！！！！！！nami做左我女朋友啦！！！！！！！呀好痛呀！！！！」

楊能興奮過度，弄到傷處，躺響nami大腿上




「楊能！！你冇事丫嘛！」

「嘿嘿冇事...有nami你，點痛都頂得住啦！」楊能響nami既幫助下慢慢站起


「哼！口花花...」兩人互相扶持，行落擂台




「啪啪啪啪啪啪啪啪啪啪啪啪啪啪啪啪啪啪啪啪啪啪！！！！！！」

整個場館掌聲不斷，向楊能同nami給予祝福



「nami睇下，幾多人祝福我地！！！！」


nami甜笑道

「嘻嘻...佢地比掌聲你咋...」




「係喎...軍浪呢？」楊能問


「軍浪bb佢頭先打贏左徐霸天之後，因為傷得太重，比醫護人員送走左啦..」小珠道

「咁..咁你同薰姐姐去睇下軍浪先啦，呢度有我響度就得啦...咁翼仔呢？」



「阿翼佢...我頭先開始打比佢，但都係冇人聽呀...」小聖焦急道



「睇完咁感人..既比賽之後....又係時候睇下今日最後一場比賽...C組決賽...容飛翼對王天祐啦..」


一臉冷酷既王天祐響歡呼聲下，行上擂台上




「翼仔唔會...又縮沙下話....」






三十分鐘前


呈祥道上



「咕....咕......」

阿翼正響石仔既車上睡覺


「嘻嘻，翼仔訓教個樣好cute呀~」坐前座既阿玲不停望向後面熟睡既阿翼


「你好撚變態呀痴女玲..」

駕住車既石仔不屑道:「你呢十幾日係咁煩住翼仔，搞到佢專注唔到訓練呀！」


「咩喎！有我響度，翼仔既訓練自然事半功倍啦！」





「呃！！！！！」

私家車忽然慢慢停低，被睡緊既阿翼震醒



「嘩！你搞咩呀死石狗？！」



石仔落車睇睇車頭

「仆街啦..好似死左火...」


「你有冇搞錯呀石狗！呢個時候先黎死火？！」阿玲責怪住石仔

「屌！我想架？架車要死火我都唔想架...」



「你..你地唔好嘈啦...」阿翼捽捽眼道:「不如你地諗下點解返學校先啦...仲有半個鐘就比賽啦...」



「...依家唯有咁啦！！！」

石仔從車尾箱取出一部MTB單車


「我送你過去啦翼仔！」

「哦...」

兩人騎上單車


「喂！！！咁我點呀？！！」阿玲大叫

「你打電話去21800000搵boss幫手拖車啦！！！拜拜啦痴女玲！！！！！」


「死石狗！！！！！！！！！」




「阿...阿玲佢無問題丫嘛...」阿翼問


石仔一邊踩住單車，一邊講

「放心啦，有boss幫佢搞掂架啦」


「boss...？」

「冇....冇野...佢係我地個friend黎既...」






「容飛翼選手仲未到喎，究竟搞邊科呢？一分鐘之內仲未上到擂台既話，就判佢棄權架啦，peter你點睇？」


「阿翼呀....你到底響邊呀....」小聖不停望住手錶:「佢唔會有咩意外掛...」

楊能心中暗唸:「我對翼仔有信心...佢一定會到既.....」






「唔該唔該！！！！借過借過借過！！！！」

石仔踩住單車，衝入體育館



「仲有15秒..如果..容飛翼選手仲未上到擂台既話...就當棄權...」



「仆街得返15秒！！！冇時間啦！！」

石仔捉住阿翼既衣襟:「翼仔準備啦！！！」


「十...九...八...七....」


單車高速行駛，去到通道中

「咩...咩事呀！！！！」



石仔放下單車，利用單車既高速，轉換成強大既衝擊力，將阿翼拋向會場內

「飛啦！！！！！」



「呀呀呀呀呀呀呀呀呀呀」

阿翼不停大叫住，響空中飛翔



「三...二...一...」




「砰！！」

阿翼成功響最後一聲前

降落到擂台中