[惡搞無極限] 就係咁，我同幾個豬朋上左大陸獵金: ３３５　總是微笑的人

就係歡呼聲後，一陣陣既震耳慾聾既爆炸聲傳出，我地每個人都望向聲音既來源地，見到既係一陣又一陣既火光。

有幾個人係火光下慢慢行出黎，有幾個人係我認得既人，而其他既都未見過。

而認得既人之中，有一個係碇司令，然後，就係全紅衫既明日香，仲有綾波麗，然後既係一個男人，一個臉上面帶住微笑，但係卻覺得佢恐怖既男人。

仲有佢身後跟住左一個拖住左個就死既男人既人……等等！？果個人係著住件ＥＥＹＯＲＥ衫架！而且被拖住似就死既男人係阿俊黎架！！！

我再睇真Ｄ果個著全ＥＥＹＯＲＥ衫既人，我真係唔想係阿妹，但係望到果個人塊面，熟悉既雙眼、嘴、鼻……所有既一切都話比我聽，呢個人係我個妹。





「阿賢，阿妹佢又暴走左……」阿欣捉實我隻手，而我都作出反應捉緊佢，然後話：「我知道。」

就係呢個時候，碇司令已經走近左我地果班人前，而其中一個人就向佢大叫：「你地咁少人都夠膽黎，想死……」

果個人連句說話都未講完，就比阿妹一野打暈左，然後明日香同綾波麗都加入左戰鬥，將一個又一個人打低。

而家係我面前既人，一個又一個倒下，阿妹個三個人，就好似好簡單咁將每一個人身上既開關熄左咁。

直到，阿妹去到我面前……「阿妹，我係妳既……」佢既拳頭已經迎面而來，不過係我身邊既阿欣將個拳頭接住後，再一腳踢向阿妹到，不過阿妹佢閃開左。





阿欣見到阿妹閃開後，就同我講：「阿賢，而家既阿妹已經唔係阿妹，你要小心Ｄ啊。」佢講得無錯，而家既阿妹唔係我本身認識既阿妹，所以，我有責任叫醒佢，但係我要點先可以叫返醒我阿妹呢？

然而，阿妹又向我攻過黎，不過，阿欣好快就同佢對抗，係對抗期間，阿欣就話：「阿賢，你快Ｄ走去格格果度先，阿妹等我應付。」

我聽到佢咁話，就搵還珠格格既身影，但係呢段搵既時間入面，我見到ＭＡＮ姐同勞斯萊斯都各自同明日香及綾波麗打緊。

而果位總係微笑既人，慢慢係我後方出現，「你就係時興隆既阿哥？」我聽住佢把聲音，感覺好想訓，「係……」我回應佢，佢既笑聲好似愈黎愈長……「等我地而家一齊搵下，你細個最痛苦既陰影係Ｄ咩……」