[惡搞無極限] 就係咁，我同幾個豬朋上左大陸獵金: ３０７　怒吼

眼前既阿妹，而家呢一刻好陌生，「阿妹……妳無事嘛？」我問佢，但係佢無應到我。

而阿欣就慢慢行近佢，「阿妹，你邊度搵件咁得意既衫黎著啊，我又要想……」阿欣未講完，阿妹就行到佢面前，一下橫踢踢向阿欣度，好彩阿欣閃得快，「阿妹，做咩無啦啦打我？」

當佢再認真望一望阿妹，佢就走到我旁邊，「阿妹佢好似有Ｄ唔妥。」係啊，我一早就見到，係妳而家先知姐。

阿妹好似無目標咁四圍望，而且仲不停悶吼緊，我望一望佢，然後再望一望另一邊既凌波麗同明日香，佢地都好似好驚同好戒備咁。

「佢唔係度，無人會阻止到佢架ＷＯ。」明日香同凌波麗講，又咁岩比我聽到。





「不如今次走先，可次我地先再搶遺書。」聽凌波麗咁講，原來佢地真係黎搶遺書，唔可以比佢地就咁走，但係而家阿妹咁，根本無其他心力理佢地兩個。

白白望住佢地兩個走，其實有Ｄ唔甘心，只不過望住死望我地唔放既阿妹，睇黎我地而加要面對既野，比起佢地兩個仲危險。

「阿賢，真係比佢地走？」阿倫問我，而我對佢點一點頭，「我地小心Ｄ好過啦。」我望住阿妹慢慢咁接近，發覺佢已經同以前既阿妹唔同，佢眼神流露出既，就只有殺氣。

望住阿妹一步又一步接近，我都唔知點做好，而阿欣站左係我地前面，面對住呢個暴走中既阿妹，已經擺好架式準備迎戰。

「啊！！！！！！！！」一聲既怒吼，係來自阿妹，佢呢一叫令到在場既人個心都寒左一寒，然後，佢就向我地衝過黎。





我望住衝過黎既阿妹，又見到阿欣好似成身震晒咁，佢好少何會係咁。

「阿妹！妳快Ｄ醒啊！！！」唔知係未奇蹟，定係阿妹真係聽到我叫佢，佢係阿欣既面前停左係度，係ＥＥＹＯＲＥ既衫下，我見到仍淚流滿臉，然後，佢就暈左。

見到佢暈左一陣，我地先反應到去扶起佢，呢一扶我心中充滿疑惑，點解阿妹會變成咁？件ＥＥＹＯＲＥ衫係點黎？碇司令佢擺到明係搶遺書？而我地接落黎既搵遺書路又會唔會平安無事？