[惡搞無極限] 就係咁，我同幾個豬朋上左大陸獵金: ３０５　凌波麗

就係阿輝自我淘醉緊既時候，個頭盔男氣急敗壞咁走到我面前，「你……你們快點離開這裡。」

見到佢咁，阿妹就問佢：「發生左咩事？」

「有一個一身穿成藍色的人來襲，已經打傷了我一半的兄弟，看來是為了裡面那個人才來，這裡很危險，你們快走吧。」頭盔男講完後又衝左出去。

我地聽完頭盔男既說話後，臉色一沉，除左阿欣……「好野，有野玩拿。」

「一身藍色既人，唔知係個點既人呢？」阿輝問。





「你好想知咩？你去睇下未知囉，我就無咁八掛。」阿倫就咁講，我好認同佢既講法。

而我見到阿妹又開始緊張起黎，所以我問佢：「妳無事嘛？」

「我諗果個一身藍色既人，係碇司令既人，我地都係快Ｄ離開呢度會好Ｄ。」阿妹講完後，阿欣就好失望咁話：「又無得玩……」

我見佢咁既樣，真心唔知講咩好……望一望佢，然後又望一望只有阿俊既房間，突然諗都Ｄ野……

「阿欣，妳係未好想玩啊？」我問佢，而佢好興奮咁點頭後就問：「係未有野玩啊？」





「我地要離開呢度，但有一個人我想帶走。」我同佢講，而阿欣就好認真咁聽我講野，「係邊個啊？」

「果個人就係阿俊，因為佢可能知道下一封遺書既下落，而家有人黎搶佢，我地係唔可以咁易就比佢搶走，所以，我想黎幫我地一邊帶佢走又一邊保管住佢。」我講完後，阿欣就問：「保管？」

「係啊，保管，如果帶佢走果陣佢反抗，妳就打暈佢，所以妳保管住佢就我拿……」我咁講完都覺得自己賤，但阿俊做二五仔，佢點都要有Ｄ懲罪先得，「只要最後佢可以醒返，唔好死就得。」

阿欣聽完我講既野後，好靜咁諗左一諗，而我又再問：「妳接唔接受呢一次既挑戰？」

「好！」阿欣講完呢一聲好之後，就衝左入去間房度，我地只係聽到叫左幾聲同埋問係邊個入左去，再聽多幾下爆樽既聲音後，阿欣就五花大綁左阿俊，然後背住左佢同我地講：「我準備好拿。」





阿欣咁快手，我地幾個都驚嘆起上黎。

「好，事不而遲，我地出發。」我一聲令下後我地幾個就走出呢間房，而一出呢間房，我地就見到果個一身穿藍既人企左係我地都幾遠下既前方。

「嘩！！！我都話凌波麗真係存在架啦！！！」阿倫向住個藍色人大叫，然後阿輝望左過去，喊住口咁話：「係啊……原來凌波麗係真人黎架……」

就好似佢地所講咁，果個一身穿藍既係一個好似凌波麗既女仔，但係我見到佢，有一樣野想問：「點解！？點解凌波麗唔係著白色衫而係著藍色衫架！！！」